მანანიკო ცენტერაძე: „მეც და ნათია თოდუასაც „X ფაქტორი“ სტეფანემ დაგვატოვებინა!“

სტუმრად ცნობილებთან

31 იანვარი 20:00, 2018 წელი

„როგორც პროექტის „ჩვენ ვარსკვლავები ვართ“ გამარჯვებულს, ერთ-ერთმა სამშენებლო კომპანიამ ბინა მაჩუქა, რომელსაც უახლოეს მომავალში ჩამაბარებენ. გარდა ამისა, კლიპსაც გადამიღებენ, თუმცა მანამდე სიმღერა უნდა ჩავწერო“, - 26 წლის მანანიკო ცენტერაძე კონკურსამდე და კონკურსის შემდგომ პერიოდზე გვიყვება.

- რა შეიცვალა თქვენს ცხოვრებაში კონკურსში გამარჯვების შემდეგ?
- პირველ რიგში, შეიცვალა ის, რომ ხალხის სიყვარული მოვიპოვე. გარეთ რომ გამოვდივარ, მაშინ ვხვდები, რაც მოხდა. ბავშვები განსაკუთრებულად აქტიურობენ. მაჩერებენ და მეხუტებიან. თავდაჯერებულობა არ მაკლდა, მაგრამ ამ გამარჯვებით საკუთარ თავს ბევრი რამ დავუმტკიცე.


- მაგალითად?
- მოგეხსენებათ, მუსიკალური პროექტის წესები ძალიან მკაცრია და მხოლოდ სიმღერის კი არა, ნერვების, ნებისყოფისა და მოთმინების კონკურსიცაა. 


- ჟიურის ერთ-ერთი წევრი, ნატო მეტონიძე კომპლიმენტებით განსაკუთრებულად განებივრებდათ...
- კონკურსის დაწყების დღიდან ნატოს რჩეული ვიყავი, რაც ძალიან მახარებს. ეს მომღერალი ბავშვობიდან მიყვარს. ხანდახან ვიზუალურად და სიმღერის მანერითაც მამსგავსებენ. ჩვენი ურთიერთობა კონკურსგარეთ არ გაგრძელებულა, თუმცა ჟიურის ყველა წევრთან კარგი ურთიერთობა მაქვს.


- მანანიკო, ეს თქვენთვის პირველი კონკურსი არ იყო. როგორ ფიქრობთ, აქამდე რატომ არ გიმართლებდათ?
- კონკურსს თავისი წესები აქვს. უამრავ კონკურსსა თუ ფესტივალში მაქვს მონაწილეობა მიღებული. ერთ-ერთი შვედეთში გემზე ჩატარებული კონკურსი იყო, სადაც გრანპრი ავიღე. რამდენიმე წლის წინათ „ახალ ხმაშიც“ ვმონაწილეობდი და „X ფაქტორშიც“, თუმცა არ გამიმართლა. „ახალ ხმაში“ არავინ შემომიტრიალდა. „X ფაქტორს“ კი 4 სკამის ტურიდან გამოვეთიშე, თუმცა მომდევნო წელს პროექტის შემოქმედებითი გუნდი დამიკავშირდა და ბექ-ვოკალში მუშაობა შემომთავაზა. 3 წელი ვითანამშრომლეთ. ამ პერიოდმა დიდი გამოცდილება მომცა, სწორედ ამას მოჰყვა ჩემი გამარჯვებაც კონკურსში „ჩვენ ვარსკვლავები ვართ“.


- თქვენი გამარჯვება იმ პერიოდს დაემთხვა, როცა ნათია თოდუამ გერმანული Voice მოიგო.
- დიახ, ასეა. ერთმანეთს ბევრი კარგი მოვლენა დაემთხვა და ნათიას გამარჯვება ერთ-ერთი იყო, რამაც ძალიან გამახარა. სხვათა შორის, მე და ნათია „X ფაქტორში“ ერთად ვმონაწილეობდით და მაშინ არცერთს არ გაგვიმართლა. 4 სკამის ტურიდან ორივე კონკურსგარეთ დავრჩით.


