დღეს რუბრიკაში განსხვავებული თემატიკის საარქივო კადრებს შემოგთავაზებთ, რომლებიც წარსულის მნიშვნელოვან ისტორიულ მოვლენებსა თუ ადამიანების ემოციებს ინახავს.
გერმანიის ფიურერი და რაიხსკანცლერი ადოლფ ჰიტლერი (მარჯვნივ) პირველი მსოფლიო ომის დროს, სამხედრო სამსახურში (1916-1919 წ.)
მეფის ასული ანასტასია მამასთან - რუსეთის უკანასკნელ იმპერატორ ნიკოლოზ II-სთან ერთად
დიდი ბრიტანეთის დედოფალი ელისაბედ II ავტომობილის მართვის დროს. დედოფალთან ერთად მისი შვილები - პრინცი ჩარლზი და პრინცესა ანა. (1957 წ.)
გერმანიის ოლიმპიური ნაკრების წევრი დორა რატხენი. ფოტო იმ დროსაა გადაღებული, როცა ქალი რკინიგზის სადგურზე დააპატიმრეს. პოლიციელებმა ჩათვალეს, რომ ის ქალის კაბაში გადაცმული მამაკაცი იყო. (1938 წ.)
რუსი მუსიკოსი, მსახიობი და პოეტი ვლადიმერ ვისოცკი ბავშვობაში (მარჯვნივ) მეგობართან ერთად
ამერიკელი მოკრივე, პროფესიონალთა შორის მრავალგზის ჩემპიონი, 1960 წლის ოლიმპიური თამაშების ჩემპიონი მუჰამედ ალი თვითმკვლელის შეჩერებას ცდილობს
როტშილდების წვეულებაზე (1972 წ.)
მეორე მსოფლიო ომის დასრულების შემდეგ, ნიუ-იორკის მიმართულებით მოძრავი, ამერიკელი ჯარისკაცებით სავსე გემი (1945 წ.)
ამერიკა. ჩიკაგოს ცეკვის მარათონის უკანასკნელი ოთხი წყვილი (1930 წ.)
დილა იაპონიაში. ადამიანები სამსახურებში მიიჩქარიან (1964 წ.)
სკკპ ცენტრალური კომიტეტის პირველი მდივანი ლეონიდ ბრეჟნევი იუგოსლავიის კომუნისტური პარტიის ლიდერს იოსიპ ბროზ ტიტოს ეხუმრება თემაზე - როგორ უნდა მართო ქვეყანა
რუსეთის უკანასკნელი იმპერატორის ოჯახი (1917 წ.)
შვედეთი. მეორე დღეა, რაც მარცხენამხრივი მოძრაობა მარჯვენამხრივით შეიცვალა
ალ კაპონე თავის ადვოკატთან აბე ტეიტელბაუმთან ერთად. მაიამი (1941 წ.)
ოდრი ჰეპბერნი თავის ნუკრთან ერთად მაღაზიაში (1958 წ.)
რუსი გლეხები მიწას სპილოს დახმარებით ამუშავებენ
„ცხაური სუფთა ჰაერისთვის“ (1937 წ.) - იმისთვის, რომ მრავალსართულიან კორპუსებში მცხოვრებ პატარებს ჰაერისა და მზის სხივების საჭირო დოზა ჰქონოდათ.
„თავისუფლების ქანდაკების“ თავი მზადების პროცესში (1885 წ.)