ქალი-ვერძის მამაკაცის ტიპაჟი: „კარგი ბიჭი“
თქვენ ძალიან გიყვართ „ცუდი ბიჭები“. შედეგად ისევ და ისევ იმედგაცრუების მსხვერპლი ხდებით. შეეცადეთ, ვითარება შეცვალოთ და ნამდვილად კარგი ბიჭი იპოვოთ. თქვენ საიმედო და პატიოსანი პარტნიორი გესაჭიროებათ, რომელსაც დაეყრდნობით და რომელიც არასდროს გაწყენინებთ.
ქალი-კუროსთვის მამაკაცის ტიპაჟი: „მონათესავე სული“
იყავით გულახდილი საკუთარ თავთან. დღემდე რომელიღაც ძველი ურთიერთობის გამო იტანჯებით. მის დასავიწყებლად გჭირდებათ ადამიანი, ვინც თქვენ გაფასებთ და რა ის, ვისაც უნდა ეხვეწოთ, რომ თქვენ გვერდით იყოს. თქვენი ყოფილი, რომელიც მუდმივად გაიგნორებდათ, თავიდან ამოიგდეთ და ცხოვრება განაგრძეთ.
ქალი-ტყუპის მამაკაცის ტიპაჟი: „რომანტიკოსი“
თქვენთვის ყველაფერი მარტივია! თქვენ ისეთი ბიჭი უნდა იპოვოთ, რომელიც თქვენსავით არის დაინტერესებული ურთიერთობაში. თქვენ ყოველთვის ცდილობთ, ადამიანებს ბედნიერება მიანიჭოთ, ამიტომაც პასუხადაც იგივე გსურთ.
ქალი-კირჩხიბი მამაკაცის ტიპაჟი: „გულკეთილი“
არავის მისცეთ უფლება, თქვენზე ფეხები შეიწმინდოს! სამწუხაროდ, თქვენ საყვარელი ადამიანის გავლენის ქვეშ მოქცევის ჩვევა გაქვთ და მას ბევრის უფლებას აძლევთ. ეს არასწორია. თქვენ იმგვარი კაცი უნდა იპოვოთ, ვინც თქვენს კეთილგანწყობას ბოროტად არ გამოიყენებს და თქვენს გულს გაუფრთხილდება.
ქალი-ლომის მამაკაცის ტიპაჟი: „ერთგული თაყვანისმცემელი“
ქალი-ლომები საკმაოდ ეგოისტურები არიან. ეს თქვენი ხასიათის ნაწილია და ვერაფრით შეცვლით. ამიტომაც ისეთი ბიჭი გესაჭიროებათ, რომელიც სიყვარულით და ყურადღებით „გაგაძღებთ“.
ქალი-ქალწულის მამაკაცის ტიპაჟი: „იდეალური ყველაფერში“
ეს ქალები შეურიგებელი პერფექციონისტები არიან. როცა საკითხი მამაკაცებს ეხება, თქვენ კომპრომისზე არ მიდიხართ. ამიტომაც თქვენ იდეალური ბიჭი გესაჭიროებათ, თანაც სწორედ მან უნდა გადადგას პირველი ნაბიჯი ურთიერთობისკენ!
ქალი-სასწორის მამაკაცის ტიპაჟი: „შეძლებული და დამოუკიდებელი“
სასწორი შეცდომის შემთხვევაშიც კი ცდილობს, ძალისხმევა არ დაიშუროს და მდგომარეობა გამოასწოროს, მაგრამ ეს ყოველთვის კატასტროფით მთავრდება. ამიტომ ეძებეთ კაცი, რომელსაც ბევრი და საინტერესო საქმე აქვს და რომლის გამოსწორებაზე ზრუნვა არ დაგჭირდებათ.
ქალი-მორიელის მამაკაცის ტიპაჟი: „გურმანი და ესთეტი“
გვერდით ისეთი მამაკაცი გესაჭიროებათ, რომელსაც სიამოვნების გახანგრძლივების უნარი აქვს. თქვენ სიყვარულში თავით ეშვებით, თანაც იმდენად სწრაფად გიყვარდებათ, რომ სახიფათო შედეგებამდეც კი მიდიხართ. ეძებეთ ადამიანი, რომელიც სიყვარულში მოთმინებას გასწავლით!
ქალი-მშვილდოსნის მამაკაცის ტიპაჟი: „სიტყვის კაცი“
თქვენ ღრმა ბუნების მქონე მამაკაცი გესაჭიროებათ. ქალ-მშვილდოსნებს ლაღი, მაგრამ ზედაპირული კაცების შეყვარება სჩვევიათ. დიახ, ეს კაცები მდიდრები და ლამაზები არიან, მაგრამ სულ ესაა! შეეცადეთ, ისეთი მამაკაცი იპოვოთ, რომელსაც ცხოვრებაში გადაწყვეტილებების მიღება და თქვენი გაბედნიერება რეალურად შეუძლია!
ქალი-თხის რქის მამაკაცის ტიპაჟი: „მხიარული და ხუმარა“
ქალ-თხის რქებს ძალიან მახვილი იუმორის გრძნობა აქვთ, ამიტომაც ისეთი კაცი ესაჭიროებათ, რომელიც ამ თვისებას სათანადოდ დააფასებს. იპოვეთ ბიჭი, რომელიც თქვენს დადებით ენერგიას შეავსებს და პოზიტიურ განწყობას არ დაარღვევს.
ქალი-მერწყულის მამაკაცის ტიპაჟი: „მარტოხელა“
რეალისტები იყავით. შეეშვით მიუწვდომელ და ცოლიან მამაკაცებს! თქვენ საზოგადოებაში დამყარებული წესების დარღვევა გიყვართ, მაგრამ ზოგჯერ ძალიან ღრმად შეტოპავთ ხოლმე. მუდმივად ემოციურად მიუწვდომელ მამაკაცებს დასდევთ, რომლებსაც უკვე აქვთ მყარი ურთიერთობა. შეეცადეთ, ლოგიკურად იაზროვნოთ და თავისუფალი ბიჭი მოძებნოთ.
ქალი-თევზების მამაკაცის ტიპაჟი: „ის, ვინც ყოველთვის გვერდითაა“
თქვენ დიდხანს ძებნა არ დაგჭირდებათ, რადგან თქვენთვის საჭირო ადამიანი გვერდით გყავთ. თქვენ ყოველთვის ცდილობთ, აიძულოთ მამაკაცები, თქვენი ღირებულებები გაიზიარონ. ამ დროს კი არ აქცევთ ყურადღებას ადამიანს, რომელიც დიდი ხანია თქვენს ცხოვრებაშია არსებობს და თქვენი ჭეშმარიტი ანარეკლია.
