„კავკასიელი ტყვე ქალი“ - როგორ წარიმართა მსახიობების ცხოვრება ამ ფილმის შემდეგ?

უცნობი ფოტოები

6 იანვარი 22:00, 2018 წელი

რეჟისორ ლეონიდ გაიდაის ხალისიანმა კომედიამ, რომელიც 1966 წელს არის გადაღებული, საბჭოთა მაყურებელი ეკრანებზე გამოსვლისთანავე მოხიბლა. თანაც ეს იყო უკანასკნელი ფილმი დიდი სამსახიობო ტრიოს - ვიცინის, ნიკულინისა და მორგუნოვის მონაწილეობით...

1. ნატალია ვარლეი



საცირკო და საესტრადო ხელოვნების სასწავლებლის 19 წლის კურსდამთავრებულის, ნატალია ვარლეის ცხოვრების გზა მთლიანად ლეონიდ გაიდაის ფილმმა განსაზღვრა, თუმცა „სპორტსმენმა, კომკავშირელმა და, უბრალოდ, მზეთუნახავმა“ კარიერის მკვეთრად შეცვლა გადაწყვიტა და ნინას შემდეგ, პირველ საბჭოთა საშინელებათა ფილმში ალქაჯი განასახიერა. მოგვიანებით, ვარლეიმ კომედიებშიც ითამაშა და დრამებშიც, მაგრამ ისეთი კაშკაშა და დასამახსოვრებელი როლი, როგორიც „კავკასიელ ტყვე ქალში“ შეასრულა, აღარასოდეს ჰქონია.
ვარლეის ორი ვაჟი ჰყავს. უფროსი - ვასილი მეორე ქმრისგან, მსახიობ ვლადიმერ ტიხონოვისგან შეეძინა. მეორე ვაჟის, ალექსანდრეს მამა კი, მოარული ხმების თანახმად, დაოჯახებული უზბეკი მსახიობი ულმას ალიხოჯაევია. „კავკასიელი ტყვე ქალი“ ამ თემაზე არასოდეს საუბრობს, შვილს კი საკუთარი გვარი მისცა.


2. ალექსანდრე დემიანენკო (1937-1999)



თეატრალური ხელოვნების ინსტიტუტის კურსდამთავრებულმა სამსახიობო კარიერა დრამატული მსახიობის ჟანრში დაიწყო, თუმცა 60-იან წლებში ის ლეონიდ გაიდაის კომედიაში დაბნეული სტუდენტის ვლადიკ არკოვის როლზე დაამტკიცეს. მოგვიანებით, მთავარი როლის შემსრულებელს სახელიც შეუცვალეს და გარეგნობაც - ლეონიდ გაიდაის შურიკა ქერა ყმაწვილად წარმოედგინა, დემიანენკოს კი ძალიან მუქი თმა ჰქონდა. თმის გამუდმებული ღებვისგან მსახიობს კანი უღიზიანდებოდა, ამიტომ მომდევნო ფილმში „ივან ვასილევიჩი პროფესიას იცვლის“ დემიანენკო დაინდეს. 
მსახიობი სკოლის მეგობარზე მარინა სკლიაროვაზე იყო დაქორწინებული, თუმცა, მოგვიანებით, ცოლი მიატოვა და კინოსტუდიის თანამშრომელზე ლუდმილა ნევოლინაზე დაქორწინდა. წყვილს საერთო შვილი არასოდეს ჰყოლია. დემიანენკო 62 წლის ასაკში, გულის იშემიური დაავადებით გარდაიცვალა.


3. ფრუნზიკ მკრტიჩიანი (1930-1993)



ფრუნზიკმა მსახიობობა შემოქმედებით წრეში სწავლის დროს, 15 წლის ასაკში დაიწყო, თეატრალური ინსტიტუტის მეორე კურსიდან კი მას უკვე კინოში იღებდნენ. „კავკასიელ ტყვე ქალში“ მკრტიჩიანი თავის მეორე ცოლთან, დონარა პილოსიანთან ერთად თამაშობდა, რომელიც საახოვის მძღოლის ცოლს ასრულებდა. დონარამ ფრუნზიკს ორი შვილი - ნინა და ვაზგენი გაუჩინა, თუმცა დედისა და შვილების ცხოვრება ტრაგიკულად წარიმართა. მეორე მშობიარობის შემდეგ, დონარას შიზოფრენია განუვითარდა. მსახიობმა ცოლი სამკურნალოდ საფრანგეთში გაგზავნა, თუმცა მკურნალობამ შედეგი არ გამოიღო. სიცოცხლის ბოლო 25 წელი დონარამ სომხეთის ერთ-ერთ ფსიქიატრიულ კლინიკაში გაატარა. სამწუხაროდ, ვაზგენსაც დედის დაავადება აღმოაჩნდა. ის სრულიად ახალგაზრდა, 31 წლის ასაკში გარდაიცვალა. მსახიობის უფროსი ქალიშვილი ნინა 39 წლის ასაკში, ავტოკატასტროფაში დაიღუპა. თავად ფრუნზიკ მკრტჩიანი კი 63 წლის ასაკში ინფარქტს ემსხვერპლა.