- ნათიას კონკურსიდან გაშვებაში სოფო ტოროშელიძეს ადანაშაულებენ...
- სოფო ტოროშელიძემ ნათია თოდუას პირველ ტურში უთხრა „არა“, რასაც გადამწყვეტი მნიშვნელობა არ ჰქონია და მომდევნო ტურში სამი „კი“-ს დამსახურებით გადავიდა. 4 სკამის კონკურსიდან ნათია სხვა მონაწილით სტეფანემ ჩაანაცვლა. სხვათა შორის, მაშინ სოფომ ნათიას უთხრა: ჩემი სიტყვები უკან მიმაქვს და შენი მენტორი რომ ვიყო, სკამზე დაგსვამდი და აღარ აგაყენებდიო. ნათიამ გერმანული Voice რომ მოიგო, ეს აღარავის ახსოვდა, ყველა სოფოს ლანძღავდა და უსამართლობის შეგრძნება მქონდა. მეც და ნათიასაც „X ფაქტორი“ სტეფანემ დაგვატოვებინა. ნათია თოდუას გამარჯვება გულით მიხარია და კიდევ ერთხელ ვულოცავ!


- თქვენი მუსიკალური კარიერის დასაწყისი როგორ გახსენდებათ?
- სიმღერა ძალიან პატარა ასაკში დავიწყე. დედაჩემი, მაიკო გუბელაძე მუსიკოსია და როგორც მიყვება, თვეებიდან ვღიღინებდი. ფოთში დავიბადე. 3 წლისაც არ ვიყავი, როცა ფოთის თეატრის სცენაზე დავდექი, კონკიას სიმღერა შევასრულე და ფესტივალის დედოფალიც გავხდი. მერვე კლასის მოსწავლე ვიყავი, როცა ოჯახით დედაქალაქში გადმოვედით საცხოვრებლად. 19 წლის ვიყავი, როცა დედა უცხოეთში წავიდა. შემდეგ კი ძმამ და მამამაც დატოვეს საქართველო. წლებია, რაც მარტო ვცხოვრობ.


- მარტო ცხოვრება რთულია თქვენთვის?
- მარტოობის არ მეშინია, მაგრამ რთულია, როცა დღის განმავლობაში შენს თავს ბევრი კარგი რამ ხდება, სახლში მიდიხარ და არავინ გხვდება, ვისაც ამ ყველაფერს გაუზიარებ... სიცარიელის შეგრძნებაა. ტელეფონით და სოციალური ქსელით ურთიერთობა ისედაც მობეზრებული გვაქვს. ძმა ამერიკაში მყავს, მშობლები - ბარსელონაში. დროში სხვაობა გვაქვს და ერთმანეთს ველოდებით, როდის შევძლებთ საუბარს. ამის გამო ხშირად მიტირია კიდეც. შეიძლება ტელეფონი ავიღო და ჩემი ოჯახის ყველა წევრი სამსახურში იყოს და სალაპარაკოდ ვერ მოიცალონ.


- თქვენ არ გეგმავთ უცხოეთში გამგზავრებას?
- ჯერჯერობით არ ვგეგმავ. ჩემი მიზნების მისაღწევად საქართველოში დავრჩი. კარიერის დასაწყებად ყველაზე კარგი ეტაპი მაქვს.


