როდესაც საუბარი ძვირიან საჩუქარზეა, ცნობილი ადამიანები მზად არიან, საყვარელი ადამიანისთვის ნებისმიერი თანხა დათმონ.
ელიზაბეტ ტეილორის ბეჭედი - 8,8 მილიონი დოლარი.
ბიონსეს ნიშნობის ბეჭედი - 5 მილიონი დოლარი.
20-კარატიანი პლატინა და ბეჭდის ცენტრში 18-კარატიანი ბრილიანტი იმდენად ძვირიანია, რომ მისი ყოველდღიურად ტარება საშიშია. ამიტომ ბიონსეს რეპერმა მეუღლემ Jey-Z-იმ შეუკვეთა ბეჭდის ასლი, რომ ბიონსემ კონცერტებზე მისი გაკეთება შეძლოს. ასლის საფასური 5 000 დოლარია.
პერის ჰილტონის ბეჭედი - 4.7 მილიონი დოლარი.
ბევრისთვის საყვარელ ვარსკვლავს 24-კარატიანი ბეჭედი პარის ლაცისმა მიართვა. მათი დაშორების შემდეგ ბეჭედი აუქციონზე გაიყიდა.
მელანია კნაუსის ბეჭედი - 3 მილიონი დოლარი.
დონალდ ტრამპმა თავის რჩეულს 15-კარატიანი ბეჭედი მიართვა, რომელიც ცნობილ საიუველირო სახლ Graff-ში დაამზადებინა.
კიმ კარდაშიანის ბეჭედი - 2 მილიონი დოლარი.
კიმ კარდაშიანს საქორწინო ბეჭედი (ცენტრალური ბრილიანტი 16,21 კარატი და დამატებითი ბრილიანტები - წონით 2 და 1,8 კარატი) ყოფილმა მეუღლემ კრის ჰამფრისმა აჩუქა. მოგვიანებით 2-მილიონდოლარიანი ბეჭედი აუქციონზე 749 000 დოლარად გაიყიდა.
ჯენიფერ ლოპესის ნიშნობის ბეჭედი - 1,2 მილიონი დოლარი.
როდესაც ჯენიფერ ლოპესმა ბენ აფლეკის ნაჩუქარი ბეჭედი ბენჯამინ ბატონის მიღებაზე გაიკეთა, მან დამსწრე საზოგადოების ყურადღება მიიქცია. მართალია, წყვილის დაცილების შემდეგ ჯენიფერმა ბეჭედი ბენს დაუბრუნა, მაგრამ არა უშავს. მარკ ენტონიმ მას 4 მილიონ დოლარად შეფასებული 8,5-კარატიანი ბრილიანტის ბეჭედი უყიდა.
ჯენიფერ გარნერის ბეჭედი - 500 000 დოლარი.
ბენ აფლეკი ჯენიფერ გარნერის შემთხვევაშიც არ დაიბნა. ისეთივე ძვირად ღირებული ბეჭედი ვერა, მაგრამ მის მომდევნო რჩეულს 4,5-კარატიანი ბეჭედი მიართვა.
ვიქტორია ბექჰემის ბეჭედი - 250 000 დოლარი.
ვიქტორიამ დევიდისგან უამრავი ბეჭედი მიიღო, მაგრამ არც ერთი მათგანი არ არის 250 000 დოლარის ღირებულების. ვიქტორიას ბეჭედს შუაში დიდი, მსხლის ფორმის ბრილიანტი ამშვენებს. დევიდმა საყვარელი მეუღლისთვის კოლიეც შეუკვეთა ბრილიანტის 96 თვლით.
ჯესიკა ბილის ბეჭედი - 130 000 დოლარი.
მომღერალმა ჯასტინ ტიმბერლეიკმა ჯესიკა ბილს 18-კარატიანი ბეჭედი მიართვა. ჯესიკამ ჯასტინისგან ბევრი ბეჭედი მიიღო, თუმცა თეთრი ოქროსგან და შავი როდიუმისგან დამზადებულმა ბეჭედმა ჯესიკა განსაკუთრებით მოხიბლა. ბრილიანტის გარდა, ბეჭედს 2 აკვამარინი ამშვენებს, რომელიც ერთგულების ნიშანია.
ჯესიკა ალბა - 100 000 დოლარი.
მსახიობმა ულამაზესი 5-კარატიანი ბეჭედი მეუღლე კეშ უორენისგან მიიღო.