ბუბა მირცხულავა: „ვაცნობიერებ, რომ მალე დადგება ის დრო, როცა ჩცდ-ს გადაღებები აღარ გვექნება“

სტუმრად ცნობილებთან

12 ივლისი 20:00, 2017 წელი

სერიალ „ჩემი ცოლის დაქალების“ მე-11 სეზონის დასრულების შემდეგ, ბაქარის როლის შემსრულებელი, 19 წლის მსახიობი ბუბა მირცხულავა Funtime-ს შთაბეჭდილებებს უზიარებს.

- უკვე ეგუებით იმას, რომ ჩცდ მალე აღარ იქნება?
- ჩცდ-ს დასრულების შესახებ ჩემამდე ინფორმაცია არ მოსულა, თუმცა მარადიული და უსასრულო ხომ არაფერია? მით უმეტეს - სერიალი. რა თქმა უნდა, ვაცნობიერებ, რომ მალე დადგება ის დრო, როცა ჩცდ-ს გადაღებები აღარ გვექნება. ჩცდ-ს დასრულების შემდეგ რა იქნება, ან ჩემი ცხოვრება როგორ გაგრძელდება, არ ვიცი... ამაზე ფიქრი კი იმ პერიოდს მახსენებს, როცა 16 წლის ასაკში საბავშვო თეატრიდან, „მეორე სახლიდან“ წამოვედი და არც მაშინ ვიცოდი, რა მოხდებოდა.


- ჩცდ-ში პერსონაჟებს ხშირად ანაცვლებენ. თქვენ არ გიფიქრიათ, რომ ერთ დღესაც შეიძლება, სერიალიდან ბაქარის გმირი გაქრეს?
- მართალია, თენგოსა და ბაქარის ხაზი ერთ-ერთი მთავარია, მაგრამ ჩცდ-ში რაც ძალიან მომწონს, ეს პერსონაჟებისა და სიტუაციების ცვლაა. ამიტომ ყველაფრისთვის მზად ვარ. ჩცდ ჩემთვის მეორე ოჯახია და ამაზე რომ ვფიქრობ, სევდა მიპყრობს ხოლმე. ჩცდ-ს მსგავსად, ჩემს ცხოვრებაში კვალს ვერცერთი ფილმი თუ სერიალი ვერ დატოვებს.


- ბაქარის პერსონაჟი სეზონიდან სეზონამდე იცვლებოდა. დღეს რას გვეტყვით თქვენს გმირზე?
- ვფიქრობ, რომ ბაქარმა თავისი ცხოვრება სწორად წარმართა და ეს ყველაფერი უამრავი წინააღმდეგობის ფონზე შეძლო. პრობლემებს პირად ცხოვრებაშიც შეეჩეხა და ბიზნესშიც. შავლეგო მადლიანის პერსონაჟი „გვაკაჩავებს“, მაგრამ მე და თენგო ჩვენს ადგილს მაინც ვინარჩუნებთ. ბაქარი შემდგარი მამაკაცია, ცოლი ჰყავს, ოჯახს არჩენს. ეს გარდაქმნა ჩემთვის ყველაზე საინტერესო იყო.


- საკუთარ თავსა და ბაქარს შორის რა მსგავსებას ხედავთ?
- ბაქარი ჩემნაირი პრინციპული და უშუალოა. თამუნაზე ერთხელ რომ თქვა, მიყვარსო, თავისი გაიტანა და ცოლად მოიყვანა. ჩემი პერსონაჟივით არც მე ვარ ხისტი. ისიც ჩემსავით მშვიდია.


- სერიალში წარმატებული ბიზნესმენი ხართ. რეალურ ცხოვრებაშიც ხომ არ გაქვთ ბიზნესთან დაკავშირებული გეგმები?
- პროფესიად საზოგადოებრივი ურთიერთობები ავირჩიე. მინდა, ვისარგებლო და Funtime-ის საშუალებით ტექნიკურ უნივერსიტეტსა და კურსის ხელმძღვანელს ვანო ჭიაურელს მადლობა გადავუხადო გადაღებებში ხელშეწყობისთვის. რაც შეეხება ბიზნესს, შეიძლება ბაქარივით მილიონერი არ გავხდე, მაგრამ არ არის გამორიცხული, წარმატებული ბიზნესმენი მეც ვიყო. სხვათა შორის, ბავშვობაში ბებიასთან ფშავში, ვაჟაობას ნაყინს ვყიდდი. ეს პროცესი ძალიან მომწონდა. პატარა ვიყავი და ჯიბის ფულის შოვნა მსიამოვნებდა. შემდეგ საბავშვო თეატრში დამენიშნა ხელფასი. მაშინ საკუთარ შემოსავალსაც მივეჩვიე და შემოსავლის სწორად გადანაწილებასაც.


- ჩცდ-ს ხელფასს რამდენად სწორად ანაწილებთ?
- უმცროსი და-ძმა მყავს - 14 წლის ნოდარი, 12 წლის ალექსანდრე და 5 წლის ანა, რომელიც სიცოცხლეს მირჩევნია. შესაბამისად, ჩემი შემოსავლის უმეტესი ნაწილი, რა თქმა უნდა, ოჯახს ხმარდება...


