ყოველწლიურად გინესის წიგნში უამრავი ადამიანი შედის, რომლებიც ყველასგან გამორჩეულები არიან და მათი წოდება „ყველაზე“ ყოველთვის იწვევს ინტერესს.
გაიცანით წლის ყველაზე საინტერესო ადამიანები:
ტაკერუ კობაიაში - ადამიანი, რომელიც ყველაზე სწრაფად ჭამს დედამიწაზე. მან 3 წუთში 67 ჰამბურგერი მიირთვა.
ლი ლონგლონგი - მისთვის ფეხები სულაც არ არის საჭირო. ახალმა რეკორდსმენმა კიბეზე თავდაყირამ ყველაზე გრძელი მანძილი გაიარა.
გერმანელ ოლივერ სტრუმპფელს, როგორც ჩანს, ძალიან უყვარს ლუდი. მან ერთდროულად 25 კათხა ლუდი 40 მეტრის მანძილზე გადაიტანა.
არ გეგონოთ, რომ ამ რეზინის ნივთს მხოლოდ ერთი, თქვენთვის კარგად ნაცნობი დანიშნულება აქვს. გერჰარდ დონუ - ყველაზე ზუსტად ისვრის ტუალეტის რეზინის ხელსაწყოს, თანაც ზედმეტი დაზიანებების გარეშე.
კალა კაივის ყველაზე დიდი გვირაბები აქვს ყურებში.
დინეშ უპადჰიაიამ ერთ წუთში 89 ყურძნის მარცვალი ჩაიდო პირში. გამეორება რეკომენდებული არ არის!
ჩინელი ცოლ-ქმარი, რომელთა საერთო სიმაღლე 423, 47 სანტიმეტრია, გინესის წიგნის ფურცლებზე მოხვდნენ, როგორც ყველაზე მაღალი წყვილი მსოფლიოში, რომლებიც ქორწინებაში იმყოფებიან. სუნ მინმინას სიმაღლე - 236,17სმ, ხოლო მისი მეუღლის - სიუი იანის - 187, 3 სანტიმეტრია.
კიმ გუდმანი ნამდვილად გამოირჩევა მისი თვალებით.
ბრიტანელმა ჯონი სტრენდჟმა 670-კილოგრამიანი თვითმფრინავი 20 მეტრის მანძილზე ყურებით გასწია.
აჰმედ ტაფცის 50 წლის ასაკში ახალი ჰობი აქვს! მან ერთ წუთში 43 საზამთრო თავით გახეთქა.
რეკორდსმენები ცხოველებშიც არიან. კუ ბერტმა მათ ნელა მოძრაობასთან დაკავშირებული ყველა სტერეოტიპი დაამსხვრია. ცნობილმა კუმ 100 მეტრის მანძილი 6 წუთში გაიარა. ეს ნამდვილად ყველაზე მაღალი მაჩვენებელია ჯავსნოსან ცხოველებში.
იაპონელი ძაღლი - პურინი, რომელმაც თავისივე, ერთ წუთში დაჭერილი 11 ბურთის რეკორდი მოხსნა. „მეკარის“ ახალი რეკორდი ერთ წუთში 14 დაჭერილი ბურთია.