1. მორიელი
ზოდიაქოს ეს ნიშანი აღმერთებს საიდუმლოებებს. ის ინტერესით კითხულობს დეტექტივებს და უყურებს „ექსტრასენსების ომის“ მსგავს შოუებს. მას იზიდავს ყველაფერი ამოუცნობი, აინტერესებს ადამიანის ექსტრემალური შესაძლებლობები და ხშირად საკუთარ ექსტრასენსულ უნარსაც ავითარებს.
მორიელები ზოდიაქოს სხვა ნიშნებზე მეტად არიან გატაცებულნი მაგიით, და უნდათ, მისი საშუალებით სამყარო მართონ. ნუ, საკუთარი ცხოვრება მაინც.
მაგია კი ამის შესაძლებლობას იძლევა. თუმცა მორიელს ახსოვს ის საფრთხეები, რომლებიც ამ მოლიპულ გზაზე მავალს ემუქრება. გინდა, მაგიის დახმარებით მოახდინო გავლენა ადამიანებზე? მაშინ მზად იყავი, თავადაც მიიღო საპასუხო დარტყმა.
მორიელი ფრთხილია. ის მოთმინებით ხსნის საიდუმლოს. კარგი დეტექტივივით საფუძვლიანად სწავლობს ყველა „სამხილს“ და აკეთებს დასკვნებს. ეს ნიშანი მოჯადოებულია სიცოცხლესა და სიკვდილს შორის არსებული ზღვრით. მას სწყურია პასუხი კითხვაზე: რა ხდება იქ, სხვა სამყაროში? და აუცილებლად იპოვის იმ პასუხს, რომელიც დააკმაყოფილებს.
2. თევზები
ზოდიაქოს ამ ნიშნის წარმომადგენლებიც ძალიან გატაცებულები არიან მისტიკით. თუმცა მორიელებისგან განსხვავებით, თევზები არც მკვლევარები არიან და არც მაძებრები. მათ სულ სხვა რამ სჭირდებათ. მათ უნდათ, ჩვენი სამყაროს არსებობის არსს ჩაუღრმავდნენ, იგრძნონ მასთან ერთიანობა. ამიტომაც ბევრი მათგანია გატაცებული ეზოთერიკითა და უფოლოგიით.
თევზები მუდმივად შეიგრძნობენ ზებუნებრივი ძალების სუნთქვას, ხედავენ სამყაროს სილამაზეს, რასაც დანარჩენები ვერც კი ამჩნევენ.
გაზაფხულის მზის შუქზე ლამაზად მოლივლივე წვიმის წვეთები, გვერდით ჩავლილი გოგონას აფრიალებული შიფონის შარფი, ახლად ამობიბინებული ბალახისა და ახალგამომცხვარი პურის გამაღიზიანებლად საამო სურნელი...
თევზები ამ პატარ-პატარა გამოვლინებებშიც ხედავენ სამყაროს სილამაზეს. ასეთ მომენტებში ისინი ბედნიერებით იკვებებიან. თევზები შთაგონებას გრძნობენ და შემოქმედებითი საქმიანობით კავდებიან. მათ ესმით ამ სამყაროს არამატერიალური არსი და სურთ, ზებუნებრივი ძალების გამოვლენის სფეროში მოხვდნენ.
3. კირჩხიბი
წყლის სტიქიის მესამე წარმომადგენელს ყველა დანარჩენზე მეტად სჯერა ცრურწმენების და ცდილობს, ისინი დაიცვას. კირჩხიბები თავიანთ ჰოროსკოპსაც კითხულობენ და ოჯახის წევრებისასაც, ყიდულობენ ავგაროზებსა და თილისმებს, კითხულობენ საჭირო შელოცვებს.
კირჩხიბის ნიშნის ქვეშ დაბადებულები, განსაკუთრებით ქალები, არცთუ იშვიათდ მიმართავენ მკითხავებს, ასტროლოგებსა თუ ექსტრასენსებს.
მათ მტკიცედ სწამთ, რომ სამყაროში არსებობენ ფარული ძალები. და სჯობს, მათთან იმეგობრო, რათა წარმატება გარანტირებული გქონდეს მომავალში და ბედნიერება აწმყოში.
კირჩხიბებს სჯერათ „ნიშნების“, რომლებსაც მათ ზებუნებრივი ძალები უგზავნით. ყველა ამ ნიშნის წარმომადგენელს ერთი რამ აქვთ საერთო. მაგალითად, ღილის აწყვეტა კირჩხიბს მიანიშნებს, რომ იმ დღეს მნიშვნელოვანი საქმე არ უნდა გააკეთოს. ძაღლის ყეფა კი უსიამოვნებების მომასწავებელია.
