ესპანეთის მეფის ფილიპ VI-სა და დედოფალ ლეტიციას 11 წლის ქალიშვილი, ესპანელი პრინცესა ლეონორა, მცირე ასაკის მიუხედავად, ხუთი სამეფო ტიტულის მატარებელია. მათგან მთავარი ასტურიის პრინცესას ტიტულია.
დიდი ბრიტანეთის პრინცი, 3 წლის გეორგი. მიუხედავად იმისა, რომ პრინცი გეორგი ბრიტანეთის სამეფო ტახტის მემკვიდრეთა შორის მესამე ადგილზეა (მამის უილიამისა და ბაბუის, პრინცი ჩარლზის შემდეგ), მას ტიტულზე სრული უფლება აქვს და „სამეფო უდიდებულესობად“ იწოდება.
ბელგიის პრინცესა, 15 წლის ელისაბედი. მიუხედავად იმისა, რომ ელისაბედს ორი უმცროსი ძმა ჰყავს, მას შემდეგ, რაც ბელგიაში მემკვიდრეობითობის კანონი შეიცვალა, პრინცესას შანსი აქვს, ბელგიის სამეფო ტახტის პირველი დედოფალი გახდეს.
ნორვეგიის პრინცესა, 13 წლის ინგრიდ ალექსანდრა. კანონმდებლობაში გატარებული რეფორმის წყალობით, პრინცესა ინგრიდ ალექსანდრასაც აქვს შანსი, ნორვეგიის პირველ დედოფლად იქცეს.
მონაკოს პრინცი, 2 წლის ჟაკი. მისი ბრწყინვალება, პრინცი ჟაკ ონორე რენიე მარკიზ დე ბო ქვეყანას თავის ტყუპ დასთან გაბრიელა-ტერეზა-მარიასთან ერთად, 2014 წლის დეკემბერში მოევლინა. მიუხედავად იმისა, რომ ბიჭუნა დაზე რამდენიმე წუთით გვიან გაჩნდა, მონაკოს სამეფო ტახტზე მემკვიდრეობის უფლებით სწორედ ჟაკი ისარგებლებს.
ნიდერლანდების პრინცესა, 13 წლის კატარინა-ამალია ნიდერლანდების მეფის უილიამ-ალექსანდრესა და დედოფალ მაქსიმას სამი ქალიშვილიდან უფროსია და მამის შემდეგ, სახელმწიფოს ოფიციალური მმართველი სწორედ ის გახდება.
დანიის პრინცი, 11 წლის კრისტიანი. როგორც კი კრისტიანს თავზე სამეფო გვირგვინს დაადგამენ, მის სახელს რიგითობის მანიშნებელი რიცხვი XI დაემატება. ტრადიციულად, დანიის სამეფო ოჯახის ყველა ვაჟს კრისტიანი ან ფრედერიკო უნდა ერქვას. სწორედ ამიტომ, მეფის სახელს ყოველთვის რიგითობის მანიშნებელი ემატება.
შვედეთის პრინცესა, 5 წლის ესტელი, დედის კრონპრინცესა ვიქტორიას შემდეგ, შვედეთის სამეფო ტახტის რიგით მეორე მემკვიდრეა (თუ ტახტზე ძმის, პრინცი ოსკარის სასარგებლოდ არ იტყვის უარს). ამის გარდა, ესტელს დიდი ბრიტანეთის მართვის თეორიული შანსი აქვს, რადგან ბრიტანეთის სამეფო ტახტის მემკვიდრეებს შორის მე-300 ადგილზე იმყოფება.
მაროკოს პრინცი, 14 წლის მულაი ჰასანი. მცირე ასაკი მაროკოს პრინცს ხელს არ უშლის, მონაწილეობა მიიღოს მაღალ დონეზე ჩატარებულ ოფიციალურ ღონისძიებებში და მეფობისთვის მოემზადოს.
