ცოტნე გეგეჭკორი: „როცა ვშორდები, ვფიქრობ, რომ არამზადა ვარ“

საქორწინო ანკეტა

16 ოქტომბერი 20:00, 2016 წელი
127

 „უხასიათო, ჯუჯღუნა და მოუცლელი საქმრო“ - საქორწინო ანკეტის კითხვარს ჟურნალისტი ცოტნე გეგეჭკორი პასუხობს.

სახელი: ცოტნე


გვარი: გეგეჭკორი


ასაკი: 25 წლის


ქალის მთავარი როლი ცხოვრებაში: გაბედნიერებდეს და აბედნიერებდე.


ყველაზე მნიშვნელოვანი ქალი ჩემს ცხოვრებაში... იქნება ადამიანი, რომელიც პატივს სცემს ჩემს სივრცეს და შექმნის ჩემს ცხოვრებაში თავის სივრცეს, რომელიც ჩვენთვის საერთო იქნება.


სიყვარული არის... მითი და სიტყვა კინოდან, რომელსაც არაფერი აქვს საერთო რეალობასთან... ან ის არის ემოციების ერთობლიობა, რომელიც საბოლოოდ დიდი ეიფორიის ილუზიას ქმნის, რომელიც დროთა განმავლობაში იფანტება.


როცა შეყვარებული ვარ... ეიფორიაში ვარ და ლექსებს ვწერ.


ჩემ გვერდით ვერასდროს წარმოვიდგენ ქალს, რომელსაც... ჰგონია, რომ მისი ადგილი სამზარეულოშია, შექმნილია იმისთვის, რომ მხოლოდ ქმარს ემსახუროს და სხვა ბედნიერებისთვის არ უნდა იბრძოლოს...


ქალი ყველაზე მომხიბვლელია მაშინ, როცა... მის გვერდით ძლიერი ადამიანია, როდესაც მან იცის, რომ დაცულია და მისი მომავალი უზრუნველია.


მეორე ნახევარი ნიშნავს... მოციმციმე გულს, რომლის რიტმიც შენსას ემთხვევა.


როგორი ქმარი ვიქნები... უხასიათო, ჯუჯღუნა, მოუცლელი და სულ იმაზე იქნება ჩხუბი, რატომ ვუთმობ ამდენ დროს ვარჯიშს...


დაოჯახებისთვის საუკეთესო ასაკია... 31 წელი. ჩემმა ძმამ ბენომ ამ ასაკში მოიყვანა ცოლი. თავის მეუღლესთან და 1 წლის დათუჩასთან ერთად ბედნიერია. ეს ზუსტად ის დროა, როცა ოჯახი უნდა შექმნა.


მინდა, ყველა ქალი იყოს... წარმატებული საკუთარ საქმეში და ოჯახშიც, შვილების აღზრდაში.


როცა პაემანზე მივდივარ... გული ისე მიცემს, თითქოს პირველად მივდივარ სკოლაში. ჰო, ჩვენც ვღელავთ, მარტო თქვენ, ქალებს, არ გიფრიალებთ გული.


როცა ვშორდები... ვფიქრობ, რომ არამზადა ვარ, მჯერა, რომ სწორი გადაწყვეტილება მივიღე და მჯერა, რომ ის ჩემზე ბედნიერი იქნება. ისე, რაც არ უნდა იყოს, მერე მაინც მენატრებიან.


საყვარელ ქალზე შეიძლება ვიეჭვიანო მაშინ, როცა... ის ვეღარ გაბედავს ჩემთვის თვალის გასწორებას.


ქალის ქცევა, რომელიც ყველაზე მეტად მაღიზიანებს... წინასწარ დაგეგმოს მთელი თავისი ცხოვრება. 


ქალისა და კაცის უფლებები თანასწორია? აუცილებლად!


გადაღების ადგილია ავეჯის სახლი „პანცილიონი“.