 

საკნატუნო ამბები

რა არის ის, რაც ქალს მამაკაცში ყველაზე მეტად მოსწონს

მამაკაცმა რომ ქალის გული დაიპყროს, აუცილებელი არაა, ლამაზი იყოს. ბევრად ფასეულია მისი ძალა, ხასიათი, კეთილშობილება, სიმტკიცე და ურყევი ნება. ამ თვისებების წინაშე ყველა ქალი უძლურია. 
დღის ჰოროსკოპი

20 აგვისტოს ასტროლოგიური პროგნოზი

რას გვირჩევენ ვარსკვლავები 20 აგვისტოსთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

18 იშვიათი ფოტო 90-იანების არქივიდან, რომლებიც საეჭვოა, ნანახი გქონდეთ

30 წლის განმავლობაში ყველაფერი ძალიან შეიცვალა: მსოფლიოს ინტერნეტი მართავს, მოდა სულ სხვანაირი გახდა და ვარსკვლავებიც სულ სხვანაირად გამოიყურებიან. ეს იშვიათი  ფოტოები თვალნათლივ დაგანახვებთ, როგორი სისწრაფით იცვლება ცხოვრება.
დღის ჰოროსკოპი

19 აგვისტოს ასტროლოგიური პროგნოზი

რას გვირჩევენ ვარსკვლავები 19 აგვისტოსთვის ჯანმრთელობის, ბიზნესისა და სიყვარულის მიმართულებით?
ამბები

„ნაბეღლავი“, „ბახმარო“, „გალფი“ - ბახმაროში ტრადიციული დოღის სამზადისია

ხვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია.
კულინარია

სპაგეტი ფრიკადელებით - გემრიელი და სწრაფად მოსამზადებელი

ამ უგემრიელეს იტალიურ კერძს, სულ რაღაც, ნახევარი საათში მოამზადებთ და თანაც ყველა ინგრედიენტი ადვილად ხელმისაწვდომია.
დღის ჰოროსკოპი

18 აგვისტოს ასტროლოგიური პროგნოზი

რას გვირჩევენ ვარსკვლავები 18 აგვისტოსთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

ბრონქსელი გოგონადან მოდის დედოფლამდე: ჯეი ლოს სილამაზის ევოლუცია

ლათინოამერიკელი მომღერალი, მსახიობი, მოდელიერი და ბიზნესლედი მთელი ცხოვრება ჯიუტად მიიწევდა მიზნისკენ და ახლა მას მთელი მსოფლიო იცნობს. ჯენიფერი 50 წლისაა და როგორც ჩანს, კარგად იცის, როგორ დაატრიალოს საათის ისრები უკუღმა.
საკნატუნო ამბები

დაუცველი სექსი სასარგებლოა? - მეცნიერების ახალი კვლევა

დაუცველი სექსი ორივე პარტნიორის ფსიქიკას იცავს, ხოლო სექსი პრეზერვატივით სტრესსა და დეპრესიას იწვევს, - ამტკიცებენ მეცნიერები. თქვენც დაგაფიქრათ, მეცნიერების ნათქვამმა? ერთად გავერკვეთ, რისი თქმა სურთ ჩვენს კეთილისმსურველებს.
დღის ჰოროსკოპი

17 აგვისტოს ასტროლოგიური პროგნოზი

რას გვირჩევენ ვარსკვლავები 17 აგვისტოს ჯანმრთელობის, ბიზნესისა და სიყვარულის მიმართულებით?
ამბები

Sunset Fest Bakhmaro - 19 აგვისტოს ბახმაროში თანამედროვე მუსიკის ფესტივალი და დიდი მხიარულება გელოდებათ

Sunset Fest  Bakhmaro 2019-ის მზადება აქტიურ ფაზაშია. ზღვის დონიდან 2050 მეტრზე, დაბა ბახმაროში, 19 აგვისტოს ბევრი სიურპრიზი და დიდი მხიარულება გელით.
კინო

გასაოცარი შარლიზ ტერონის 20 ფილმი

შარლიზ ტერონი არა მხოლოდ ლამაზი ქერაა, არამედ ეფექტიანი მსახიობიც, ფართო დრამატული დიაპაზონით. მას ერთნაირად ძლიერად შეუძლია ითამაშოს როგორც „საოსკარე“ დრამაში, ისე ბლოკბასტერსა და კომედიაში.