ახალგაზრდა ექსპერიმენტალისტი მოქანდაკის ერეკლე წულაძის წარმატების ისტორია

წარმატების ისტორიები

12 მაისი 22:00, 2017 წელი

„მამაჩემის, მოქანდაკე გიორგი წულაძის დიდი თხოვნა იყო, ქანდაკების მიმართულებით წავსულიყავი და ასეც მოხდა. სკოლის დამთავრების შემდეგ, იაკობ ნიკოლაძის სახელობის კოლეჯში, გრაფიკის მიმართულებით ვსწავლობდი. შემდეგ კი სამხატვრო აკადემიაში ჩავაბარე“, - ახალგაზრდა მოქანდაკე, ერეკლე წულაძე Funtime-ს საკუთარი წარმატების შესახებ უყვება.

ერეკლე წულაძე: ხატვა ყოველთვის მიყვარდა, თუმცა სერიოზულად არ აღვიქვამდი. სამხატვრო აკადემიაში ფეხი შევდგი თუ არა, ჩემთვის ძალიან საინტერესო პერიოდი დაიწყო. აკადემიის დასრულების შემდეგ, უცხო ენათა ფაკულტეტიც დავამთავრე.


- პროფესიული საქმიანობა როდის დაიწყეთ?
- სწავლის დასრულების შემდეგ ცოტა ხნით ბალტიისპირეთში წასვლა მომიწია. როცა დავბრუნდი, სანათების დიზაინ-სტუდია გავაკეთე, რაც საკმაოდ წარმატებული ბიზნესი აღმოჩნდა. ტექნოლოგიების განვითარების შემდეგ კი ამ საქმიანობაში სიახლეები შევიტანე. 2011 წელს გადავწყვიტე, მეკეთებინა ის, რაც ჩემთან ყველაზე ახლოს იყო - სკულპტურა. ყველაფერს ფორმებით აღვიქვამდი და მივხვდი, რომ სხვაგვარად აღარ შეიძლებოდა.


- პირველი ნამუშევარი რა იყო?
- პირველი ნამუშევრის შექმნა არ მახსოვს. როგორც ბებიაჩემი ამბობს, 3 წლის ასაკში პლასტელინით თეთრი დათვები გამომიძერწავს. მეხსიერებაში რაც ჩამრჩა, ეს 5 წლის ასაკში გამოძერწილი ლომია, რომელსაც თავზე გვირგვინი მოვარგე. როცა ჩემს პროფესიას სერიოზულად მოვეკიდე, პირველი სკულპტურაც მაშინ შევქმენი. ეს იყო „წყლის სამყარო“, სადაც გოგოსა და ბიჭის წყალქვეშა ცურვა და ზღაპრული გარემოა გადმოცემული. ნამუშევარი საკურსოზე წარვადგინე და ყველაზე მაღალი შეფასებაც მივიღე.
2012 წელს „მე, შენ და ბათუმი“ სკულპტურა რომ შევქმენი, ამას კიდევ რამდენიმე ნამუშევარი და პერსონალური გამოფენაც მოჰყვა. ბათუმში, „საოცრებათა სკვერში“ განთავსებულ ქანდაკებას, სადაც ფოტოებს სიამოვნებით იღებენ, ნელ-ნელა „ჭამენ“, ნაწილებს აძრობენ. განახლებაც არ ხდება. სამწუხაროდ, ჩვენს ქვეყანაში, ალბათ, არ სცალიათ იმისთვის, რომ ღირსშესანიშნაობებს მოუარონ. ჩასულიც ვიყავი ბათუმში, მაგრამ სკვერში ვიდეოკამერაც ვერ დავაყენებინე, რომ გაიგონ, ვინ აფუჭებს.


