დღეს დეტროიტი უკვე ისტორიაა. მას შემთხვევით არ უწოდებენ მოჩვენებების ქალაქს. ოდესღაც ეს იყო აყვავებული ქალაქი, განვითარებული ინფრასტრუქტურით, ძვირფასი სახლებითა და ოფისებით. ქალაქში არსებული შენობები მათი მფლობელების კეთილდღეობაზე მეტყველებდა.
ამ ქალაქის „ოქროს ხანა“ 1913 წელს დაიწყო. ჰენრი ფორდმა დეტროიტში გახსნა პირველი კონვეიერი მანქანების წარმოებაში. რამდენიმე წლის შემდეგ ეს ადგილი ამერიკის ავტოინდუსტრიის სიმბოლოდ იქცა. დეტროიტში სხვადასხვა შტატიდან სამუშაოდ ათასობით ადამიანი ჩამოდიოდა. ამ ადგილზე მალევე დასახლდნენ აფროამერიკელები.
XX საუკუნის შუა ხანებში დეტროიტში უკვე 2 მილიონამდე ადამიანი ცხოვრობდა. 1973 წელს დაწყებულმა საწვავის კრიზისმა ამერიკული ავტოინდუსტრიული კომპანია გააკოტრა. დაიწყო შემცირებები. ქალაქმა თანდათანობით დაკარგა მიმზიდველობა. ინვესტორებმაც ზურგი აქციეს ამერიკული ავტოწარმოების დედაქალაქს.
აყვავებული ქალაქი კრიმინალურ და ღარიბ ადგილად იქცა, რომელიც მხოლოდ სამთავრობო დახმარების იმედად დარჩა. დაიკეტა ქარხნები, დეტროიტი მოსახლეობისგან დაიცალა და ასე იქცა ის მიტოვებულ ქალაქად.
ფრანგმა ფოტოგრაფებმა ივ მარშანმა და რომან მეფრემ 2010 წელს გამოსცეს წიგნი „დეტროიტის ნანგრევები“, სადაც მათ ხალხისგან დაცლილი ქალაქი აღბეჭდეს.
სწორედ, ასე გამოიყურება დღეს მიტოვებული დეტროიტი, რომელიც მოჩვენებების ქალაქს დაემსგავსა.