თამარ ედილაშვილი: კონკურსში მონაწილეობას დიდხანს ვგეგმავდი. პროექტში დიდი კონკურენციაა და 4 სკამის კონკურსს თუ გადავლახავდი, ნამდვილად არ ველოდი. სურვილი მაქვს, სხვა ტურებიც დავძლიო, წარმატებას მივაღწიო და ხალხმა დამიმახსოვროს.
- დიდი ხანია, მღერი?
- როგორც მამა მიყვება, 1 წლიდან ვმღერი. საბავშვო ბაღში ზეიმებზე ყოველთვის ვმღეროდი და ამის გამო ძალიან პოპულარული ბავშვი ვიყავი. ოჯახის ახლობელი მუსიკოსი მყავს, ირმა ღვინიაშვილი, რომელიც უკრაინაში სხვადასხვა მუსიკალური პროექტების ჟიურიში ხშირად ზის და როცა საქართველოში ჩამოდის, ის მამეცადინებს ხოლმე. ისე კი ვოკალის პედაგოგი სტაბილურად არასდროს მყოლია.