- რა ან ვინ არის თქვენთვის ყველაზე დიდი მუზა?
- შეიძლება ვიღაც გამოვძერწო, ოღონდ ამას განსაკუთრებული მიზეზი არ ჰქონდეს. მიყვარდა გოგო, რომელიც გამოვძერწე. ზღვასთან განსაკუთრებული დამოკიდებულება მაქვს. სანაპიროზე საათობით შემიძლია ვიარო და ვიფიქრო მომავალ ქმნილებაზე. მუზებს ნებისმიერ დროს ველოდები. შეიძლება გამეღვიძოს და... ამას წინათ მეგობართან ერთად ვსადილობდი. გარეთ რომ გამოვედი, უკვე ვიცოდი, რა იქნებოდა ჩემი შემდეგი ნამუშევარი. გალერეაში მივედი და მონახაზი გავაკეთე, რომელიც უკვე შევქმენი. ეს არის თვალის გუგა. სკულპტურა ახელს თვალს და იქ სამყაროს ერთი დღე გხვდება.


- სად იქმნება თქვენი ნამუშევრები?
- სტუდიაში, სადაც ძალიან ნიჭიერი ხალხია დასაქმებული. ისინი ქანდაკების ჩამოსხმაში, ყალიბების გაკეთებასა თუ სხვადასხვა საქმეში მეხმარებიან. დედანს ყოველთვის მე ვქმნი. სამუშაო პროცესში საკუთარ თავთან მთელი რიგი დიალოგები მაქვს. რაც შეეხება მასალას, რომლითაც ქანდაკებებს ვქმნი, ამ მხრივ, ბოლო 10 წელია სრული რევოლუცია მოხდა. რამდენიმე ქვეყანაში ისეთი მასალები შეიქმნა, ყველანაირ საშუალებას გაძლევს იმისა, რომ ნამუშევარი აამოძრავო კიდეც. ბროლს შანხაის ერთ-ერთი ქარხნიდან მიგზავნიან. ივნისში დიდი პრეზენტაციისთვის ვემზადები, სადაც ინოვაციური მასალებისგან შექმნილ სკულპტურებს წარმოვადგენ.


- სად შეუძლია საზოგადოებას თქვენი ნამუშევრების ნახვა?
- „მერიოტში“, „ბილტმორსა“ და „რედისონში“ პატარა გალერეები მაქვს. გარდა ამისა, ბაქოს სასტუმროებშიც არის ჩემი ნამუშევრები. სკულპტურები მაქვს გამზადებული, რომელთაგანაც ერთი ბაქოში, ერთ-ერთ სკვერში განთავსდება, მეორე ალიევის ცენტრს გადაეცემა, მესამე კი მინდა, ჩემს თბილისში დაიდგას, მაგრამ არ ვიცი... ჩვენი ქვეყანა ისეთ დღეშია, შეიძლება საჩუქარზეც უარი მითხრან. ბიძაჩემის, ირაკლი წულაძისა და მამაჩემის, გიორგი წულაძის ნამუშევრები დედაქალაქში დგას, ჩემი კი ჯერ მხოლოდ ბათუმშია.


- ალბათ, ეს ის საქმეა, რომლის გარეშეც ცხოვრება ვერ წარმოგიდგენიათ...


- ვერ დაგეთანხმებით. ჩემი საქმე მიყვარს და მის გარეშე ვერ წარმომიდგენიაო, ასეთი ფრაზები მაღიზიანებს კიდეც. შეიძლება 30 წლის შემდეგ რეჟისორი გავხდე ან თევზაობა დავიწყო. ჩემი საქმის მიმართ ფანატიკური დამოკიდებულება კი არ მაქვს, უბრალოდ, სიამოვნებას მანიჭებს. ჩემთვის მოქანდაკეობა იქამდე იქნება საინტერესო, სადამდეც ჩემს საქმეში ექსპერიმენტალისტი ვიქნები.


