ქალი-თხის რქა
ქალი-თხის რქა დაბადებით კარიერისტია. მათთვის, როგორც წესი, სიყვარული და რომანტიკა დიდი ფასეულობა არ არის. სწორედ ამიტომ მათთვის პარტნიორის მოძებნა ანდა მასთან განშორება დიდ სიძნელეს არ წარმოადგენს. ზოდიაქოს ამ ნიშანთან დიდხანს გაძლება მამაკაცებს საკმაოდ უჭირთ. ზოგიერთი თხის რქა საკმაოდ პედანტი, ძალაუფლების მოყვარე და ეგოისტია. მათთან განშორების ინიციატორი ხშირად მამაკაცია. თხის რქასთან განშორება მამაკაცებში ზედმეტ გულისტკივილს არ იწვევს, პირიქით, შვების მომტანია.
ქალი-ტყუპები
ზოდიაქალური წრის 12 წარმომადგენლიდან ტყუპებს თავისუფლების დაკარგვის ყველაზე მეტად ეშინიათ. რაღა თქმა უნდა, მათ მარტოობა სულაც არ იტაცებთ, მაგრამ არც სერიოზულ ურთიერთობებს ესწრაფვიან. ისინი ხალისიანები, ჭკვიანები და მრავალმხრივ განვითარებულები არიან, რაც მამაკაცებში საკმაო ინტერესს იწვევს.
მაგრამ დროთა განმავლობაში კაცები ამჩნევენ, რომ მათი რჩეული სულ უფრო ხშირად აგვიანებს სამსახურიდან მოსვლას, ნებისმიერ მიზეზს იგონებს, რათა შეხვედრა გადადოს, ანდა სულაც არ მოდის ღამის გასათევად. ზოდიაქოს ამ ნიშნის მიმართ სიყვარული ძალიან სწრაფად ქრება, სამაგიეროდ ამდაგვარ ქალთან კვლავ შეხვედრის შიში კი დიდი ხანს არ გადის.
ქალი-ლომი
ქალი-ლომები ეგოისტები არიან და მამაკაცს უფლებას არ აძლევენ ურთიერთობისას მთავარი როლი შეასრულონ. ისინი პარტნიორის ნების ჩაკვლას ხშირად ახერხებენ. გაცნობის პირველივე წუთებიდან მამაკაცი ლომის სილამაზის, სექსუალურობისა და უნიკალური თვისებების გამო მეტყველებას კარგავს. მაგრამ ეს გრძნობა მალე გადის. ქალი-ლომები ყველაფერს აკეთებენ, რათა შეყვარებულს ის გააკეთებინონ, რაც მათ სურთ. ყოველი ლომი ხომ დედოფალია, ხოლო თქვენ მხოლოდ მისი ქვეშევრდომი. ბევრი მამაკაცი ვერ ახერხებს ლომის გულიდან ამოგდებას, მაგრამ, როცა ქალი-ლომი მეტისმეტად ამლაშებს, ურთიერთობა მაშინვე წყდება.