ყველამ იცის, რომ ძილი მნიშვნელოვანია როგორც ფიზიკური, ასევე ფსიქოლოგიური მდგომარეობისთვის. აღმოჩნდა, რომ ამ შემთხვევაში არა მხოლოდ ძილის ხანგრძლივობა იგულისხმება, არამედ ისიც, რომელ მხარეს გძინავთ.
არსებობს რამდენიმე პოზა, რომლებსაც ძილის დროს ვიღებთ - ზურგზე, მუცელზე, მარცხენა და მარჯვენა მხარეს.
ზურგზე ძილი საშიშია, განსაკუთრებით მათთვის, ვისაც აპნოე ან ასთმური შეტევები აწუხებს. ამ პოზამ შესაძლოა, სუნთქვასთან დაკავშირებული პრობლემები გამოიწვიოს.
მარჯვენა მხარეს ძილი უარყოფითად მოქმედებს საჭმლის მომნელებელ სისტემაზე.
მარცხენა მხარეს განლაგებულია დიდი რაოდენობით ლიმფური კვანძები და ძილის დროს თქვენს ორგანიზმს უფრო მეტი დრო აქვს იმისთვის, რომ გაფილტროს ტოქსინები, ლიმფები და ნარჩენები გულ-მკერდის მეშვეობით. თუკი მარჯვენა მხარეს გძინავთ, თქვენი ლიმფური სისტემის ფუნქციონირება შენელებულია. ხოლო ეს ხელს უშლის ტოქსინების ფილტრაციასა და ორგანიზმში ლიმფური სითხის მოძრაობას.
როგორც კი მარცხენა მხარეს დაიძინებთ, იგრძნობთ, რომ თქვენი საჭმლის მომნელებელი სისტემა ბევრად ეფექტურად მუშაობს.
როგორ მიეჩვიოთ მარცხენა მხარეს ძილს?
თუკი, ჩვეულებრივ, ზურგზე, მუცელზე ან მარჯვენა მხარეს გძინავთ, თქვენ გარკვეული დრო და ძალისხმევა დაგჭირდებათ იმისთვის, რომ საძილე მდგომარეობა შეიცვალოთ. ეს არც ისე რთულია. აი, რამდენიმე რჩევა:
შეეცადეთ, დაწვეთ მარცხენა მხარეს და თან ზურგს უკან კიდევ ერთი ბალიში დაიდეთ, რათა ღამით გადმობრუნებაში ხელი შეგეშალოთ.
სცადეთ საწოლის სხვა მხრიდან დაწოლა. ასე ფსიქოლოგიურად უფრო გაგიადვილდებათ.
არსებობს სხვა მეთოდიც: საწოლის მარჯვენა მხარეს დატოვეთ ანთებული შუქი. ბუნებრივია, თქვენს თვალებს მოუნდება ზურგი აქციოს სინათლეს და ამ მეთოდით უფრო მარტივად მიეჩვევით მარცხენა მხარეს დაძინებას.
შეძლებისდაგვარად სცადეთ, მიაჩვიოთ საკუთარი თავი მარცხენა მხარეს ძილს და თქვენ იგრძნობთ ჯანმრთელობის საერთო მდგომარეობის გაუმჯობესებას.