ბესო ბარათაშვილი: „მსახიობი სცენაზე უნდა ნახო...“

სტუმრად ცნობილებთან

6 ოქტომბერი 20:00, 2017 წელი

მარჯანიშვილის თეატრის მსახიობს ბესო ბარათაშვილს თეატრში სპექტაკლის დაწყებამდე ვესტუმრეთ. სანამ მაყურებელს ლაშა ბუღაძის „ნავიგატორს“ წარუდგენდნენ, მსახიობი სერიალ „ჩემი ცოლის დაქალებში“ თავის პერსონაჟსა და საყვარელ საქმეზე გვესაუბრა.

- ჩცდ-ში თქვენი პერსონაჟი, ბიზნესმენი ოლეგ თურაშაული ახალ სეზონშიც გამოჩნდება?
- ამის შესახებ ვერაფერს გეტყვით. ეს სცენარისტის საქმეა და როცა გადაღებებზე მეძახიან, მაშინ მივდივარ. ისე, სავსებით შესაძლებელია, აღარც გამოჩნდეს, შეიძლება ავსტრალიაშიც გაუშვან ან მოკლან კიდეც.


- როგორ ფიქრობთ, ოლეგი მაყურებელში რა ემოციას იწვევს?
- ხალხი მაჩერებს და ჩემთან ერთად ფოტოს გადაღებას მთხოვს. ან რატომ უნდა მოდიოდეს უარყოფითი ემოცია? ომი ხომ არ დამიწყია, ქალი მომეწონა და ბიზნესი ვაჩუქე.


- სხვა ახალ სერიალში ან კინოში თუ გიხილავთ?
- კინოში ძალიან იშვიათად მიღებენ. ალბათ, ეკრანზე ეფექტური არ ვარ. ძირითადად, ქასტინგებზე მეძახიან. საქართველოში არც იმდენი არტისტია, რომ არ იცოდე, ვინ ვინ არის. მსახიობი სცენაზე უნდა ნახო, თორემ ქასტინგზე შეიძლება იმ წუთებში ის განწყობა ვერ შექმნა, რაც ფილმს სჭირდება. 55 წლის კაცს ქასტინგზე რომ მეძახიან და არ იციან, ვინ ვარ, გამოდის, რომ არ ვჭირდები.


- ანუ ქასტინგზე მისვლაზე უარს ამბობთ?
- დიახ. ახლა უკვე აღარ შემიძლია იმაზე ფიქრი, დამამტკიცებენ თუ არა როლზე. კარგად იციან, ვინ ვარ და თუ ვჭირდები, ქასტინგის გარეშეც დამიძახებენ.


- თქვენს სიტყვებში გულდაწყვეტა იგრძნობა...
- უამრავი მიზეზია, რაზეც შეიძლება, გული მწყდებოდეს. ისე გავიდა ახალგაზრდობა, ოცნების როლი ვერ შევასრულე. გარდა ამისა, გულდასაწყვეტია, როცა ძვირფასი ადამიანები ამ ქვეყნიდან მიდიან. ბოლოს თეატრსა და ქვეყანას დიდი ადამიანი გამოაკლდა - გივი ბერიკაშვილი. გივი ძალიან დადებითი, მეგობრული ადამიანი იყო და მისგან ბევრის სწავლა შეიძლებოდა. თუმცა, მაინც ვიტყვი, რომ, როგორც მსახიობს, ღმერთმა გადმომხედა და გამიმართლა. ახლა ისეთ ადამიანთან ვმუშაობ, როგორიც ლევან წულაძეა. ბავშვობიდან და სტუდენტობიდან ერთად მოვდივართ და ერთმანეთის უსიტყვოდ გვესმის.


- რა არის თქვენთვის, როგორც მსახიობისთვის, ყველაზე დიდი დაფასება?
- აპლოდისმენტები და ანაზღაურება. ჩვენს ქვეყანაში კულტურა მიგდებული ძაღლივითაა. ეს შეიძლება ამ წუთას არ ჩანს, მაგრამ გავა წლები და ეს ლაფსუსი თაობებში გამოჩნდება. კულტურას სათანადო ყურადღებას არ აქცევენ. იმას არ ვამბობ, რომ როცა ქვეყანას უჭირს, ჩვენს სფეროს მილიონები უნდა მოახმარონ, მაგრამ, როგორც განათლებისა და ჯანმრთელობისთვის არ უნდა დაინანო არაფერი, ისე არ უნდა დაინანო სულიერებისთვისაც.

