ვერძი
ვერძებმა თითქმის არასდროს იციან, რა სურთ, ამიტომ მუდამ ხალხის მასას მიჰყვებიან. თუმცა უნდა აღინიშნოს, რომ მხოლოდ რჩეული ხალხისას. მათთვის საზოგადოებრივი აზრი მთავარია, ამიტომაც უაზრო სკანდალში ნაკლებად ერევიან - მხოლოდ ამა ქვეყნის ძლიერებთან ეფექტურ დავაში თუ ჩაერთვებიან. ისინი გამომწვევები და ზოგჯერ ძალიან ჯიუტები, მაგრამ ქვის კედელივით საიმედოები არიან.
კურო
ის რომანტიკულია და ძალიან მგრძნობიარე. ლამაზ და დაჟინებულ არშიყობას გულგრილად ვერ უყურებს, მაგრამ იმავდროულად სიურპრიზებს გაურბის. თუკი კურო ვინმეს თავის ცხოვრებაში შეუშვებს, ურთიერთობა დიდხანს გაგრძელდება. ეს სიყვარულში ერთ-ერთი ყველაზე უცვლელი ნიშანია და თუკი პარტნიორი ხელს შეუწყობს, იდილია მრავალი წელი გაგრძელდება.
ტყუპები
ტყუპებისთვის ამ ცხოვრებაში ყველაფერი ადვილად მიიღწევა, განსაკუთრებით, როცა საქმე მათ პირად ინტერესებს ეხება. სწორედ ისინი არიან ველოსიპედის გამომგონებლები. ჩხუბში ზომა არ იციან. ყვირიან, ამსხვრევენ ჭურჭელს და ყველაფერში მთელ ქვეყანას ადანაშაულებენ. შურისძიებაში გამომგონებლები არიან. მაგრამ იმავდროულად მალე წყნარდებიან. მათ ახლობლებისთვის ბევრი დადებითი ემოცია მოაქვთ, ამიტომაც მათგან საუკეთესო მეორე ნახევრები გამოდიან.
კირჩხიბი
კირჩხიბი ზოდიაქოს ნიშნებში ყველაზე ემოციურია, მაგრამ საკუთარი ემოციების გაზიარება არ უყვარს. სხვების გრძნობებსა და განწყობას კირჩხიბი მალევე ხვდება, მაგრამ თავად იშვიათადაა გულახდილი, რათა სულში უნებლიეთ არავინ შეეჭრას. იგი ძალიან მიბმულია ოჯახზე, განსაკუთრებით დედაზე. სამუშაოზე და პირად ცხოვრებაში ინიციატივის გამოჩენა უყვარს. იგი თანადგომისთვის საჭირო ხალხს უშეცდომოდ ირჩევს.