ამერიკული კინოს ლეგენდის - მერლინ მონროს გულშემატკივრები მოუთმენლად ელიან ახალ ტელეისტორიას თავინთი საყვარელი მსახიობის ცხოვრებაზე. მალე რენდი ტარაბორელის წიგნის მიხედვით, რომლის სახელწოდებაა „მერლინ მონრო.
მსოფლიოში ყველაზე ცნობილი ქალის საიდუმლო ცხოვრება“, მინი-სერიალის გადაღებები დაიწყება.
მოცემულ პროექტზე ტელეარხი Lifetime იმუშავებს.
მონროს როლს სერიალ „Pan AM”-ის ვარკვლავი კელი გარნერი შეასრულებს.
ქერა მსახიობის გაუწონასწორებელ დედას - სუზენ სარანდონი, ხოლო გრეის მაიკის - ნორმა ჯინის მოსიყვარულე მეურვის როლს ემილი ვოტსონი ითამაშებს. მერლინის მეორე ქმარს, ბეისმოლისტ ჯო დიმაჯიოს, ჯეფრი დინ მორგანი განასახიერებს. როგორც ცნობილია, 1954 წლის იანვარში ჰოლივუდის ამომავალმა ვარსკვლავმა მერლინ მონრომ და ჯო დიმაჯიომ, რომელსაც სპორტული კარიერა უკვე დასრულებული ჰქონდა, საიდუმლოდ მოაწერეს ხელი. მათმა ქორწინებამ მხოლოდ 9 თვეს გასტანა. მიუხედავად ამისა, ისინი კარგ მეგობრებად დარჩნენ. განქორწინების შემდეგ მერლინი დახმარებისათვის ჯოს ხშირად მიმართავდა. დიმაჯიო ყოფილ მეუღლეს მუდამ გვერდით ედგა და ხელმეორედაც შესთავა ქორწინება, მაგრამ მალე მსახიობი გარდაცვლილი იპოვეს. 37 წლის განმავლობაში ჯო დიმაჯიო ყოველკვირეულად გზავნიდა წითელი ვარდების თაიგულს მონროს საფლავზე.
სერიალისათვის სცენარს სტივენ კრონიში წერს, რომელიც სერიალ „24 საათისა“ და „კენედების კლანის“ სცენარისტია. რეჟისორი კი ლორი კოლიე იქნება.
