სექსის 7 მთავარი „მტერი“, რომელთა შესახებ წარმოდგენა არ გაქვთ

ალკოჰოლი

ბევრს სჯერა, რომ ალკოჰოლი აღვიძებს სექსის სურვილს, თუმცა, ეს მცდარი აზრია.
ყველაფერი დამოკიდებულია ალკოჰოლის ხარისხზე, რაოდენობასა და სიხშირეზე. მაგრამ ერთი ფაქტი უდავოდ რჩება: ალკოჰოლი ძლიერი დეპრესანტია.
ამასთანავე, ალკოჰოლის ხშირი მიღება ხელს უშლის საშვილოსნოს ყელიდან ბუნებრივი გამონადენის წარმოიქმნას და ამის მიზეზი მთელი სხეულის დეჰიდრატაციაა.
გარდა ამისა, ალკოჰოლი აქვეითებს ორგაზმის შეგრძნებებს.

სტრესი

ჩვენი ორგანიზმი სტრესზე განსაკუთრებული ჰორმონების, კორტიზოლისა და ადრენალინის გამოთავისუფლებით რეაგირებს. კორტიზოლის მომატებული დონე უარყოფითად მოქმედებს სექსუალურ ლტოლვაზე. უფრო მარტივად რომ ვთქვათ, ჩვენი ტვინი სექსზე ფიქრებს თავს არიდებს და ეს მხოლოდ იმ მიზეზით, რომ ჩვენს სხეულს საფრთხე ემუქრება.
ეს, სხვათა შორის, არა მხოლოდ კაცებს, არამედ ქალებსაც ეხება: სტრესის დროს ვიწროვდება სისხლძარღვები, ფერხდება სისხლის მიმოქცევა, რაც კაცებში ერექციულ დისფუნქციას იწვევს.

მოწევა

მოწევა ორგანიზმიდან გამოდევნის ადრენალინსა და სხვა კომპონენტებს, რომლებიც სისხლის მიმოქცევაზე მოქმედებს. რაც უფრო ნაკლები რაოდენობის სისხლი მიეწოდება გენიტალიებს, მით უფრო სუსტი და იშვიათია ერექცია. ბოლო კვლევების თანახმად, მოწევა ერექციული დისფუნქციის რისკ-ფაქტორებს შორის პირველ ადგილზეა.

არასაკმარისი ძილი

ძილის უკმარისობა სისხლში ტესტოსტერონის დონის კლებას იწვევს და, შესაბამისად, ეს ფაქტორი უარყოფითად აისახება ინტიმურ სფეროზე.

წამლები

ზოგიერთი პრეპარატი, რომელიც არეგულირებს სისხლის წნევას და გამოიყენება სხვადასხვა დაავადების სამკურნალოდ, შესაძლოა, სექსუალური აშლილობის მიზეზი გახდეს. სანამ უცნობი წამლის მიღებას დაიწყებთ, შეამოწმეთ, ხომ არ უწერია უკუჩვენებაში სექსუალური აქტივობის შემცირება?

პორნოგრაფია

ალბათ, გეგონათ, რომ ფილმები მოზრდილებისთვის სექსის სურვილს აღვიძებს? აღმოჩნდა, რომ პორნოფილმების ყურების შემდეგ პარტნიორთან სექსუალური კავშირის სურვილი იკლებს. კვლევების თანახმად, პორნოგრაფიული ფილმების მოყვარულები სექსუალური ურთიერთობის დროს იმ შეგრძნებებს ვერ იღებენ, რისი მოლოდინიც აქვთ.

სოციალური ქსელები

„როდესაც საძინებელში არსებობს მესამე, წყვილი საჭირო განწყობას ვერ იჭერს. სმარტფონი კი სწორედ ის მესამეა“, - მიიჩნევს სექსექსპერტი, ექიმი პრაკაშ კოტარი. ამიტომ, უარი თქვით გაჯეტებით სარგებლობაზე საწოლისკენ წასვლამდე თუნდაც ერთი საათით ადრე.