თუ გსურთ, ლობიო და ბარდა სწრაფად მოიხარშოს, ხარშვისას ყოველ ათ წუთში ერთი სუფრის კოვზი ცივი წყალი დაამატეთ.
იმისთვის, რომ წვნიანი კერძი არომატული გამოვიდეს, ნიორი მას სულ ბოლოს, მომზადების დასასრულს დაუმატეთ, ხოლო უკვე მომზადებული კერძიდან აუცილებლად ამოიღეთ დაფნა.
ვარგისია თუ არა კვერცხი, შემოწმება ძალიან მარტივად შეიძლება. ერთ ლიტრ წყალში გახსენით ასი გრამი მარილი. ჩადეთ მარილხსნარში კვერცხი. გაფუჭებული კვერცხი აუცილებლად ამოტივტივდება, ხოლო ვარგისი - მარილწყალში ჩაიძირება.
ტომატი მაცივარში არ დაობდება, თუკი მის ზედაპირზე ერთ სუფრის კოვზ მცენარეულ ზეთს მოასხამთ.
მოხარშულ ბოსტნეულს კანს ადვილად გააცლით, თუკი მოხარშვის შემდეგ მათ რამდენიმე წუთით ცივ წყალში ჩაალბობთ.
იმისთვის, რომ მაკარონი ერთმანეთს არ მიეწებოს, ხარშვის დროს ერთი სუფრის კოვზი მცენარეული ზეთი დაუმატეთ.
რძის მოსადუღებლად ნუ გამოიყენებთ ემალირებულ ქვაბს. მასში რძე აუცილებლად დაიკრავს.
არ ათქვიფოთ კვერცხი ალუმინის ჯამში. მასში კვერცხის ცილა არაბუნებრივ, ნაცრისფერს მიიღებს.
ნუ გარეცხავთ ხორცს მის გაყინვამდე, ხოლო თევზი პირიქით - ჯერ გარეცხეთ და შემდეგ შეინახეთ საყინულეში.
კარტოფილის მაცივარში შენახვა მიზანშეწონილი არ არის, რადგან ის უხეშდება და მასში შემავალი სახამებელი შაქრად გარდაიქმნება.