გიორგი მარშანია: „ხალხი ვეღარ მცნობს და გრიშა კაკაჩიასთან მოკითხვას მაბარებს...“

სტუმრად ცნობილებთან

6 სექტემბერი 20:00, 2017 წელი

„ამ ზაფხულს სტუდია „ველოსიპედში“ უამრავი სამუშაო მქონდა და პატარებს ანიმაციის ახალი სერიაც შევთავაზეთ. გარდა ამისა, 6 დღით მეგობრებთან ერთად ჩემს დედულეთში, თუშეთში ვიყავი, სადაც დაუვიწყარი დღეები გავატარეთ“, - მსახიობი გიორგი მარშანია ჩავლილი ზაფხულის ამბებსა და სიახლეებზე გვიყვება.

- გზა თუშეთამდე როგორ გაიარეთ?
- თუშეთში გზა წელს გამორჩეულად ცუდი იყო. დიდი მთა ჩამოიშალა, მდინარე გადაკეტა, 7 მეტრი სიღრმის ტბა წარმოიშვა, რომელიც ულამაზესი, მაგრამ ძალიან საშიშია. ახალი მისასვლელის გაყვანას დრო დასჭირდა და ამის გამო თუშეთში სეზონი გვიან გაიხსნა. ჩამოშლილი მთის ადგილას ქვების ცვენა კვლავ გრძელდება. თუშეთიდან უკან რომ ვბრუნდებოდით, მთის ფერდობზე მტვერი შევნიშნე. ცოტა ხანს გავჩერდი და გზა რომ განვაგრძე, წინ ქვების გროვა დამხვდა. ასეთ სახიფათო მონაკვეთზე გზის აქცევა რთულია, რადგან საჭე ერთი მეტრითაც გვერდით რომ აგიცდეს, ტბაში გადავარდები. ეს მონაკვეთი მშვიდობით გავიარე თუ არა, ამერიკულ ფილმებში როგორც ხდება, მანქანის წინ უზარმაზარმა ქვა ჩამოვარდა. საბედნიეროდ, დამუხრუჭება დროულად მოვახერხე, თორემ ის რომ დაგვცემოდა, მანქანას შუაზე გადაჭრიდა. გზის გაგრძელების შემდეგ, მეგონა, სამშვიდობოს გამოვედი, მაგრამ 5 დღის წინ გამოვლილი გზის ადგილას ტბა დამხვდა და ნახევრად წყალში გავიარე. იქაურობა ისე მიყვარს, ამ დაბრკოლებების გადავლა ნამდვილად ღირდა.


- ახალი სეზონისთვის რას გეგმავთ?
- თეატრალურ უნივერსიტეტში მაგისტრატურაზე, სარეჟისოროზე ვსწავლობ. მეორე კურსზე ვარ. ვერ გეტყვით, რომ ბევრი შემოთავაზება მაქვს. ჩემი ძირითადი საქმიანობა სტუდია „ველოსიპედი“ გახდა. „აბრეშუმის თეატრში“ სეზონის გახსნას ველოდებით. რაც შეეხება „თავისუფალ თეატრს“, რემონტის პროცესშია და ნოემბერში ახალი შემართებით დავბრუნდებით. გარდა ამისა, შალვა რამიშვილის ინტერნეტტელევიზიაში პატარა ბლოგი გავაკეთე და კიდევ ვგეგმავ, თუმცა ტელევიზიაში მუშაობა ჩემს ინტერესებში რამდენად შედის, არ ვიცი. სცენარისტად მუშაობას აღარ ვაპირებ, რადგან ვფიქრობ, ამ სფეროში საკუთარი თავი ამოვწურე. „კომედი შოუდან“ ერთ დროს ამიტომაც წამოვედი.


- „ჩემი ცოლის დაქალების“ შემდეგ ეკრანზე აღარ გამოჩენილხართ...
- ეკრანზე გამოჩენა ჩემზე არ არის დამოკიდებული. თუ დამიძახებენ ქასტინგზე, სიამოვნებით წავალ. ქუჩაში ხალხი, მგონი, ვეღარც მცნობს. რაც წვერი მოვუშვი, აშკარად მსახიობ ბექა ლემონჯავას მამსგავსებენ და გრიშა კაკაჩიასთან  მოკითხვას მაბარებენ, თუმცა ვერც იმას გეტყვით, რომ „ჩემი ცოლის დაქალების“ პერიოდში ტრანსგენდერ ნინოს ქუჩაში ბევრი ცნობდა. 


