ოპრა - მილიარდერი რთულად აღსაზრდელი ბავშვების თავშესაფრიდან!

წარმატების ისტორიები

4 იანვარი 20:00, 2018 წელი

„მადლობელი ვარ იმისთვის, რაც მაქვს, მაგრამ ფულმა არ შემცვალა. ისევ მიწაზე ვდგავარ, უბრალოდ, ახლა ფეხზე ძვირფასი ფეხსაცმელი მაცვია“, - ეს სიტყვები პირველ ფერადკანიან მილიარდერ ქალს ოპრა უინფრის ეკუთვნის. მისი სახელი დღეს მთელმა მსოფლიომ იცის, თუმცა ძალიან ცოტას სმენია, წარმატებამდე როგორი გზა გაიარა ღარიბი აფროამერიკელის ოჯახში დაბადებულმა გოგონამ.

ოპრა გეილ უინფრი (Oprah Gail Winfrey) - ამერიკელი ტელეწამყვანი, მსახიობი, პროდიუსერი და საზოგადო მოღვაწე ჟურნალმა „ფორბსმა“ 2007 წელს მსოფლიოს ყველაზე გავლენიან ქალბატონად დაასახელა, 2009 წელს შოუბიზნესის ყველაზე გავლენიანი წარმომადგენლის ტიტული ერგო, ხოლო 2010 და 2013 წლებში ყველაზე გავლენიანი ცნობილი ადამიანი გახდა.

2013 წელს ოპრას ქონება 2,8 მლრდ დოლარად შეფასდა. ის წარმატებული მედიამაგნატი, საკუთარი კინოსტუდიის, ტელევიზიის, რადიოსა და ჟურნალი „O, The Oprah Magazine“-ის მფლობელია.


ამ გზის დასაწყისი კი ნაკლებად ოპტიმისტური გახლდათ... 
ოპრა უინფრი 1954 წლის 29 იანვარს მისისიპის შტატის ქალაქ კოსციასკოში დაიბადა.
გოგონას მშობლები ბაპტისტები იყვნენ. დედა მოახლედ მუშაობდა, მამა კი ჯერ მაღაროელი იყო, შემდეგ კი სტილისტი გახდა. ოპრას დაბადებისას მამამისი ჯარში მსახურობდა, ამიტომ გოგონას დედა, ახალშობილთან ერთად, საცხოვრებლად დედასთან გადავიდა.
პირველი ექვს წელი ოპრას აღზრდაზე მთლიანად ბებია ზრუნავდა. ისინი მდინარე მისისიპისთან ახლოს, პატარა სოფელში ცხოვრობდნენ. ბებიას წყალობით, სამი წლის გოგონამ უკვე კითხვა იცოდა. მას შემდეგ, რაც ლაპარაკი ისწავლა, ოპრა ყოველთვის „სცენაზე“ იყო: ხან თოჯინებისგან იღებდა ინტერვიუს, ხან ღობეზე შემომჯდარი ყვავებს ესაუბრებოდა.

ადრეული ასაკიდან ბებიას ოპრა ადგილობრივ ეკლესიაში დაჰყავდა, სადაც მალე მოძღვარი შეარქვეს, რადგან ბიბლიის მთელი თავები ზეპირად იცოდა.
6 წლის ასაკში ოპრა, დედასთან ერთად, საცხოვრებლად ვისკონსინის შტატში გადავიდა, სადაც განსხვავებული წესები და ატმოსფერო დახვდა. რთული საყოფაცხოვრებო პირობების გარდა, გოგონა გამუდმებით განიცდიდა სექსუალურ შევიწროებას დეიდაშვილის, ბიძისა და მათი ოჯახის მეგობრის მხრიდან. 9 წლის იყო, როცა პირველად გააუპატიურეს...

ყველაფრის მიუხედავად, ოპრა ძალიან ბევრს კითხულობდა და 13 წლისა მილუოკის სკოლაში შევიდა. სიღარიბის, დამცირებისა და შეურაცხყოფის მიუხედავად, გოგონა საჯარო გამოსვლებს აგრძელებდა და პოეტურ კონკურსებსა და ეკლესიის შეკრებებში მონაწილეობდა, სადაც პატარა ორატორი შეარქვეს.

სახლში კი ოპრას დამცირება და შეურაცხყოფა გრძელდებოდა. ერთხელ, როცა გაუსაძლისი მდგომარეობა შეიქმნა, გოგონა სახლიდან გაიქცა. რაღაც დროის შემდეგ, ადგილობრივმა მღვდელმა ის ოჯახში დააბრუნა, მაგრამ განრისხებულმა დედამ მის მიღებაზე უარი თქვა.
ასე აღმოჩნდა 14 წლის გოგონა რთულად აღსაზრდელი ბავშვების თავშესაფარში. ყველაფერთან ერთად, ის ფეხმძიმედ იყო, თუმცა ოპრა უინფრის ერთადერთი შვილი დაბადებისთანავე დაიღუპა...
 
