ილუსტრატორი Aeppol ყოველდღიური ცხოვრების ბედნიერ მომენტებს თავისი ილუსტრაციების სერიაში ასახავს და კიდევ ერთხელ შეგვახსენებს, რომ ბედნიერება წვრილმანებშია.
ეს კი მისი ილუსტრაციების ერთ-ერთი სერიაა, რომელიც ეძღვნება ტყეში მცხოვრებ პატარა გოგონას. ის თავის დღიურში წერს:
შორეულ ტყეში ერთი პატარა სახლი დგას.
სოკოების მოსაგროვებლად წავედი და წიგნი დამეხმარა, შხამიანი სოკოები ამომეცნო.
მე და ჩემმა პატარა მეგობრებმა ხეზე ვისადილეთ.
შემდეგ კი დაღლილმა ხეებზე გაბმულ ჰამაკში, ხეების ჩრდილში მშვიდად დავიძინე.
მოვხატე ქვები, რომლებიც ვიპოვე.
დესერტად რძე და ორცხობილები ჩავატკბარუნე.
ჩემ გარშემო ტყის საოცარი ცხოველები და ფრინველები ტრიალებენ.
მოგროვებული სოკოებით უგემრიელესი სუპი გავაკეთე.
შევისწავლე წყლის ჯადოსნური სამყაროც.
გადავარჩიე ტყეში მოგროვებული ნივთები.
როდესაც ავად ვარ, ჩემს საყვარელ ბაჭიას ვეხუტები.