- სახის კანის გამასუფთავებელი საწმენდი საშუალება
ჰერმეტულ ჭურჭელში ნახევარი ლიმონის წვენი შეურიეთ ერთ სუფრის კოვზ ზეითუნის ზეთს და თქვიფეთ ჩანგლით. დაუმატეთ 1 სუფრის კოვზი თაფლი, ნახევარი ჭიქა ყავისფერი შაქარი და კარგად აანჯღრიეთ ჭურჭელი, რათა შაქარი სრულად გაიხსნას. ზეთისა და თაფლის რაოდენობა სახის კანის სიმშრალის ხარისხის მიხედვით არეგულირეთ.
- ნიღაბი სახის კუნთების გასამკვრივებლად
2 სუფრის კოვზი ნატურალური იოგურტი და 1 სუფრის კოვზი ახალგამოწურული ლიმონის წვენი გულმოდგინეთ გადაურიეთ. დაიტანეთ ეს ნიღაბი წინასწარ გასუფთავებულ სახისა და ყელის კანზე. ნუ შეეხებით კანს თვალების ირგვლივ. ნიღაბი დაიტოვეთ 30 წუთი და იგრძნობთ, როგორ მაგრდება მასა თქვენს კანზე. ეს ის გამამკვრივებელი ეფექტია, რომლითაც ეს ნიღაბი გამოირჩევა. თუ შედეგის გაუმჯობესება გსურთ, დაიტოვეთ მასა სახეზე კიდევ 1 საათის განმავლობაში. ბოლოს კი სახე ჯერ თბილი, შემდეგ ცივი წყლით დაიბანეთ. დამატენიანებელი მალამოს წასმის წინ დაინამეთ კანი.
- თავის კანის დამატენიანებელი საშუალება
ნახევარ ჭიქა ახალ თაფლს გადაურიეთ 3-4 სუფრის კოვზი ზეითუნის ზეთი. დაუმატეთ 3 სუფრის კოვზი ლიმონის წვენი. მომზადებული ნარევი თავის დაბანის შემდეგ მასაჟით დაიტანეთ თავის კანზე. თავი პოლიეთილენის პარკით შეიხვიეთ და ზევიდან პირსახოცი შემოიხვიეთ. დაიტოვეთ 30 წუთი, შემდეგ კი ჩამოიბანეთ.
- ლიმონი თმის სავლებად
თუ ცხიმიანი თმა გაქვთ, ეს მეთოდი დაგეხმარებათ. 3 სუფრის კოვზი ლიმონის წვენი და ნახევარი ჭიქა წყალი ერთმანეთში გადაურიეთ. ამ ხსნარით გადაივლეთ თმები დაბანის შემდეგ (თუ კონდიციონერს იყენებთ, მაშინ მისი წასმის შემდეგ). ეს უნიკალური რეცეპტი თქვენს თმებს ბზინვარესა და ჯანმრთელს გახდის.
- ქერტლის მკურნალობისთვის
ნახევარი ჭიქა ლმონის წვენი და 3 სუფრის კოვზი ქოქოსის ზეთი ერთმანეთში შეურიეთ. ინტენსიურად შეიზილეთ თავის კანში. 15 წუთით დაიტოვეთ და ჩამოიბანეთ.
გაითვალისწინეთ!!!
ვიდრე სახის კანისთვის რაიმე საშუალებას გამოიყენებთ (თუ მგრძნობიარე კანი გაქვთ), წაისვით საშუალება მაჯაზე და დაელოდეთ 5 წუთი. თუ მაჯაზე კანი არ გაგიწითლდათ, მაშინ თამამად შეგიძლიათ, ეს საშუალება სახისთვის გამოიყენოთ.