ავთო ჩიტიძე: „ყოველთვის მაინტერესებს, რა გამოვა და გამოვიდა კიდეც“

წარმატების ისტორიები

19 მაისი 22:00, 2017 წელი

„თავიდან ყველაფერი გართობის დონეზე დაიწყო და არასდროს მიფიქრია, თუ ჟურნალისტიკაში ამდენხანს დავრჩებოდი და ასეთ წარმატებას მივაღწევდი. ყველაფერი სტუდენტური გართობა მეგონა“, - ჟურნალ „სარკის“ რედაქტორის მოადგილე, ავთო ჩიტიძე Funtime-ს საკუთარი წარმატების ისტორიაზე უყვება.

ავთო ჩიტიძე: სკოლის დამთავრებისას ყველაზე ნაკლებად ვფიქრობდი, რომ მომავალს ჟურნალისტიკას დავუკავშირებდი. ნავთობის გეოლოგიაზე ჩავაბარე. პირველი კურსის სტუდენტი ვიყავი, როცა ჟურნალ „მაკრო-მიკრო ეკონომიკაში“ მოვხვდი, სადაც თავიდან სარეკლამო კუთხით დავინტერესდი, შემდეგ კი პირველი სტატია კინოს ეკონომიკურ მდგომარეობაზე დავწერე, რომელიც ძალიან მომიწონეს.


- როდის მიხვდით, რომ ჟურნალისტიკა ნამდვილად თქვენი სფერო იყო?
- მეორე კურსის დასასრულს ჩემს ცხოვრებაში, სრულიად შემთხვევით, გამოჩნდა ჟურნალი „სარკე“. უნივერსიტეტიდან სახლში ვბრუნდებოდი. თბილისში ტრანსპორტი გაჩერებული იყო და დროის გასაყვანად „სარკე“ შევიძინე, სადაც წავიკითხე განცხადება, რომ უცხოური შოუბიზნესის სტატიებისთვის ჟურნალისტი სჭირდებოდათ. თავიდან უცხოურ სტატიებს ვთარგმნიდი, შემდეგ კი საკუთარ თავს ვუთხარი, თუკი უცხოელი ვარსკვლავების ინტერვიუების თარგმნა შეგიძლია, რატომ არ შეიძლება, ქართველ ცნობილ სახეებთან ინტერვიუები ჩაწერო-მეთქი. ახალ ამოცანას რომ დავისახავ მიზნად, მასში დიდ ძალასა და ენერგიას ვდებ, ყოველთვის მაინტერესებს, რა გამოვა და გამოვიდა კიდეც. ასეთი შემთხვევითობის წყალობით გავხდი ჟურნალისტი.


- რით არის ჟურნალისტიკა თქვენთვის საინტერესო?
- ამ სფეროში ყველაზე საინტერესო ურთიერთობები და ახალ ადამიანებთან შეხვედრებია. უამრავი ადამიანი გავიცანი. ამ საქმესთან ერთად გავიზარდე. პატარ-პატარა ამოცანებს ვისახავდი მიზნად და როცა დასახულ მიზანს ვაღწევდი, კმაყოფილი ვრჩებოდი. „სარკეს“ წელს 20 წელი შეუსრულდება. მე კი 18 წელია, მის სამსახურში ვარ.


- რედაქტორის მოადგილის სტატუსამდე რა გზა გაიარეთ?
- აქტიური ჟურნალისტობის პერიოდი - 12 წელი, რომელიც საკმაოდ ნაყოფიერი აღმოჩნდა. გამოცდილება რომ დამიგროვდა, „სარკის“ ხელმძღვანელობამ ჟურნალის მართვისა და დაგეგმვის პროცესიც შემითავსა. ეს დიდი პასუხისმგებლობაა. ამბის გავრცელების თვალსაზრისით ინტერნეტგამოცემებმა და სოციალურმა ქსელმა ბევრი რამ შეცვალა, თუმცა, ასეთი ვითარების მიუხედავად, ყოველკვირეულ გამოცემებში „სარკეს“ პირველობა არავისთვის დაუთმია და მეამაყება, რომ ამ ჟურნალში ვმუშაობ.


- პრესას რა რჩება მთავარ კოზირად?
- ეს არის ანალიტიკა, გულახდილი საუბრები... ახალ ამბებს სოციალურ ქსელსა და ინტერნეტში ვიგებთ, მაგრამ ანალიზს, შინაარსიან საუბრებსა და უფრო ღრმა ინფორმაციას საზოგადოებას ჟურნალები აწვდია. ამიტომ, ეს საქმიანობა უინტერესო ჩემთვის არც ერთ ეტაპზე არ არის. არასდროს მბეზრდება, რადგან ჟურნალის არც ერთი ნომერი არ ჰგავს ერთმანეთს.


