თებერვლის დასაწყისში ქალაქის სამი რაიონი (ოდორის პარკი, ცუდომუს სათამაშო მოედანი და სუსუკინოს ღამის გართობის კვარტალი) თოვლისა და ყინულის 100-ზე მეტი განსხვავებული ქანდაკებისათვის საგამოფენო მოედნებად გარდაიქმნება. ფესტივალი 7 დღეს გრძელდება.
საპოროში თოვლის ფესტივალი ტრადიციად 1950 წელს ჩამოყალიბდა, როცა ქალაქის სკოლის რამდენიმე უფროსკლასელმა ოდორის პარკში 6 თოვლის ქანდაკება შექმნა ცხოველების გამოსახულებით. საპოროს მოქალაქეები იდეით მოიხიბლნენ და გადაწყვიტეს, თოვლის ფიგურების გამოქანდაკება ყოველწლიურ დღესასწაულად ექციათ. მას შემდეგ ყოველი წლის მესამე თვის დასაწყისში ქალაქში ყინულისა და თოვლის ფიგურები ჩნდება.