ფოტოგრაფი: ალექსანდრე სხულუხია
ამბები

ალიკო ცინცაძის წიგნის „ქართული კაბალას“ პრეზენტაცია ეროვნულ ბიბლიოთეკაში გაიმართა

ალიკო ცინცაძის წიგნის „ქართული კაბალას“ პრეზენტაცია საქართველოს პარლამენტის ეროვნული ბიბლიოთეკის საკონფერენციო დარბაზში დღეს, 24 აპრილს გაიმართა.
კინო

13 ვარსკვლავი, რომლებიც დროში მოგზაურობენ

იცოდით, რომ რეპერი Jay Z 1939 წელს ნიუ-იორკის ქუჩებში დასეირნობდა? ან ის, რომ XV საუკუნის ფრესკაზე სტალონე პროფილშია გამოსახული?
დღის ჰოროსკოპი

25 აპრილის ასტროლოგიური პროგნოზი

რას გვირჩევენ ვარსკვლავები 25 აპრილისთვის ჯანმრთელობის, ბიზნესისა და სიყვარულის მიმართულებით?
დღის ჰოროსკოპი

24 აპრილის ასტროლოგიური პროგნოზი

რას გვირჩევენ ვარსკვლავები 24 აპრილისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

20 ფოტო, რომლებიც აღგაფრთოვანებთ

ზოგჯერ ერთი ფოტო მთელ ისტორიას ჰყვება და ემოციების კასკადს იწვევს. ამის მიზეზი ხან იღბალია, ხან - სწორად შერჩეული რაკურსი, ხან - ულამაზესი პეიზაჟი, ხან კი - უნიკალური მოვლენა...
საკნატუნო ამბები

ხუთი მიზეზი, რატომ არის კარგი სექსი დილით

დილაობით სექსი არაა მარტივი საქმე: ხან გამოფხიზლება გვიჭირს, ხან სამსახურში გვაგვიანდება, შესაძლოა, ბავშვებიც გვყავს მოსამზადებელი... მაგრამ სექსოლოგები ჯიუტად ცდილობენ აგვიხსნან, რატომ არის დილის სექსი შესანიშნავი.    
დღის ჰოროსკოპი

23 აპრილის ასტროლოგიური პროგნოზი

რას გვირჩევენ ვარსკვლავები 23 აპრილისთვის ჯანმრთელობის, ბიზნესისა და სიყვარულის მიმართულებით?
ამბები

ალიკო ცინცაძის წიგნის „ქართული კაბალას“ პრეზენტაცია ეროვნულ ბიბლიოთეკაში გაიმართება

პარლამენტის ეროვნული ბიბლიოთეკის საკონფერენციო დარბაზში (მე-3 კორპუსი), 24 აპრილს, 14:00 საათზე, ასტრო-ენათმეცნიერის, პროფესორ ალიკო ცინცაძის ახალი წიგნის „ქართული კაბალას“ პრეზენტაცია-ლექცია ჩატარდება.
საკნატუნო ამბები

10 მეტამორფოზა, რომლებიც თქვენს ასაკს საპასპორტო მონაცემებზე მეტად გასცემს

დაბერების შიში ერთ-ერთი ყველაზე გავრცელებული ფობიაა. საქმე ისაა, რომ ადამიანის სხეული მუდმივად იცვლება და წლების მატებასთან ერთად, ახლებურად გამოიყურება. ამიტომაც აუცილებელია ვიცოდეთ, რომელი ასაკობრივი ცვლილება მიიჩნევა ნორმად და რომელი - არა.
საკნატუნო ამბები

10 წვრილმანი, რაც კაცს აღაგზნებს

ეს წვრილმანები ერთი შეხედვით უცნაურებია, მაგრამ საკმაო ძალა აქვთ იმისთვის, რომ კაცის პულსის სიხშირე წუთში 70-დან 150-მდე აწიონ...  
დღის ჰოროსკოპი

22 აპრილის ასტროლოგიური პროგნოზი

რას გვირჩევენ ვარსკვლავები 22 აპრილისთვის ჯანმრთელობის, ბიზნესის და სიყვარულის მიმართულებით?
საკნატუნო ამბები

უნიკალური ფოტოარქივი, რომელიც წარსულს სულ სხვა თვალით დაგანახვებთ

ეს ფოტოები გასულ საუკუნეში გამოგზაურებთ და საოცარ ამბებს აღმოგაჩენინებთ...