ყველაზე კარგი მეგობრები არიან:
ვერძი და მერწყული
ვერძი ბედნიერია, როცა მეგობარ მერწყულს პოულობს. ერთად ისინი იდეების გენერატორს წარმოადგენენ. მოუსვენარი ვერძი მუდმივად ახალი გმირობებისკენ ისწრაფვის, ხოლო მერწყული მას ამ საქმეში სიამოვნებით ეხმარება. ორივე ნიშანი გამოუსწორებელი რომანტიკოსი და მეოცნებეა, ისინი ცხოვრების არსს ერთად ეძებენ.
კურო და კირჩხიბი
კურო ძალიან კომფორტულად გრძნობს თავს კირჩხიბის გვერდით. ეს ორი განსხვავებული ნიშანი წარმოუდგენლად ეწყობა ერთმანეთს! კირჩხიბი კუროს გაწონასწორებულ ცხოვრებას უფრო კაშკაშას ხდის. კურო კი ამ მეგობრობას იდეალურ პირობებს უქმნის. ამ ორ ნიშანს შორის ძალიან ხშირად ნამდვილი სულიერი ერთიანობაა.
ტყუპები და ლომი
ტყუპები და ლომი კარგად ეწყობიან ერთმანეთს. ამ მეგობრებს ცხოვრების წესი და ინტერესები აერთიანებთ. ვერცერთი ვერ ძლებს რომანტიკული თავგადასავლების გარეშე. მათ არასდროს გამოელევათ განსახილველი თემები. ტყუპი ლომის ლიდერობას ეჭვქვეშ არასდროს აყენებს და უფრო მეტიც, თავის მეგობარს შესანიშნავად ავსებს.
ქალწული და მორიელი
ქალწულს მორიელის უთქმელად ესმის. ზოდიაქოს ამ ორ ნიშანს არასდროს სწყინდება ერთმანეთი. მათ ერთად ნებისმიერ თემის განხილვა შეუძლიათ. ყოველთვის აქვთ ერთმანეთის იმედი. ქალწული მორიელს ემოციის გაწონასწორებაში ეხმარება. მორიელი კი თავის საუკეთესო მეგობარს გაჭირვებაში არასდროს მიატოვებს!
მშვილდოსანი და სასწორი
სასწორი მშვილდოსანთან ერთად გატარებულ დროს აღმერთებს. ეს ორი მეგობარი სილამაზისა და მაღალი წრის მანერების მაგალითია. ისინი ერთმანეთის დასახმარებლად ყოველთვის მზად არიან. მშვილდოსანი ახალ იდეებს გენერირებს, ხოლო სასწორი მათი რეალიზაციისთვის საუკეთესო შესაძლებლობებს პოულობს. ამიტომაც ერთად დიდ წარმატებებს აღწევენ.
თხის რქა და თევზები
თევზები თხის რქისთვის ხშირად მთელი ცხოვრების მეგობრად იქცევა. განსაკუთრებით, თუ ეს წყვილი ერთად მუშაობს. თხის რქა თევზების სპონტანურ საქციელს დროულად აკონტროლებს. თევზები კი თხის რქას შინაგანი ფსიქოლოგიური პრობლემების დაძლევაში ეხმარება. ერთადერთი, რამაც შეიძლება, მათ მეგობრობას ჩრდილი მიაყენოს, ეს თევზების ზედმეტი ემოციურობა და თხის რქის პრინციპულობაა.
