სპორტსმენმა განაცხადა, რომ თავის შვილს, მილანას, ესპანური, კატალონიური, ინგლისური, ფრანგული, გერმანული, ჩინური და რუსული ენები უნდა ასწავლოს. „სამ წლამდე ბავშვებს ყველანაირი ენის სწავლა შეუძლიათ. მილანას ჩვენ 7 ენას ვასწავლით. ბავშვებს იმაზე მეტი ესმით, ვიდრე ჩვენ გვგონია. უფრო მეტიც, ბავშვებისთვის უცხო ენების სწავლება დაბადებისთანავე შესაძლებელია,“ - ამბობს პიკე. თავის რჩეულს მხარს უჭერს შაკირაც, რომელიც ასევე დარწმუნებულია, რომ პატარებს სწავლის თანდაყოლილი წყურვილი აქვთ და სწავლა სიამოვნებთ კიდეც. „ბავშვებს იმაზე მეტის გაკეთება შეუძლიათ, ვიდრე ჩვენ ვფიქრობთ,“ - ამბობს შაკირა, რომელიც უკვე მეორე ბავშვზეა ფეხმძიმედ. პატარა მილანა 22 იანვარს 2 წლის გახდება. მომღერალმა არაერთხელ განაცხადა, რომ სურს, ბევრი შვილი ჰყავდეს, თუმცა პიკეზე გათხოვებას არ ჩქარობს, რადგან მისთვის პასპორტში დასმულ შტამპს მნიშვნელობა არ აქვს. „მინდა, რომ მე და ჟერარს შვიდი ან რვა შვილი გვყავდეს - საკუთარი საფეხბურთო გუნდი,“ - ნატრობს მომღერალი.