- ტელევიზიაში ფეხის მოკიდება არასდროს გიცდიათ?
- ჩემს კარიერაში იყო ორწლიანი პერიოდი, როცა სატელევიზიო ცხოვრებაში აქტიურად ვიყავი ჩართული. 2007-08 წლებში ტელეკომპანია „რუსთავი 2“-ზე „ნანიკოს შოუს“ პროდიუსერი გახლდით. საკმაოდ განსხვავებული ტოქშოუ იყო, რომელიც დაიხურა და მეც წამოვედი. ამ ორმა წელმა ბევრი რამ მომცა, აბსოლუტურად სხვა სამყაროში შევიხედე.


- სხვა რა საქმით ხართ დაკავებული?
- ჟურნალის პარალელურად „ქართული ბრენდის დღის“ ყოველწლიური დაჯილდოების ცერემონიის ერთ-ერთი ორგანიზატორი ვარ. უკვე 10 წელზე მეტია, რაც ჟურნალი „სარკე“ „ლიდერი ქართული ბრენდის“ ნომინაციაში პირველია.

ფოტოგრაფი: ალექსანდრე სხულუხია
საკნატუნო ამბები

ხუთი მიზეზი, რატომ არის კარგი სექსი დილით

დილაობით სექსი არაა მარტივი საქმე: ხან გამოფხიზლება გვიჭირს, ხან სამსახურში გვაგვიანდება, შესაძლოა, ბავშვებიც გვყავს მოსამზადებელი... მაგრამ სექსოლოგები ჯიუტად ცდილობენ აგვიხსნან, რატომ არის დილის სექსი შესანიშნავი.    
დღის ჰოროსკოპი

23 აპრილის ასტროლოგიური პროგნოზი

რას გვირჩევენ ვარსკვლავები 23 აპრილისთვის ჯანმრთელობის, ბიზნესისა და სიყვარულის მიმართულებით?
ამბები

ალიკო ცინცაძის წიგნის „ქართული კაბალას“ პრეზენტაცია ეროვნულ ბიბლიოთეკაში გაიმართება

პარლამენტის ეროვნული ბიბლიოთეკის საკონფერენციო დარბაზში (მე-3 კორპუსი), 24 აპრილს, 14:00 საათზე, ასტრო-ენათმეცნიერის, პროფესორ ალიკო ცინცაძის ახალი წიგნის „ქართული კაბალას“ პრეზენტაცია-ლექცია ჩატარდება.
საკნატუნო ამბები

10 მეტამორფოზა, რომლებიც თქვენს ასაკს საპასპორტო მონაცემებზე მეტად გასცემს

დაბერების შიში ერთ-ერთი ყველაზე გავრცელებული ფობიაა. საქმე ისაა, რომ ადამიანის სხეული მუდმივად იცვლება და წლების მატებასთან ერთად, ახლებურად გამოიყურება. ამიტომაც აუცილებელია ვიცოდეთ, რომელი ასაკობრივი ცვლილება მიიჩნევა ნორმად და რომელი - არა.
საკნატუნო ამბები

10 წვრილმანი, რაც კაცს აღაგზნებს

ეს წვრილმანები ერთი შეხედვით უცნაურებია, მაგრამ საკმაო ძალა აქვთ იმისთვის, რომ კაცის პულსის სიხშირე წუთში 70-დან 150-მდე აწიონ...  
დღის ჰოროსკოპი

22 აპრილის ასტროლოგიური პროგნოზი

რას გვირჩევენ ვარსკვლავები 22 აპრილისთვის ჯანმრთელობის, ბიზნესის და სიყვარულის მიმართულებით?
საკნატუნო ამბები

უნიკალური ფოტოარქივი, რომელიც წარსულს სულ სხვა თვალით დაგანახვებთ

ეს ფოტოები გასულ საუკუნეში გამოგზაურებთ და საოცარ ამბებს აღმოგაჩენინებთ...
დღის ჰოროსკოპი

21 აპრილის ასტროლოგიური პროგნოზი

რას გვირჩევენ ვარსკვლავები 21 აპრილისთვის ჯანმრთელობის, ბიზნესისა და სიყვარულის მიმართულებით?
თემატური ჰოროსკოპი

რომელია საუკეთესო ასაკი ქორწინებისთვის ზოდიაქოს ნიშნების მიხედვით

ყველა ადამიანი ეძებს პარტნიორს, რომელთანაც მთელ ცხოვრებას გაატარებს. ზოგიერთი კი ამას ძალიან ადრეული ასაკიდან იწყებს...
საკნატუნო ამბები

ფრთხილად! საოცრად ამაღელვებელი შიშველი სხეული (11 ფოტო)

სანკტ-პეტერბურგელი ფოტოგრაფის მიხაილ კოვალენკოს ნამუშევრები განსაკუთრებით მამრობითი სქესის მკითხველებს დააინტერესებთ! 
დღის ჰოროსკოპი

20 აპრილის ასტროლოგიური პროგნოზი

რას გვირჩევენ ვარსკვლავები 20 აპრილს ჯანმრთელობის, ბიზნესისა და სიყვარულის მიმართულებით?
კინო

6 ფილმი სიყვარულის მაგიაზე

რამდენიმე ისტორია იმის შესახებ, როგორ აქცევს სიყვარული ცხოვრებას ზღაპრად...