4. ვლადიმერ ეტუში (95 წლის)



ეტუში მეორე მსოფლიო ომის მონაწილე გახლავთ. ფრონტზე 19 წლის ასაკში წავიდა, ომის შემდეგ  კი შუკინსკის სასწავლებელი დაამთავრა და მსახიობობა დაიწყო. „კავკასიელი ტყვე ქალი“ ეტუშისთვის მეხუთე ფილმია. გადაღებების დროს, მსახიობი მესამედ გახლდათ დაქორწინებული და 10 წლის ქალიშვილს, რაისას ზრდიდა. 90-იანი წლების ბოლოს რაისა საცხოვრებლად ამერიკაში წავიდა, სადაც ამერიკელ ბიზნესმენს გაჰყვა ცოლად და ვაჟი გააჩინა.


5. გიორგი ვიცინი (1917-2001)



სახელგანთქმული ტრიოს ყველაზე გამხდარი და მშიშარა წევრი სიცოცხლის უკანასკნელ დღეებამდე კინომსახიობთა თეატრში მუშაობდა, თუმცა ფული მხოლოდ ყველაზე აუცილებელ საჭიროებებზე ჰყოფნიდა. ვიცინი გარეშე პირთა ფინანსურ დახმარებაზე ყოველთვის უარს ამბობდა და ისედაც მწირ ჰონორარს ქუჩის ძაღლებსა და მტრედებს უნაწილებდა. მსახიობი სახლიდან იშვიათად გამოდიოდა და პრესასთან ურთიერთობას გაურბოდა. ვიცინის გარდაცვალების შემდეგ, ახლობელთა უსახსრობის გამო, მის საფლავს მემორიალური ქვა და ღობე წლების განმავლობაში არ ჰქონდა.


6. ევგენი მორგუნოვი (1927-1999)



„კავკასიელი ტყვე ქალის“ გადაღებების დასრულება ლეონიდ გაიდაისა და ევგენი მორგუნოვის ჩხუბით „აღინიშნა“. ფილმის დახურულ, ტექნიკურ ჩვენებაზე მსახიობი მთვრალი გამოცხადდა და სკანდალი ატეხა. მორგუნოვმა გაიდაი შეურაცხმყოფელი ეპითეტებით აავსო. საბოლოოდ, მსახიობი დარბაზიდან გაიყვანეს, ხოლო რეჟისორმა (რამდენადაც შესაძლებელი იყო) ფილმიდან ამოჭრა ყველა სცენა მორგუნოვის მონაწილეობით. ლეონიდ გაიდაი და ევგენი მორგუნოვი ერთმანეთს სიცოცხლის ბოლომდე არ ელაპარაკებოდნენ, თუმცა მსახიობისთვის 1966 წელი მაინც ბედნიერი იყო. ახალგაზრდა ცოლმა პირველი შვილი ანტონი გაუჩინა, ხოლო 1972 წელს მორგუნოვს მეორე ვაჟი ნიკოლაი შეეძინა. სამწუხაროდ, მსახიობის უმცროსი შვილი 26 წლის ასაკში, ავტოკატასტროფაში დაიღუპა.


7. იური ნიკულინი (1921-1997)



მეორე მსოფლიო ომის დროს ნიკულინი ფრონტზე 18 წლის ასაკში წავიდა და მამაცობისთვის რამდენიმე საბრძოლო მედალი მიიღო. ომის დასრულების შემდეგ, მომავალმა მსახიობმა მოსკოვის ცირკთან არსებულ სტუდიაში ჩააბარა, რადგან კინემატოგრაფიის ინსტიტუტში „სამსახიობო მონაცემების არარსებობის“ გამო, არ მიიღეს. 28 წლის ასაკში ნიკულინი მსახიობ ტატიანა პოკროვსკაიაზე დაქორწინდა და ვაჟი მაქსიმი შეეძინა, რომელიც დღეს მოსკოვის ცირკის დირექტორია.


8. ნინა გრებეშკოვა (87 წლის)



გრებეშკოვა ფილმის რეჟისორის ლეონიდ გაიდაის ცოლი გახლავთ. წყვილმა ერთად 40 წელზე მეტი გაატარა და ერთადერთი შვილი ოქსანა შეეძინა. რეჟისორი 1993 წელს გარდაიცვალა. „კავკასიელ ტყვე ქალში“ გრებეშკოვამ სასწრაფო დახმარების ექიმის ეპიზოდური როლი შეასრულა. 

