პირველ რიგში, ამ ჯადოსნური ელექსირისთვის მნიშვნელოვანია სწორედ ასპირინის გამოყენება და მისი ჩანაცვლება იბუპროფენით დაუშვებელია. ასპირინი შეიცავს სალიცინის მჟავას, რომელიც წარმოუდგენლად სასარგებლოა კანისთვის.
რა დაგჭირდებათ ნიღბის მოსამზადებლად:
ლიმონი - 1 ცალი
ასპირინი - 6 აბი
ნატურალური თაფლი - 2 ს/კ
საკვები სოდა.
ნიღბის მომზადების წესი:
დაფხვენით ასპირინის აბები მყარ ზედაპირზე.
დაფხვნილი ასპირინი მოათავსეთ მცირე ზომის ჯამში, დაამატეთ, დაახლოებით, 2 ს/კ ლიმონის წვენი. მოურიეთ ისე, რომ ერთგვაროვანი მასა მიიღოთ. დაამატეთ თაფლი და დაიდეთ სახეზე. გაიჩერეთ, დაახლოებით, 20 წუთი (სანამ შეგაშრებათ). შემდეგ კი ჩამოიბანეთ ნიღაბი თბილი წყლით. ბოლოს კი გაიწმინდეთ სახე საკვები სოდით (თბილ და ოდნავ ნოტიო ტილოს დააყარეთ სოდა და შეიზილეთ სახის კანზე). ამ პროცედურის შემდეგ შეიზილეთ სახეზე მკვებავი ან დამატენიანებელი კრემი.
რატომ არის ეს ნიღაბი ასეთი ეფექტური, განსაკუთრებით, აკნეს წინააღმდეგ?
აცეტილსალიცილის მჟავა, რომელსაც შეიცავს ასპირინი, არის ნომერ პირველი ინგრედიენტი ბევრ ნიღაბსა თუ სკრაბში.
ლიმონის წვენს აქვს ანტიბაქტერიული თვისებები, რომლებიც ეხმარება კანს გამონაყართან ბრძოლაში და კანს ტონუსს მატებს. ეს ნიღაბი განსაკუთრებით ეფექტურია, თუკი ცხიმიანი კანი გაქვთ.
თაფლი ამშვიდებს კანს და ებრძვის ინფექციებს, რომლებიც იწვევს გამონაყარს, ასევე, თაფლი შესანიშნავი პროდუქტია ფორების შესამცირებლად.
საკვები სოდა ძალიან მარტივად ედება კანს და დაგეხმარებათ ნიღბის სრულყოფილად მოშორებაში, თან სირბილის შეგრძნებასაც დაგიტოვებთ.
მაგრამ გაითვალისწინეთ, რომ ყველა კანი ინდივიდუალურია და სხვადასხვაგვარად რეაგირებს. ჩაიტარეთ ნიღბის ტესტი კანის მცირე ნაწილზე. თუკი კანი გაწითლდება, ნიღბის გამოყენებაზე უარის თქმა მოგიწევთ.
ასპირინის ნიღბის ყოველდღიურად გაკეთება სასურველი არ არის. კვირაში ორჯერ სრულიად საკმარისია!
გისურვებთ ჯანმრთელობასა და სილამაზეს!
