ლომებთან ხუმრობა სახიფათოა. ცხოველთა მეფე შეცდომებს არ პატიობს. ის ბელადია და მის აზრს ყველა ითვალისწინებს, მას მიჰყვებიან.
ლომები მუშაობისას აზარტულები არიან, უყვართ ფულის ხარჯვა, სილამაზე და ფუფუნება.
მათ საზოგადოების ყურადღება და ქება სწყურიათ. თუკი საქმე სახელსა და დიდებას ეხება, ისინი სინათლეს ფარვანასავით ეტანებიან. მათთვის ცხოვრება ერთი დიდი პოდიუმია, სადაც თავაწეულები დადიან.
მამაკაცი ლომი
დაუმორჩილებელნი - აი, მათი შინაგანი ბუნება. მათი „დამორჩილება“ შეიძლება, მაგრამ საკითხს ფრთხილად და აუჩქარებლად უნდა მიუდგეთ. უნდა შეძლოთ „საკუთარ სურვილსა“ და „ლომის სურვილს“ შორის ბალანსირება. მხოლოდ ამ შემთხვევაში გექნებათ ლომთან კარგი ურთიერთობა.
ქალი ლომი
ის მამაკაცებში ძალიან პოპულარულია, თაყვანისმცემლები უკან ჯოგებად მიჰყვებათ. მაგრამ მისთვის მთავარი მაინც „სტატუსი“, რომანტიკა და „გვარიშვილობაა“. მას ძლიერი და ჯანმრთელი შვილები სურს, ამიტომაც მათთვის მამის შერჩევას დიდი პასუხისმგებლობით უდგება. ქალ ლომს თავის შეცდომებზე არ უნდა მიუთითოთ. მას დიდხანს ახსოვს ყოველი სიტყვა, რომელიც მის ღირსებას შეეხო.
ლომები მუშაობისას
ლომი, როგორც წესი, ხელმძღვანელ თანამდებობაზეა. მასთან კარგი ურთიერთობის შესანარჩუნებლად უნდა აღიაროთ, რომ ის ყველაზე ნიჭიერი, კრეატიული, ბრძენი და მსოფლიოში საუკეთესო უფროსია. მან არ იცის, რა არის უარი. ამიტომ შეეცადეთ, ის სხვა პროექტებით მაქსიმალურად დააინტერესოთ. ამ შემთხვევაში ლომი თავის დავალებას დაივიწყებს და თქვენ ცხოვრება უფრო გაგიიოლდებათ.
ლომები სიყვარულში
მამაკაც ლომებს უყვართ, როცა აღფრთოვანებას იწვევენ. ის იმ ქალის გვერდით დარჩება, რომელიც ფაფარს სწორად დაუვარცხნის. ლომი თავისი არჩევანის ბატონ-პატრონია. მან უკეთ იცის, სად და როგორ გაატაროს თავისუფალი დრო. მათში ეჭვიანობის გაღვიძება დიდი სისულელეა. ისედაც ყველაფერი იციან და ზედმეტად რამეს შეხსენება საჭირო არაა. მან იცის, რომ ქალღმერთთან ცხოვრობს და ამიტომ მოგიწევთ, ყოველთვის ამ სტატუსის შესაფერისი იყოთ. ისინი საუკეთესო მამები არიან, რომლებიც შვილებით ამაყობენ.
ქალი ლომი ქალღმერთია და შესაფერის მოპყრობასაც მოითხოვს. მხოლოდ ყოველდღიური ყურადღება და ძვირფასი საჩუქრები თუ მოალბობს მათ გულს. თუკი მან შეიყვარა, ეს სამარადისოა. ლომი ქალები საუკეთესო დედები არიან, მას ძალიან უყვარს თავისი პატარები და მათზე ეკონომიას არასდროს გააკეთებს.
ლომების ეროგენული ზონები
ლომებს ძალიან მოსწონთ ზურგის მსუბუქი მასაჟი. ზურგზე მდოვრე და ნაზი შეხება მათ განწყობას ამაღლებს. ასე რომ, არ გაუშვათ შანსი და ერთი მსუბუქი შეხებით „მოათვინიერეთ“ ცხოველთა მეფე.
ლომები მეგობრობაში
ლომი ყოველთვის ცდილობს, პირველი იყოს, ამიტომაც მისგან თანასწორუფლებიან ურთიერთობას ნუ ითხოვთ. თუკი მზად ხართ მისი მუდმივად ქებისთვის, მაშინ ლომი თქვენი საუკეთესო მეგობარი იქნება და როცა ის მადლობის გადახდას შეეცდება, ნამდვილად კმაყოფილი დარჩებით. არ მიუთითოთ მათ შეცდომებზე და რაც მთავარია, არ შეხვიდეთ მასთან კონფლიქტში. ლომები ძალიან ამაყები არიან და ეს ფაქტი, უბრალოდ, უნდა მიიღოთ და დატკბეთ მათი დიდსულოვნებით.
