დილაობით სახე ყინულის ნაჭრებით გაიწმინდეთ. ეს ატონიზირებს კანს და საუკეთესოდ ახორცებს მიკროჭრილობებს.
ახალგაფცქვნილი ნედლი კარტოფილის ნიღაბი ასწორებს ნაოჭებს და აცოცხლებს ყოველდღიური მაკიაჟით გადატვირთულ ნაზ კანს თვალების გარშემო.
წარბების ამოღებისას მტკივნეული შეგრძნების შესამსუბუქებლად, ამ ადგილას მკვებავი კრემი წაისვით. ზედმეტი მასა ბამბის ტამპონით მოიშორეთ, რომ პინცეტი არ ცურავდეს.
არასოდეს დაიმუშავოთ კანი პილინგით თვალების გარშემო, ეს არბილებს "თვალის ზონის" ისედაც თხელ კანს.
პილინგი ყოველთვის გაწმენდილ, ტენიან სახეზე გაიკეთეთ და ჩამოიბანეთ არა მატონიზირებლით, არამედ თბილი წყლით.
ნებისმიერი კრემი სახეზე დაბანიდან 15 წუთის შემდეგ წაისვით. ტენიან კანზე კრემის ფენის წასმა სითბოს შეგუბებას და თბორეგულაციის დარღვევას იწვევს.
ჩაიტარეთ მარტივი ყოველდღიური სახის ვარჯიში: 5 წუთის განმავლობაში მსუბუქად დაიმუშავეთ სახე თითების ბალიშებით. ეს აუმჯობესებს სისხლის მიმოქცევას, ამაგრებს კანის ტონუსს, ხელს უშლის ნაოჭების წარმოქმნას.
სახისათვის საუკეთესოა თაფლისა და ზეითუნის ზეთის ნიღაბი. რეკომენდებულია როგორც ერთად (პროპორციით ერთი-ერთზე, ასევე, ცალ-ცალკე). გავიჩეროთ სახეზე 10-15 წუთის განმავლობაში. თაფლი თბილი წყლით, საპნის გარეშე ჩამოვიბანოთ, ხოლო ზეითუნის ზეთის ნარჩენები ბამბის ტამპონი მოვიშოროთ.
ნებისმიერი ნიღაბი უფრო ინტენსიურად მოქმედებს, თუ 10 წუთით ადრე ორთქლის აბაზანას მიიღებთ.
ცხიმიანი მგრძნობიარე კანი კარგად იწმინდება გვირილის, ქრისტესისხლას ნაყენით და სელის მარცვლების ნახარშით. დაუშვებელია ცხიმიან კანთან ბრძოლა სპირტის შემცველი საშუალებებით. ის კანის ზედა ფენას გამოაშრობს, ხოლო ცხიმის გამოყოფის პრობლემას არ მოგიხსნით.