- პირად ცხოვრებაში სიახლე ხომ არ გაქვთ?
- დიახ, ჩემს ცხოვრებაში გამოჩნდა გოგო, რომელიც ძალიან მხიარულია და არა - ჩემსავით უჟმური. ისეთი რთული ადამიანი ვარ, არ ვიცი, როგორ მიძლებს, თუმცა ჩემი ყველაფერი ესმის. ჩემი რჩეული სპორტსმენია. ორი სახეობის სპორტს მისდევს. 20 წლისაა. ძალიან შრომისმოყვარეა და მინდა, წარმატებები ვუსურვო.


- ალბათ, ჩცდ-ს აქტიური მაყურებელია...
- სხვათა შორის, როცა გავიცანი, წარმოდგენა არ ჰქონდა, ვინ იყო ბაქარი და ჩცდ-ს ყურება ჩემ გამო დაიწყო. რა თქმა უნდა, ახლა ჩემი დიდი გულშემატკივარია.


- უცნობ გულშემატკივრებზე რას გვეტყვით?
- თეატრის მსახიობისთვის თუ სპექტაკლის ბოლოს ტაშია დაფასება, ჩემთვის - სოციალურ ქსელში შემოსული დადებითი შეტყობინებები და ქუჩაში ხალხის გულთბილი ღიმილი. 

ამბები

რა გამონაკლისი დაუშვა Black Eyed Peas-მა საქართველოში ? - ბენდის გრანდიოზული შოუ შავი ზღვის არენაზე (ფოტოები)

6 „გრემის“ მფლობელი ამერიკული ჯგუფი „ბლექ აიდ ფისი“ საქართველოს ეწვია.
საკნატუნო ამბები

„კაუჩუკის გოგონები“ - ისინი საოცრებებს სჩადიან!

ადამიანის ფიზიკურ შესაძლებლობებს საზღვარი არ აქვს. ამ გოგონებს ათასნაირად შეუძლიათ პლასტილინივით სხეულის დაკეცვა! ამას ენით ვერ აღვწერთ, ეს უნდა ნახოთ!
ამბები

სკოლებში ძალადობის შემთხვევების შესამცირებლად ილიას სამართლის ინსტიტუტი ხელისუფლებას მიმართავს

საქარველოს სკოლებში გახშირებული ძალადობის შემთხვევების შესამცირებლად და ბულინგზე ადეკვატური რეაგირების მიზნით ილიას სამართლის ინსტიტუტი (ილიასი) საკანონმდებლო და აღმასრულებელ ხელისუფლებას მიმართავს.
საკნატუნო ამბები

(+18) ახალი სექსუალური ეთიკა: პენისის ზომა თუ ნიჭი?

პენისის ზომას არ აქვს მნიშვნელობა... თუ ზომა მაინც მნიშვნელოვანია? ერთად გავერკვეთ.     
დღის ჰოროსკოპი

18 ივნისის ასტროლოგიური პროგნოზი

რას გვირჩევენ ვარსკვლავები 18 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

ბედნიერებას ფულით ვერ იყიდი - უბედური მდიდრები

არა აქვს მნიშვნელობა, მილიარდერი ბიზნესმენი ხარ, მსოფლიო პოლიტიკოსი თუ პლანეტის გამორჩეული ვარსკვლავი, სულიერი ტკივილის წინაშე ყველა უძლურია, ყველაფერი აზრს კარგავს... რჩება მხოლოდ აუტანელი სიცარიელე, რომელიც არასდროს არაფრით შეივსება...
დღის ჰოროსკოპი

17 ივნისის ასტროლოგიური პროგნოზი

რას გვირჩევენ ვარსკვლავები 17 ივნისისთვის ჯანმრთელობის, ბიზნესისა და სიყვარულის მიმართულებით?
კულინარია

კატლეტი კომბოსტოთი - გემრიელი და ნაკლებკალორიული

ეს კატლეტი იმასაც მოეწონება, ვინც ფიგურას უფრთხილდება.
დღის ჰოროსკოპი

16 ივნისის ასტროლოგიური პროგნოზი

რას გვირჩევენ ვარსკვლავები 16 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

არასტანდარტული აზროვნებით „გამორჩეულები“

ალბათ თქვენც დაგვეთანხმებით, რომ არასტანდარტული აზროვნება და კრეატიულობა სულ სხვა რამაა და არა ის, რაც ამ ფოტოებზეა... 
ამბები

როგორ შევქმნათ ბიზნესმოდელი ანუ როგორ ვმართოთ კომპანია

ინტერვიუ „ჯეპრას“ კონსულტანტ მანჩო ონიაშვილთან.
დღის ჰოროსკოპი

15 ივნისის ასტროლოგიური პროგნოზი

რას გვირჩევენ ვარსკვლავები 15 ივნისისთვის ჯანმრთელობის, ბიზნესისა და სიყვარულის მიმართულებით?