წყარო
ურთიერთობა

პრეზერვატივების უკმარისობა და კორონავირუსული ეროტიკა: როგორ იმოქმედა ეპიდემიამ სექსზე

სამყარო თავდაყირა დადგა, ეპიდემია ყველა სფეროს შეეხო, მათ შორის, სექსსაც. რა შეიცვალა და სადამდე შეიძლება მიგვიყვანოს კოვიდინფექციის შედეგებმა?
დღის ჰოროსკოპი

9 აპრილის ასტროლოგიური პროგნოზი

რას გვირჩევენ ვარსკვლავები 9 აპრილისთვის ჯანმრთელობის, ბიზნესის და სიყვარულის მიმართულებით?
ამბები

შერატონ გრანდ თბილისი მეტეხი პალასის სიურპრიზი კარანტინში განთავსებულ სტუმრებს

COVID-19 -ის წინააღმდეგ ბრძოლის ფარგლებში, საქართველოს მასშტაბით რამდენიმე სასტუმრო საზღვარგარეთიდან ჩამოსულ ქართველ მოქალაქეებს კარანტინისთვის 14 დღის განმავლობაში მასპინძლობს.  
საკნატუნო ამბები

ცნობილები თვითიზოლაციაში

რა საერთო გვაქვს დღეს ჩვენ და სელებრითებს?
ჩვენ გვერდით

„გთხოვთ, ისწავლეთ უჰანის შეცდომებზე!“ (ვიდეო)

ჩინეთის ქალაქი უჰანი, საიდანაც კორონავირუსის ეპიდემიამ გავრცელება დაიწყო, 11-კვირიანი კარანტინის შემდეგ ცხოვრების ჩვეულ რიტმს ნელ-ნელა უბრუნდება.
საკნატუნო ამბები

როგორ გავერთოთ სახლში იზოლაციის დროს

ყველას გვენატრება გარეთ გასვლა, ისეთი უმნიშვნელო და სასიამოვნო აქტივობები, როგორიცაა, მაგალითად, სეირნობა, პიკნიკი, პარასკევს მეგობრებთან ერთად გართობა და ა.შ.  
დღის ჰოროსკოპი

8 აპრილის ასტროლოგიური პროგნოზი

რას გვირჩევენ ვარსკვლავები 8 აპრილისთვის ჯანმრთელობის, ბიზნესის და სიყვარულის მიმართულებით?
იცით თუ არა...

როგორ ხმას გამოსცემს კორონავირუსი - ამერიკელმა ბიოლოგებმა SARS-CoV-2-ის მოძრაობა გაახმოვანეს (აუდიო)

მკვლევართა ჯგუფმა, მასაჩუსეტის ტექნოლოგიური ინსტიტუტიდან მარკუს ბიულერის ხელმძღვანელობით, ექსპერიმენტის შედეგად მიიღო კომპოზიცია, რომელიც ძალიან სასიამოვნო მოსასმენია...
საკნატუნო ამბები

ინტერნეტხუმრობები კორონავირუსზე - იუმორი კარანტინიდან

კორონავირუსზე ხუმრობების გამოქვეყნება სოციალურ ქსელებში გრძელდება და, როგორც ჩანს, კარანტინის დასრულებამდე არც ინტერნეტმომხმარებლები აპირებენ ამის დასრულებას.
ამბები

 „დანკინმა“ ინფექციურისა და პირველი საუნივერსიტეტო კლინიკის მედიკოსებს საუზმე მიართვა

„ამერიკული რესტორნების ქსელმა „დანკინმა“ ინფექციურისა და პირველი საუნივერსიტეტო კლინიკების ბოქსირებული განყოფილების მედიკოსებს, დაუღალავი შრომისთვის მადლობის ნიშნად, საუზმე მიართვა და საშუალება მისცა, „დანკინის“ ყავითა და დესერტებით ენერგიულად დაეწყოთ დილა“, - ამის შესახებ „ვისოლ ჯგუფის“ მიერ გავრცელებულ ინფორმაციაშია ნათქვამი.
დღის ჰოროსკოპი

7 აპრილის ასტროლოგიური პროგნოზი

რას გვირჩევენ ვარსკვლავები 7 აპრილისთვის ჯანმრთელობის, ბიზნესის და სიყვარულის მიმართულებით?
ამბები

სად თამაშობს ყველაზე მეტი მომხმარებელი ნარდს, ბურას, და დომინოს ონლაინ

ბოლო დღეების სტატისტიკით, ევროპაბეთი სამაგიდო თამაშების ყველაზე მსხვილი პლატფორმაა რეგიონში. ნარდი, ბურა, დომინო, პოკერი - პოპულარულ სამაგიდო თამაშებს ევროპაბეთზე ერთდროულად 10 000-ზე მეტი ადამიანი თამაშობს.