საინფორმაციო გამოშვების დასრულების შემდეგ სახლში დაბრუნებული ნინო ჭანტურაია უკვე დიასახლისის როლს ირგებს.
ჩვენთვის აღმოჩენა იყო, რომ „ქრონიკის“ წამყვანი კარგი კულინარია და სხვადასხვა კერძების კეთებაც ძალიან კარგად გამოსდის.
სტუმრად მისულებმა მისი უმცროსი შვილები სალი და ანდრია გავიცანით. ნინოს უფროსი შვილი 17 წლისაა. სამწუხაროდ, სანდროს გადაღება ვერ მოვახერხეთ, რადგან გამოცდების წარმატებით ჩაბარების შემდეგ ის ბათუმში ბებიასთან ისვენებს.
სახლში, სადაც ვესტუმრეთ, ყველაფერი ნინოს გემოვნებითაა გაკეთებული.
ამიტომ ზუსტად ისეთ გარემოში ცხოვრობს, როგორზეც ოცნებობდა.
ამ ოცნებას ისიც ამყარებს, რომ მათთან შესვლისთანავე იგრძნობა
ოჯახური სიმყუდროვე - სწორედ ესაა ნინოს ცხოვრების ერთ-ერთი სლოგანი.
როცა მივედით, რვა წლის ანდრიას შემოქმედებას ათვალიერებდნენ. ნინო გვიყვება,
რომ მისი ნაბოლარა შვილი ხშირად მაშინ ხატავს, როცა ცუდ ხასიათზეა.
ამის შემდეგ განწყობის გამოკეთებაც არ აყოვნებს. ანდრია ხანდახან წერს კიდეც.
ახლა ფიქრობს, რომ მომავალში მწერალი, მხატვარი და, ამასთანავე, ლექტორიც იქნება.
სერიოზული, ჭკვიანი და დედასავით ლამაზი - ასეთია ნინოს სალი. ის დიპლომატობას აპირებს,
ბევრს კითხულობს და კარგი მრჩეველია. ნინო და სალი ხშირად ერთად გეგმავენ,
რომელ სამოსს აირჩევს დედა მომავალი პირდაპირი ეთერისთვის.
მისი მიზანია, დაეხმაროს შვილებს სწორი არჩევნის გაკეთებაში და იყოს წარმატებული თავის პროფესიაში,
თუმცა ნინო სულ ძიებაშია და ამბობს, რომ გაჩერებას არ აპირებს.