 

ფოტოგრაფი: ალექსანდრე სხულუხია
საკნატუნო ამბები

1980-90-იანი წლები - ქალის სხეული სილიკონის გარეშეც ულამაზესია

ეს იყო პერიოდი, როცა ვარსკვლავები ასე მასობრივად არ იყვნენ გატაცებულნი პლასტიკური ქირურგიით. ნახეთ, როგორ გამოიყურებოდნენ...
საკნატუნო ამბები

პროდუქტები, რომლებიც შაკიკს დაგავიწყებთ

თავის ტკივილებში შაკიკი პირველ ადგილზეა და ის პლანეტის ყოველ მეხუთე ადამიანს აწუხებს. სამწუხაროდ, საბოლოოდ ჯერ კიდევ არ არის დადგენილი მისი წარმოქმნის მიზეზები.
საკნატუნო ამბები

(+18) პორნოგრაფიის ელემენტები, პროვოკაციული სიუჟეტი და შიშველი სხეული

ჯონათან ლედერი დარწმუნებულია, რომ ფოტო პროვოკაციული უნდა იყოს, წინააღმდეგ შემთხვევაში ის მოსაწყენი იქნება.
დღის ჰოროსკოპი

16 თებერვლის ასტროლოგიური პროგნოზი

რას გვირჩევენ ვარსკვლავები 16 თებერვლისთვის ჯანმრთელობის, ბიზნესისა და სიყვარულის მიმართულებით?
კინო

10 მსახიობი, რომლებიც პირდაპირ გადაღებებზე შეცვალეს

ფილმის წარმატება თუ ჩავარდნა ბევრწილად მსახიობის სწორად შერჩევაზეა დამოკიდებული, ქასტინგის შეცდომა კი ზოგჯერ პირდაპირ გადაღებებზე იჩენს ხოლმე თავს...
ამბები

„როცა ახალი ხარ, ამ კომპანიაში ყველა გვერდით გიდგას, რომ საქმე საუკეთესოდ გამოგივიდეს“

ანა კუპატაძე დღეს სადაზღვევო კომპანია „ჯიპიაი ჰოლდინგის“ საცალო გაყიდვების სპეციალისტია. ამ სფეროში  2017 წელს, დასაქმების ფორუმის მეშვეობით მოხვდა. თუ რას საქმიანობდა მანამდე და რა გზა გაიარა კომპანიაში, ამას თავად მოგვიყვება.
დღის ჰოროსკოპი

15 თებერვლის ასტროლოგიური პროგნოზი

რას გვირჩევენ ვარსკვლავები 15 თებერვლისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

როგორ ატარებენ ბავშვები თავისუფალ დროს

გაიცანით: ალექსანდრე კონცელიძე, ნიკუშა ჩხეტიანი, დავით პეტრიაშვილი, ლევან კოხოძე, ლუკა დათებაშვილი, ლაშა აბდუშელიშვილი და ნინუცა დათებაშვილი.
კულინარია

ყველის წვნიანი ბარდით

თუ ტრადიციული წვნიანები მოგბეზრდათ, დააგემოვნეთ ეს სიახლე - ყველის სუპი ბარდითა და ლაფშათი მთელ ოჯახს დაანაყრებს და არც ძვირი დაგიჯდებათ.
საკნატუნო ამბები

გამოიცნობთ, რომელი სექსპოზაა ყველაზე პოპულარული?

ყველა ქვეყანას თავისი ტრადიცია აქვს, მაგრამ საინტერესოა, მოქმედებს თუ არა ეს წესი საწოლში?   
დღის ჰოროსკოპი

14 თებერვლის ასტროლოგიური პროგნოზი

რას გვირჩევენ ვარსკვლავები 14 თებერვლისთვის ჯანმრთელობის, ბიზნესისა და სიყვარულის მიმართულებით?
კინო

5 ფილმი ძლიერ ქალებსა და მათ წარმატებულ ქმრებზე

გავრცელებული გამოთქმის - „ყველა წარმატებული კაცის უკან ძლიერი ქალი დგას“ - დასტურს არამხოლოდ კინოში, ცხოვრებაშიც ხშირად შეხვდებით...