ბოშათა ჰოროსკოპი - როგორ იქცევიან შეყვარებული ზოდიაქოს ნიშნები?

1. კირჩხიბი
კირჩხიბების უმეტესობა - მგრძნობიარე და ემოციურია. ბავშვობაში მათ მშობლები მეურვეობდნენ, ამიტომაც ისინი მშობლების მზრუნველობაზე ძალიან არიან დამოკიდებულები. ამის გამო კირჩხიბებს უჭირთ მეორე ნახევრის პოვნა და მათი შენარჩუნება. ზოგი პარტნიორს მშობლებს ადარებს. ამავდროულად კირჩხიბები ნამდვილ რომანტიკოსებად და მეოცნებეებად რჩებიან. თუკი კირჩხიბმა ცხოვრების თანამგზავრი იპოვა, ის მას ხელს არ გაუშვებს.

2. ტყუპები
სასიყვარულო ურთიერთობებში ტყუპები შინაგანი კომფორტისკენ ილტვიან... თუკი ისინი ადამიანთან თავს მყუდროდ და კარგად გრძნობენ, მაშინ ბედნიერები არიან. ამ ზოდიაქოს გვერდით ადამიანები თავს მსუბუქად გრძნობენ. დაუთმეთ ტყუპებს ყურადღება და ისინი მზრუნველობის სახით დაგიბრუნებენ. მათ გვერდით თავს საიმედოდ იგრძნობთ.

3. ვერძი
ვერძის გვერდით ცხოვრებისას როგორც სასიამოვნო მომენტები, ისე კონფლიქტებიც გელოდებათ. ყველაფერში დამნაშავე ზოდიაქოს ამ ნიშნის ქვეშ დაბადებული ადამიანების რთული ხასიათია. თუკი სიძნელეების არ გეშინიათ და ზოგიერთ მომენტში დათმობას შეძლებთ, ვერძებიც უფრო დამყოლები იქნებიან. ნაკლებად აკრიტიკეთ ვერძები და მათ ფანტაზიასა და შემოქმედებას გზა მიეცით. გაუშვი, კოპები დააჯდეთ, ოღონდ ყურადღება მიაქციეთ, რომ დამნაშავედ თქვენ არ გამოგიყვანონ. ვერძებს ძალიან უყვართ დანაშაულის გადაბრალება.

4. ქალწული
სასიყვარულო ურთიერთობებში ქალწულები ძალიან ფრთხილები არიან. ისინი ყოველთვის ცდილობენ მათზე შეყვარებული ადამიანის გამოცდას. თუკი ამას წარმატებით გაივლით, ქალწულები თავიანთ ნამდვილ ხასიათს დაგანახვებენ, სინამდვილეში ისინი მგრძნობიარენი და გულწრფელები არიან, პარტნიორი უყვართ და მუდმივად მასზე ზრუნავენ.

5. სასწორი
სასწორებისთვის ურთიერთობებში მთავარი ჰარმონია და დამოუკიდებლობაა. ისინი პარტნიორს დიდხანს არჩევენ, თანაც ისეთს, რომელიც მათ არ გააკონტროლებს. ურთიერთობის დაწყებამდე სასწორი ყველა კანდიდატს გადაარჩევს. ერთი ნახვით შეყვარება მისთვის არ არსებობს. როცა ისინი იმ ერთადერთს პოულობენ, მაშინვე გულთბილები და ნაზები ხდებიან.

6. მორიელი
მორიელები წლობით ეძებენ ნამდვილ სიყვარულს. მათი რჩეული ღირსების მთელი თაიგულით უნდა იყოს შემკული. ხანგრძლივი ურთიერთობის შემდეგაც კი მორიელმა შესაძლოა, ქორწინების გადაწყვეტილება არ მიიღოს. ოჯახს თუ ქმნიან, მხოლოდ ძლიერი სიყვარულის შემთხვევაში. ოჯახში ეს ნიშანი უფროსობას ითავსებს. მის გვერდით ყველა დაცულად გრძნობს თავს.

7. მშვილდოსანი
მშვილდოსნისთვის ცხოვრებაში მთავარი ოჯახია, თუმცა მის გარეთაც ხშირად ეძებს თავგადასავლებს. მათთვის ძნელი არ არის ამგვარი ურთიერთშეხამება. იმისთვის, რომ მშვილდოსანმა გვერდით არ გაიხედოს, მას ძალიან ვნებიანი პარტნიორი სჭირდება. ზოდიაქოს ეს ნიშანი აშკარა ღალატს არ პატიობს. მათ შემდგომში დიდხანს შეუძლიათ სამაგიეროს გადახდა.

8. კურო
ყველაზე უხვსიყვარულიანი ზოდიაქოს ნიშანი კუროა. ისინი ღრუბლებში დაფრინავენ. ყოველი გატაცებისას სამსართულიან ტორტსა და ქორწინებაზე ოცნებობენ. მათ ღირსეული პარტნიორის მოსაძებნად ვარდისფერი სათვალე უნდა მოიხსნან. კუროებთან მომთმენი უნდა იყოთ, რათა მათი შენარჩუნება შეძლოთ. 

9. თხის რქა
თხის რქას ისეთი პარტნიორი სჭირდება, რომელიც მას კომპლექსებიდან გაათავისუფლებს. ამ ნიშანს ღალატისა და ტყუილის ეშინია, ამიტომაც მჭიდრო ურთიერთობას იშვიათად აბამს. თხის რქებისთვის საუკეთესო პარტნიორი მარტივი ადამიანია.

10. მერწყული
მერწყულებს მდიდარი წარმოსახვის უნარი აქვთ. ისინი ზოგჯერ სიყვარულს იგონებენ, რომელიც არ არსებობს, ხოლო შემდეგ დიდხანს წუხან ამის გამო. როცა წუხილი გადის, ცინიკურები ხდებიან და არავისი აღარ სჯერათ. თუკი ვინმე მათ გაყინულ გულს გაალღობს, მაშინ ეს კავშირი საუკუნე გასტანს.

11. ლომი
ლომები ძალიან ამბიციურები არიან. მათთვის მთავარია, ახლობელი ადამიანი მათ ცხოვრებისეულ შეხედულებებს იზიარებდეს. ასევე კარგი იქნება, თუ მათ მიღწევებისთვის შეაქებთ და კომპლიმენტით აავსებთ. ამის შემდეგ ლომები უფრო კეთილები ხდებიან. სწორედ ესაა მათი გულის გასაღები.

12. თევზები
ურთიერთობებში თევზები ძალიან რომანტიკულები და სათუთები არიან. ისინი თავს მთლიანად გასცემენ. თევზ ქალს დამცველი სჭირდება. მამაკაც თევზს კი - ყურადღება და მოვლა.