ცივი და ბინძური თავშესაფრიდან გოგონა მამამ წამოიყვანა. 14 წლიდან ის მამის ოჯახში ცხოვრობდა.
„მამამ ჩემი ცხოვრება მთლიანად შეცვალა. ის გამუდმებით მიმტკიცებდა, რომ იმაზე მეტი ვარ, ვიდრე მგონია და გაცილებით მეტი შემიძლია გავხდე. სწავლისადმი მისმა სიყვარულმა ცხოვრების ნამდვილი გზა დამანახა“.

ოპრას მამა ძალიან მკაცრი, მაგრამ საიმედო ადამიანი იყო და გოგონას განათლება პრიორიტეტად აქცია. გოგონამ ორატორული ხელოვნების კონკურსში გაიმარჯვა, რამაც საშუალება მისცა, ტენისის შტატის შავკანიანი ამერიკელების უნივერსიტეტში ჩაებარებინა.

17 წლიდან მოყოლებული, გოგონა ადგილობრივ მედიასაშუალებებში მუშაობის პარალელურად, უნივერსიტეტში სწავლობდა. ის ნეშვილის ტელევიზიის პირველი ფერადკანიანი რეპორტიორი ქალი გახდა.
1976 წელს ოპრა ბალტიმორის ტელევიზიაში 6-საათიანი საინფორმაციო გამოშვებისა და დილის ტოქშოუს „ბალტიმორის ხმის“ წამყვანი გახდა. მაყურებელმა ახალბედა ჟურნალისტი მალე მიიღო და შეიყვარა. ოპრას პოპულარობა დღითი დღე იზრდებოდა...

1984 წელს, WJZ-TV-ზე გატარებული ექვსი წლის შემდეგ, უინფრი ჩიკაგოს ტელევიზიაში „ჩიკაგოს შუადღის ამბების“ წამყვანად მიიწვიეს. იმ დროისთვის გადაცემა რეიტინგების სიაში უკანასკნელ ადგილზე იყო, რამდენიმე თვეში კი ყველა რეკორდი მოხსნა და რეიტინგების სათავეში მოექცა.
ჩიკაგომ ოპრას წარმატება მოუტანა, ამიტომ განსაკუთრებულად უყვარს და ძალიან ბევრ დროს ატარებს იქ, მიუხედავად იმისა, რომ სახლები და ვილები მთელ მსოფლიოში აქვს.

1985 წელს 31 წლის ოპრა უინფრის ფილმში „მეწამული მინდვრის ყვავილები“ მონაწილეობა შესთავაზეს. სამსახიობო განათლების არმქონე ტელეწამყვანმა ქალის მეორეხარისხოვანი როლის შესრულებისთვის ჯერ „ოსკარი“, შემდეგ კი „ოქროს გლობუსი“ მოიპოვა.

1986 წელს შექმნა საკუთარი პროგრამა „ოპრა უინფრის შოუ“, რომელმაც მხოლოდ პოპულარულ კი არა, ამერიკის ყველაზე მდიდარ და გავლენიან ქალად აქცია.
„ოპრას შოუს“, რომელიც ამერიკის ისტორიის ყველაზე ხანგრძლივ შოუდ აღიარეს, მსოფლიოს 146 ქვეყანაში აჩვენებდნენ. ოპრამ დაარღვია მამაკაცური მონოპოლია და ყველაზე ძვირად ღირებული წამყვანი გახდა ამერიკასა და მთელ მსოფლიოში

2011 წელს საკუთარი ტელეარხი OWN დააფუძნა.
2013 წელს აშშ-ს პრეზიდენტმა ბარაკ ობამამ ოპრა უინფრის თავისუფლების საპრეზიდენტო მედალი გადასცა.
2018 წელს საკუთარი კულინარიული რეცეპტების წიგნის გამოცემას გეგმავს.

დღეს 60 წელს გადაცილებული ტელეწამყვანი ზღაპრულად მდიდარია, თუმცა ამბობენ, რომ მისი მთავარი განძი ადამიანებთან ურთიერთობის, მოსმენისა და თანაგრძნობის ნიჭია.
ოპრა უინფრიმ მილიონობით ადამიანს ასწავლა გულახდილად საუბარი იდუმალ და ხშირად ტაბუდადებულ თემებზე. ბევრი მის ადგილას წყნარ ცხოვრებასა და საკუთარი მილიონებით ტკბობას არჩევდა, მხოლოდ - ოპრა არა. ის ახლა ორ ახალ პროექტზე მუშაობს, საყვარელ მამაკაცთან სტედმან გრეხემთან ცხოვრობს და ორ კოკერსპანიელს უვლის.

