მედეა ჯაფარიძე 1923 წლის 20 მარტს თბილისში დაიბადა. 1942 წლიდან სიცოცხლის ბოლომდე კოტე მარჯანიშვილის სახელობის სახელმწიფო აკადემიური თეატრის მსახიობი იყო. იშვიათი სილამაზისა და შინაგანი ხიბლის მქონე მსახიობი ბრწყინვალე ოსტატობით ქმნიდა თავის გმირებს – ნინა (ლერმონტოვის „მასკარადი“), ჯულიეტა, ბეატრიჩე, ლედი ანა (შექსპირის „რომეო და ჯულიეტა“, „ჭირვეული ცოლის მორჯულება“, „რიჩარდ III“), ჭრიჭინა (მ. ბარათაშვილის „მარინე“)... 1950 წელს მიენიჭა საქართველოს სახალხო არტისტის წოდება. დაქორწინებული იყო რეჟისორ რეზო თაბუკაშვილზე.
გარდაიცვალა 1994 წელს. დაკრძალულია მწერალთა და საზოგადო მოღვაწეთა დიდუბის პანთეონში.
წარმოგიდგენთ საქართველოს ეროვნული ბიბლიოთეკისა და კომპანია „ჯეოსელის“ ერთობლივი პროექტის „ციფრული ფოტომატიანეს“ არქივში დაცულ ფოტოებს.
მედეა ჯაფარიძე – თეატრისა და კინოს მსახიობი, საქართველოს სახალხო არტისტი, სახელმწიფო პრემიის ლაურეატი.
„იგი სიკეთის განსახიერებაა, მასთან მყოფს გჯერა, რომ ამქვეყნად ბოროტება არ არსებობს “, – თეატრმცოდნე ლილი იოსელიანი.
ფოტოს გადაღების თარიღი უცნობია. დამანა მდივნიშვილის კოლექციიდან.
მედეა ჯაფარიძე და მისი მეუღლე – დრამატურგი, მთარგმნელი, რეჟისორი, საქართველოს სსრ ხელოვნების დამსახურებული მოღვაწე, შოთა რუსთაველის სახელობის სახელმწიფო პრემიის ლაურეატი რეზო თაბუკაშვილი.
ფოტოს გადაღების თარიღი უცნობია. დამანა მდივნიშვილის კოლექციიდან.
„ჩემო მედიკო, ამ დიდ წიგნში ყველაფერი შენ გეკუთვნის, ყოველი სტრიქონი შენითაა ნაკარნახევი, მაგრამ არ ვიცი, შენსავით მშვენიერია თუ არა. ყოველ შემთხვევაში, ძალიან ვცდილობდი, დამემსგავსებინა შენთვის “, – რეზო თაბუკაშვილი.
ქართველი კინომსახიობი, საქართველოს სახალხო არტისტი ლიანა ასათიანი (1925-2014) და მედეა ჯაფარიძე. გადაღების ადგილი და დრო უცნობია. დამანა მდივნიშვილის კოლექციიდან.
უიშვიათესი ფოტო.
კატო ნუცუბიძე-კოსტავა. მის უკან დგანან შვილები – მსახიობი გრიგოლ (გრიშა) კოსტავა და ვანო კოსტავა (მარჯვნივ)
სხედან რძლები: მედეა ჯაფარიძე (იმჟამად გრიშა კოსტავას მეუღლე) და ოლღა დემურია-კოსტავა.
ბებოს კალთაში პატარა მერაბ კოსტავა.
მედეა ჯაფარიძე.
ფოტოს გადაღების თარიღი უცნობია. ფოტოს მფლობელია დამანა მდივნიშვილი.
„მედეა მაგონებს გაზაფხულის ყვავილს, რომელიც ნაზ სურნელებას გამოსცემს და გათბობს“, – ვერიკო ანჯაფარიძე.
მედეა ჯაფარიძე.
ფოტოს გადაღების თარიღი უცნობია. დამანა მდივნიშვილის კოლექციიდან.
ლაშაზე რვა თვის ორსულმა მედეამ სპექტაკლ „ჭრიჭინაში“ ითამაშა. მიუხედავად იმისა, რომ მედეას „ჭრიჭინა“ უდიდესი წარმატებით სარგებლობდა, ამ პიესის მიხედვით გადაღებულ ფილმში ეს როლი სხვა მსახიობს მიანდეს.
მედეა ჯაფარიძე.
„რეზო 1947 წელს გავიცანი. მზეჭაბუკივით ვაჟკაცი იყო და გასაოცარი შთაბეჭდილება მოახდინა ჩემზე. ვხვდებოდი, რომ ჩვენი ურთიერთობა დიდი გრძნობის წინაშე დამაყენებდა და ინსტინქტურად ვუფრთხოდი მას“, – მედეა ჯაფარიძე.
ფოტოს მფლობელია ლაშა მებონია.
მედეა ჯაფარიძე.
ფოტოს მფლობელი ლაშა მებონია.
