ნახეთ, როგორი დედები იქნებოდნენ დისნეის პრინცესები:
ფიფქია
თინეიჯერის დედა, რომელიც მთელი დღე სახლში ზის და არაფერს აკეთებს. ეს ფიფქიას ძალიან არ მოსწონს და ურჩ შვილს ნოტაციებს უკითხავს: „შენთვის ყველაფერი ძალიან ადვილია, შენ მაგივრად ყველაფერს სხვა აკეთებს! აი, მე შენს ასაკში...“
პოკაჰონტასი
პოკაჰონტასს თავისი გოგონა და მისი მეგობრები ხშირად დაჰყავს სალაშქროდ იმისთვის, რომ დაინახონ „ქარის ფერები“. თუმცა დედიკოს ძალიან არ უყვარს ბავშვებთან ერთად ორცხობილების ცხობა და ეს სახეზეც ეტყობა.
არიელი
არიელი და მისი მეუღლე გამუდმებით კამათობენ იმაზე, რისი უფლება შეიძლება მისცენ თავიანთ ქალიშვილს. „ხუმრობ, ერიკ?“ - ხშირად ამბობს პრინცესა. - „მე რომ მისი ტოლი ვიყავი, ვფიქრობდი, რომ თმა ჩანგლით უნდა დამევარცხნა და კინაღამ სული გავყიდე სიყვარულისთვის. დისკოთეკაზე მარტო არავითარ შემთხვევაში არ წავა!“
კონკია
კონკია იდეალური დედიკოა. მის შვილებს ყოველთვის ყველაზე კრეატიული (დედიკოს შეკერილი) ტანსაცმელი აცვიათ, იატაკი მის სახლში ყოველთვის ბრწყინავს, მის ტორტებზე კი ყველა გიჟდება.
ჟასმინი
ჟასმინი მშობელთა კომიტეტის წევრია და სკოლის ადმინისტრაციას ძალიან ეშინია მისი. დედიკო ჟასმინი თავის პატარებს არავის დააჩაგვრინებს!
ბელი
ბელი ენთუზიასტი მასწავლებელია, თუმცა ბავშვებთან ურთიერთობა უფრო რთული აღმოჩნდა, ვიდრე ურჩხულთან. მეუღლე ხშირად ეუბნება: „დამჯერი მოსწავლე შენთვის მხოლოდ იმიტომ ვიყავი, რომ მიყვარდი, ჩემო ლამაზო“.
ავრორა
ავრორას თინეიჯერი გოგონა ჰყავს, რომელიც შუადღემდე კოტრიალობს ლოგინში. როცა დედა შენიშვნას აძლევს, გოგონა ეუბნება: „მერე რა მოხდა? მამა ამბობს, რომ ჩემს ასაკში შენ მთელი დღეები გეძინა!“
მეგი
მეგის სამი ტყუპი ჰყავს და ვერაფრით გადააჩვია ბავშვები ჩაფსმას. ეს ძალიან, ძალიან, ძალიან აბრაზებს ლამაზ ქალბატონს.
ტიანა
ტიანა ვერაფრით აიძულებს თავის 4 წლის ქალიშვილს, ჭამოს რამე, გარდა ცნობილი დონატებისა. ამიტომაც გადაწყვიტა, დონატებში ბოსტნეული შეურიოს, რამენაირად მაინც რომ აჭამოს გოგონას.
მულანი
მულანის გოგონა გიჟდება „გოგოშკურ“ ნივთებზე და მულანმა არც კი იცის, რა უნდა ქნას ამ სათამაშოებით.
ანა
ანა გამუდმებით ციგაშია შებმული - ხან ყინულის შეგროვების მასტერკლასებზე დაჰყავს ბავშვები, ხან მაგიის გაკვეთილებზე ტროლების მეფესთან, ხანაც ოლაფის პატარებთან თამაში უნდათ მის შვილებს...
რაპუნცელი
რაპუნცელმა მთელი ბავშვობა კოშკში გამოკეტილმა გაატარა და თავისი შვილებისთვის იმავეს არ ისურვებდა, ამიტომაც ლიბერალი დედიკოა. ამის შესახებ წიგნიც კი დაწერა: „ყველა ბავშვი საბოლოოდ გაიქცევა კოშკიდან“.