4 სექტემბერს მოწვეულ სტუმრებს კოქტეილებით, ფურშეტით, მუსიკით და საჩუქრების გათამაშებით თბილისი მოლში უმასპინძლა. საგანგებოდ ამ დღისთვის საქართველოში MANGO-ს წარმომადგენლები ჩამოვიდნენ. Retail Group Georgia-საგან სამ იღბლიან სტუმარს სასაჩუქრე ბარათი გადაეცა. 5 სექტემბრიდან კი მონატრებული ბრენდის მაღაზია მომხმარებლებისთვის გაიხსნა და უკვე დიდი პოპულარობით სარგებლობს.
MANGO-ს მეორე მაღაზიის პრეზენტაცია სავაჭრო ცენტრ East Point-ში მომხმარებლებს 12 სექტემბერს ცენტრის გრანდიოზული გახსნისას ელის. Tbilisi Mall-ის მაღაზიაში, რომლის ფართობიც 500 მ²-ზე მეტია, MANGO-ს ქალისა და ბავშვის კოლექციებია წარმოდგენილი, ხოლო East Point-ში მდებარე მეგა-მაღაზიაში შესაძლებელი იქნება MANGO-ს, MANGO Men-ის და MANGO Kids-ის კოლექციების შეძენა.
MANGO საქართველოს ბაზრის აქტიურ ათვისებას გეგმავს, რომელზეც ბრენდი უაღრესად თბილად მიიღეს 2008 წელს.
ესპანური კომპანია გლობალურ ზრდას განაგრძობს, ბრუნვის 83% უცხოურ ბაზრებზე, ხოლო 17% – შიდა ბაზარზე მოდის. საქართველოში MANGO-ს Retail Group Georgia წარმოადგენს.
Retail Group Georgia 35-ზე მეტი გლობალური ბრენდის ფრენჩაიზ-პარტნიორი და Alhokair ჯგუფში შემავალი კომპანიაა, რომელიც 2012 წლიდან ოპერირებას უწევს საქართველოში არსებულ ქალის, მამაკაცისა და ბავშვის ტანსაცმლის, ფეხსაცმლის, აქსესუარებისა და კოსმეტიკის ბრენდ-მაღაზიებს.