„რეჟისორს უყვარს ის მსახიობი, რომელსაც აქვს საკუთარი ინიციატივა. ასეთი მსახიობი იღებს რეჟისორისგან მარცვალს და ზრდის თავისებურ სახეს. ასე შექმნა მედეამ ქეთო „ქეთო და კოტეში“. მიხარია, რომ მის ბიოგრაფიაში თვალსაჩინო ადგილი უჭირავს ჯულიეტას, რომელიც ერთობლივად შევქმენით“, – რეჟისორი ვახტანგ ტაბლიაშვილი.
მედეა ჯაფარიძე.
1956 წელი. ფოტოს მფლობელია ლაშა მებონია.
„დღეს, როცა კაცობრიობის მშვენიერებას ამდენი საშიშროება ემუქრება, ბედნიერებაა, ხედავდე ისეთ ადამიანს, როგორიცაა მედეა ჯაფარიძე, რომლის შემოქმედებითი ნიჭი, სულიერი და ფიზიკური მშვენიერება მაღალი იდეალებისკენ მიიწევს და მისი შემხედვარე თითქოს შენც მაღლდები“, – იტალიელი სცენარისტი ტონინო გუერა.
მარიკა ლორთქიფანიძე – ისტორიკოსი, საქართველოს მეცნიერებათა აკადემიის წევრი კორესპონდენტი, პროფესორი. და მედეა ჯაფარიძე.
გადაღებულია ლიკანში. ფოტოს მფლობელია მაია ავალიშვილი.
რეზო თაბუკაშვილი და მედეა ჯაფარიძე.
ფოტოს მფლობელია გიული დარახველიძე.
„თუ დამიჯერებ, მე დღეს შენი ნაოჭები უფრო მიყვარს, ვიდრე შენი სახე 20 წლის წინათ“, – ეს სიტყვები ფილმში „მზე შემოდგომისა“ მწერალმა და დრამატურგმა რეზო თაბუკაშვილმა თავისი სცენარის მთავარ გმირს, მხატვარ ვახტანგს ათქმევინა, რომლის პროტოტიპი თავად იყო, ამ სიტყვების ადრესატი კი მედეა ჯაფარიძე გახლდათ.
რეზო ფრუიძე – საბჭოთა კავშირის კომუნისტური პარტიის ცენტრალური კომიტეტის მდივანი, მინისტრთა საბჭოს თავმჯდომარე და მედეა ჯაფარიძე.
ფოტო გადაღებულია მოსკოვში, ფოტოს მფლობელია ირაკლი ფრუიძე.
მედეა ჯაფარიძე სტუმრად გიგა ჯაფარიძის ოჯახში.
1970 წლის აგვისტო. ფოტოს მფლობელია ალექსანდრე (შურა) ჯაფარიძე.
დავით ჯაფარიძე სტუმრად თბილისში. ჯგუფური ფოტო. ლილი იოსელიანი – ქართველი რეჟისორი, დავით ჯაფარიძე – პრინსტონის უნივერსიტეტის პროფესორი, რეზო თაბუკაშვილი და მედეა ჯაფარიძე.
ფოტოს მფლობელია ლილი იოსელიანი.
მედეა ჯაფარიძე რუს მსახიობ ვლადიმერ ულიანოვთან საუბრის დროს.
გადაღების ადგილი და თარიღი უცნობია. ფოტოს მფლობელია ხაჩატურ ვართანიანცი.
საპატიო თბილისელები. მარიკა ლორთქიფანიძე – ისტორიკოსი, ბორის პაიჭაძე – ფეხბურთელი, მელორ სტურუა – ჟურნალისტი, ვიქტორ გოცირიძე – მეტრომშენებელი, ალექსანდრე დათაშვილი – ზეინკალი და მედეა ჯაფარიძე. გადაღებულია თბილისში. ფოტოს მფლობელია მაია ავალიშვილი.
ჯაბა იოსელიანი რეზო თაბუკაშვილთან და მედეა ჯაფარიძესთან ერთად გაგრაში.
ფოტოს მფლობელია ლილი იოსელიანი.
„ერთხელ მოსკოვში, რესტორანში მეგობრებთან ერთად ვზივარ. დარბაზი ხალხითაა სავსე. უცებ დუმდება მუსიკა და ხალხი შემოსასვლელისკენ იმზირება. შევტრიალდი იქით, საითაც ყველას მზერა იყო მიმართული... დარბაზში იდგა ულამაზესი წყვილი, რომელიც თავისუფალ ადგილს თვალებით ეძებდა. მათთან მივიდნენ და მოწიწებით გზა გაუკვალეს კუთხეში მდგარ ორადგილიან მაგიდასთან. სანამ არ დასხდნენ, მუსიკა არ აჟღერებულა, წყვილს ვერავინ მოსწყვიტა თვალი. ესენი ჩემი რეზო და მედიკო იყვნენ...“ – ჯაბა იოსელიანი.
ვერიკო ანჯაფარიძისადმი მიძღვნილ საღამოზე. ნათელა ურუშაძე – თეატრმცოდნე, მიხეილ ჭიაურელი – რეჟისორი, ვერიკო ანჯაფარიძე, სოფიკო ჭიაურელი, მსახიობი. დოდო ჭიჭინაძე – მსახიობი.
1958 წელი. ფოტოს მფლობელია მანანა გეგეჭკორი.