აიოვას შტატში გაიხსნა სასკოლო ბაზრობა, სადაც შესაძლებელია სკოლისთვის ყველა საჭირო ნივთის შეძენა. სასკოლო ბაზრობა გაახალისა თმის სტილისტმა კორტნი ჰოლმსმა, რომელიც ბავშვებს უფასოდ შეჭრის თმას, მხოლოდ იმ პირობით, თუკი თმის შეჭრის პროცესში ბავშვი მას ხმამაღლა წაუკითხავს ნებისმიერ ზღაპარს ან მოთხრობას. თმის სტილისტი აცხადებს, რომ ამ გზით ის ცდილობს, მიაჩვიოს ბავშვები კითხვას და თავისუფალი დროის სასარგებლოდ გამოყენებას.
მათ, ვისაც ხმამაღლა კითხვა ერიდება ან წაკითხვა ჯერ არ იცის, კორტნი პატარებს სთხოვს, საკუთარ თავზე რაიმე ამბავი მოუყვნენ.