წყარო
დღის ჰოროსკოპი

20 აგვისტოს ასტროლოგიური პროგნოზი

რას გვირჩევენ ვარსკვლავები 20 აგვისტოსთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

18 იშვიათი ფოტო 90-იანების არქივიდან, რომლებიც საეჭვოა, ნანახი გქონდეთ

30 წლის განმავლობაში ყველაფერი ძალიან შეიცვალა: მსოფლიოს ინტერნეტი მართავს, მოდა სულ სხვანაირი გახდა და ვარსკვლავებიც სულ სხვანაირად გამოიყურებიან. ეს იშვიათი  ფოტოები თვალნათლივ დაგანახვებთ, როგორი სისწრაფით იცვლება ცხოვრება.
დღის ჰოროსკოპი

19 აგვისტოს ასტროლოგიური პროგნოზი

რას გვირჩევენ ვარსკვლავები 19 აგვისტოსთვის ჯანმრთელობის, ბიზნესისა და სიყვარულის მიმართულებით?
ამბები

„ნაბეღლავი“, „ბახმარო“, „გალფი“ - ბახმაროში ტრადიციული დოღის სამზადისია

ხვალ, ბახმაროში, ფერისცვალების დღესასწაულზე ასულ სტუმრებს ბევრი სიურპრიზი ელით. მზადება უკვე დაწყებულია.
კულინარია

სპაგეტი ფრიკადელებით - გემრიელი და სწრაფად მოსამზადებელი

ამ უგემრიელეს იტალიურ კერძს, სულ რაღაც, ნახევარი საათში მოამზადებთ და თანაც ყველა ინგრედიენტი ადვილად ხელმისაწვდომია.
დღის ჰოროსკოპი

18 აგვისტოს ასტროლოგიური პროგნოზი

რას გვირჩევენ ვარსკვლავები 18 აგვისტოსთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

ბრონქსელი გოგონადან მოდის დედოფლამდე: ჯეი ლოს სილამაზის ევოლუცია

ლათინოამერიკელი მომღერალი, მსახიობი, მოდელიერი და ბიზნესლედი მთელი ცხოვრება ჯიუტად მიიწევდა მიზნისკენ და ახლა მას მთელი მსოფლიო იცნობს. ჯენიფერი 50 წლისაა და როგორც ჩანს, კარგად იცის, როგორ დაატრიალოს საათის ისრები უკუღმა.
საკნატუნო ამბები

დაუცველი სექსი სასარგებლოა? - მეცნიერების ახალი კვლევა

დაუცველი სექსი ორივე პარტნიორის ფსიქიკას იცავს, ხოლო სექსი პრეზერვატივით სტრესსა და დეპრესიას იწვევს, - ამტკიცებენ მეცნიერები. თქვენც დაგაფიქრათ, მეცნიერების ნათქვამმა? ერთად გავერკვეთ, რისი თქმა სურთ ჩვენს კეთილისმსურველებს.
დღის ჰოროსკოპი

17 აგვისტოს ასტროლოგიური პროგნოზი

რას გვირჩევენ ვარსკვლავები 17 აგვისტოს ჯანმრთელობის, ბიზნესისა და სიყვარულის მიმართულებით?
ამბები

Sunset Fest Bakhmaro - 19 აგვისტოს ბახმაროში თანამედროვე მუსიკის ფესტივალი და დიდი მხიარულება გელოდებათ

Sunset Fest  Bakhmaro 2019-ის მზადება აქტიურ ფაზაშია. ზღვის დონიდან 2050 მეტრზე, დაბა ბახმაროში, 19 აგვისტოს ბევრი სიურპრიზი და დიდი მხიარულება გელით.
კინო

გასაოცარი შარლიზ ტერონის 20 ფილმი

შარლიზ ტერონი არა მხოლოდ ლამაზი ქერაა, არამედ ეფექტიანი მსახიობიც, ფართო დრამატული დიაპაზონით. მას ერთნაირად ძლიერად შეუძლია ითამაშოს როგორც „საოსკარე“ დრამაში, ისე ბლოკბასტერსა და კომედიაში.
დღის ჰოროსკოპი

16 აგვისტოს ასტროლოგიური პროგნოზი

რას გვირჩევენ ვარსკვლავები 16 აგვისტოსთვის ჯანმრთელობის, ბიზნესისა და სიყვარულის მიმართულებით?