ტყუპები
ტყუპებისგან კლასიკური ჟურნალისტები გამოდიან. ისინი ხომ ინტელექტუალები არიან, უყვართ ურთიერთობა, კონტაქტი და ახალი ნაცნობების გაჩენა. მიმდინარე მოვლენები მათ ნამდვილად აინტერესებთ.
ზოდიაქოს ამ ნიშანს ჟურნალისტური საქმიანობის ყველა სფერო მოუხდება, განსაკუთრებით კი რომელიმე გამოცემის კორესპონდენტობა, მოვლენის ადგილიდან რეპორტაჟის მომზადება და სამეცნიერო-პოპულარულ პროგრამებში მონაწილეობა.
მშვილდოსანი
ჟურნალისტის საქმიანობაში მშვილდოსანს მისი საზოგადოებრივი მნიშვნელობა იტაცებს. „ყველა ჩუმადაა, ჩვენ კი არ გავჩუმდებით, მთელ ქვეყანას ვეტყვით სიმართლეს“ - ასეთია მისი პრინციპი.
მშვილდოსანს განსაკუთრებით მოუხდება საზღვარგარეთ კორესპონდენტად მუშაობა, თრეველ-ჟურნალისტიკა, ხელოვნებისა და რელიგიის სფეროში მოვლენების გაშუქება, სპორტული ჟურნალისტიკა.
ლომი
ლომს უყვარს საკუთარი თავის წარმოჩენა და კამერაზე მუშაობა. ის თავის მოწოდებას ტელე ანდა რადიო წამყვანის სამუშაოში იპოვის. სწორედ იქ წარმოჩინდება მისი მომხიბვლელობა და ტალანტები.
ლომს განსაკუთრებით ცნობილებთან მუშაობა მოეწონება. მთავარია, შემდგომ ტრაბახი შეძლოს და ვარსკვლავური ნაცნობობის დამადასტურებელი ფოტოები გამოფინოს.
მორიელი
მორიელთან ახლოს დეტექტივის ცნობიერებაა. მას კარგი ანალიზისა და შინაგანი ბუნების დანახვის უნარი აქვს, გარეგნობით ვერ მოატყუებენ. სწორედ ამიტომ მასზე „ჟურნალისტური გამოძიება“ ზედგამოჭრილია.
მორიელს არ ეშინია სიმართლის თქმის. ამ ნიშნის ზოგიერთ წარმომადგენელს ცხელ წერტილებშიც შეუძლია გამგზავრება. ზოგსაც პოლიტიკური ინტრიგების გამომზეურება გამოსდის კარგად. მესამენი კი საერთოდ ინტიმური ცხოვრების საიდუმლოებებს სწვდებიან.
ვერძი
ვერძი თავისი სიჯიუტით არის ცნობილი. თუკი მას იდეა გაუჩნდა, აუცილებლად შეეცდება მის შესრულებას. ამგვარი თვისებები იმ ჟურნალისტებში ფასობს, რომლებიც მოვლენათა ეპიცენტრში მოქმედებენ. ვერძებისგან კარგი სპორტული ჟურნალისტები გამოდიან. თუმცა ერთია, ვერძებს მცურავი გრაფიკით მუშაობა უფრო კარგად გამოსდით. გრაფიკი „10-დან 6-მდე“ მათთვის არაა.