- ასეთი იმიჯით უფრო მეტ კომპლიმენტს იღებთ?
- ამაზე არ მიფიქრია. უფროსი თაობის წარმომადგენლები მეკითხებიან, ამხელა წვერში არ გცხელაო. წვერი არა, მაგრამ თმა დისკომფორტს მიქმნის, რადგან გაზრდის პროცესშია.


 

ფოტოგრაფი: ნინო მენთეშაშვილი
ამბები

საერთაშორისო დოკუმენტური კინოფესტივალი CinéDOC-Tbilisi 8-13 მაისს გაიმართება

საერთაშორისო დოკუმენტური კინოფესტივალი CinéDOC-Tbilisi 8-დან 13 მაისის ჩათვლით მეშვიდედ გაიმართება, წელს ფესტივალს კინოთეატრი “ამირანი” და საქართველოს ეროვნული არქივის კინოთეატრი უმასპინძლებენ. 
ამბები

ზაფხულის ფესტივალი არატრადიციულ ლოკაციაზე - Summer Set 2019 გუდაურში გაიმართება!

26, 27 და 28 ივლისს გუდაური Summer Set-ს უმასპინძლებს, ზაფხულისთვის საკმაოდ არატრადიციულ ლოკაციაზე Summer Set მუდმივ ბინას დაიდებს და ხელს შეუწყობს გუდაურს ოთხი სეზონის კურორტად ჩამოყალიბებაში.
კულინარია

ყვითელი ბარდის კატლეტი - მარტივი და იაფი რეცეპტი!

ბარდა ცილების მდიდარი წყაროა, თანაც მისი ცილები ხორცის ცილების მსგავსია, რადგან შეიცავს რიგ შეუცვლელ ამინომჟავებს. ამიტომ, თუ მარხვას ინახავთ ან ვეგეტარიანელი ხართ, ეს პროდუქტი აუცილებლად უნდა იყოს თქვენს რაციონში.
საკნატუნო ამბები

6 შემთხვევა, როდესაც პარტნიორი საწოლში გატყუებთ

იტყუება იმ შემთხვევაშიც, როდესაც გარწმუნებთ, რომ „მართლა არ გატყუებთ“, „მართლა, მართლა“.
ამბები

ალიკო ცინცაძის წიგნის „ქართული კაბალას“ პრეზენტაცია ეროვნულ ბიბლიოთეკაში გაიმართა

ალიკო ცინცაძის წიგნის „ქართული კაბალას“ პრეზენტაცია საქართველოს პარლამენტის ეროვნული ბიბლიოთეკის საკონფერენციო დარბაზში დღეს, 24 აპრილს გაიმართა.
კინო

13 ვარსკვლავი, რომლებიც დროში მოგზაურობენ

იცოდით, რომ რეპერი Jay Z 1939 წელს ნიუ-იორკის ქუჩებში დასეირნობდა? ან ის, რომ XV საუკუნის ფრესკაზე სტალონე პროფილშია გამოსახული?
დღის ჰოროსკოპი

25 აპრილის ასტროლოგიური პროგნოზი

რას გვირჩევენ ვარსკვლავები 25 აპრილისთვის ჯანმრთელობის, ბიზნესისა და სიყვარულის მიმართულებით?
დღის ჰოროსკოპი

24 აპრილის ასტროლოგიური პროგნოზი

რას გვირჩევენ ვარსკვლავები 24 აპრილისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

20 ფოტო, რომლებიც აღგაფრთოვანებთ

ზოგჯერ ერთი ფოტო მთელ ისტორიას ჰყვება და ემოციების კასკადს იწვევს. ამის მიზეზი ხან იღბალია, ხან - სწორად შერჩეული რაკურსი, ხან - ულამაზესი პეიზაჟი, ხან კი - უნიკალური მოვლენა...
საკნატუნო ამბები

ხუთი მიზეზი, რატომ არის კარგი სექსი დილით

დილაობით სექსი არაა მარტივი საქმე: ხან გამოფხიზლება გვიჭირს, ხან სამსახურში გვაგვიანდება, შესაძლოა, ბავშვებიც გვყავს მოსამზადებელი... მაგრამ სექსოლოგები ჯიუტად ცდილობენ აგვიხსნან, რატომ არის დილის სექსი შესანიშნავი.    
დღის ჰოროსკოპი

23 აპრილის ასტროლოგიური პროგნოზი

რას გვირჩევენ ვარსკვლავები 23 აპრილისთვის ჯანმრთელობის, ბიზნესისა და სიყვარულის მიმართულებით?