ამ ზამთარს სუსხს ჯერ დიდად არ შევუწუხებივართ, მაგრამ დარწმუნებული ვარ, ბევრი თქვენგანი უკვე ოცნებობს ზაფხულის დადოგმაზე - მზის აბაზანების, საცურაო კოსტუმებისა და დასვენების სეზონზე.
ერთად გავიხსენოთ წელიწადის ყველასათვის საყვარელი სეზონი.
გაიგეთ მეტი ჩრდილოეთ ამერიკის „საიდუმლო სამოთხეების“ შესახებ.
ზაფხულში, როცა დახუთული ჰაერისა და მხუთავი სინესტისგან გაქცევას გადაწყვეტთ, პატარა გამაჯანსაღებელი მოგზაურობა შეგიძლიათ, ჩრდილოეთ ამერიკის ბუნებრივ და ნაკლებ ცნობილ ადგილებში მოაწყოთ. აქ ყველაფერია: სასრიალო ჩანჩქერი, მღვიმის აუზები, ღრმა და კამკამა ჭები, მოკლედ, ცოტაოდენი რამ ყველასათვის.
Sliding Rock, North Carolina
ამ საოცარ ჩანჩქერს იმდენად გლუვი ზედაპირი აქვს, მასზე სრიალი უპრობლემოდ შეგიძლიათ. ერთი იცოდეთ, წყალი საკმაოდ ცივია, თუმცა ზაფხულის მცხუნვარე მზისაგან თავის დახსნის არაჩვეულებრივი საშუალებაა.
Jacob’s Well, Texas
ეს ტეხასის ერთ-ერთი ყველაზე დიდი წყალქვეშა გამოქვაბულია. ძველად ის მკვიდრი ამერიკელებისათვის საკრალური მნიშვნელობის ადგილი იყო, ახლა კი ტეხასში ერთ-ერთი ყველაზე პოპულარული საცურაო აუზია.
Falling Water Falls, Arkansas
ულამაზესი ჩანჩქერის პოვნა ძალიან იოლად შეგიძლიათ, მას გზიდანაც უპრობლემოდ დაინახავთ. ბუნებრივი საოცრება რიჩლენდ ქრიკის ტერიატორიაზე მდებარეობს, ჩრდილოეთ არკანზასში. ჩანჩქერი დიდ საცურაო აუზში ჩაედინება და ზაფხულის ცხელ თვეებში დიდი პოპულარობით სარგებლობს.
Cyprus Lake Grotto, Ontario
ტბა, რომელიც პენინსულას ნაციონალურ პარკში მდებარეობს, ერთ-ერთი ყველაზე ლამაზი ადგილია კანადაში. გამოქვაბული ცივი, სუფთა, ფირუზისფერი წყლით უდავოდ აღგაფრთოვანებთ.
Hamilton Pool, Texas
ტეხასის მეორე პოპულარული აუზი ჰემილტონის საცურაო მღვიმეა. ისტორიული გამოქვაბული ოსტინიდან 45 წუთის სავალზე მდებარეობს.
Cenote Ik Kil, Yucatan
ეს საცურაო აუზი მექსიკის ტერიტორიაზეა. მაიას ტომი, რომელსაც სწამდა, რომ მღვიმის წყალი სასწაულმოქმედი იყო, ხშირად სხვადასხვა რელიგიურ რიტუალს სწორედ აქ ატარედა. ბუნებრივი ჭა ახლა ნებისმიერი მსურველისათვისაა ღია.
Lafayette Blue Springs State Park
ეს ბუნებრივი წყარო ფლორიდაში მდებარეობს და ოჯახური დასვენებისათვის არაჩვეულებრივი ადგილია.
და დღეისათვის ბოლო
Queen's Bath
ეს ექსტრაორდინალური ადგილი ნამდვილი სამოთხეა. ისტორია მოგვითხრობს, რომ აქ ზაფხულის ცხელ თვეებში მცხუნვარე მზეს სამეფო ოჯახები აფარებდნენ თავს, ამიტომაც უწოდებენ მას „დედოფლის აბაზანას“