ვერძი: შესაძლოა, ისეთ პრობლემას შეეჯახოთ, როგორიც დისბაქტერიოზია, ამიტომ ეცადეთ, უსიამოვნო შედეგები თავიდან აიცილოთ. მოერიდეთ უფროსის მოტყუებას და მისი სისუსტეებით მანიპულირებას.
კურო: ეცადეთ, ადრე დაიძინოთ. ეს პოზიტიურად აისახება თქვენს შრომისუნარიანობასა და განწყობაზე. ნუ დაკარგავთ დიდ დროს საქმიან ქაღალდებში ჩასაფრებული ეშმაკის ძებნაზე. ეცადეთ, საყვარელ ადამიანთან შეთანხმებას მიაღწიოთ, თორემ თქვენი ერთად ყოფნა აუტანელი გახდება.
ტყუპები: შესაძლოა, რომელიღაც ქრონიკული დაავადება გაგიმწვავდეთ, ამიტომ გირჩევთ, გაიხსენოთ, რა მკურნალობა გქონდათ გამოწერილი. წინა კვირას ისე გადაიღალეთ, რომ დასვენების ძალა არ გაქვთ. ეცადეთ, მოდუნდეთ. ახლა ეს ძალიან მნიშვნელოვანია.
კირჩხიბი: მოუსმინეთ საკუთარ ორგანიზმს. მეტისმეტად ნუ გადაიღლებით. მთელი დღე ძველი სიყვარულის მოგონებაზე საუბრის მოსმენა გიწევთ. ეცადეთ, ტაქტი გამოიჩინოთ და ადამიანს პირდაპირ არ მიახალოთ, რომ ამის მოსმენა მოგბეზრდათ.
ლომი: ხვალ ცოტათი კურდღელს უნდა დაემსგავსოთ და მთელი დღე სტაფილოს ჭამაში გაატაროთ. კომპრომისამდე მისვლა გიჭირთ? კიდევ ერთხელ სცადეთ. ვარსკვლავები დარწმუნებული არიან, რომ ამჯერად ყველაფერი გამოგივათ.
ქალწული: თავი შორს დაიჭირეთ კონსერვებისა და ხანგრძლივად შენახული პროდუქტებისგან. ხვალ ყველაფერი ქორფა და ახალი მიირთვით. საყვარელი ადამიანის მიმართ უდიდეს პასუხისმგებლობას გრძნობთ და ცდილობთ, ყველა განსაცდელისგან დაიცვათ. ეცადეთ, მომაბეზრებელი არ გახდეთ.
სასწორი: ნუ გადაიღლით თავს საოჯახო საქმეების შესრულებით. ხვალ ახალი თავგადასავლის ძიებაში იქნებით. ნუ გაექცევით ოჯახის წინაშე აღებულ პასუხისმგებლობას. ხვალ განსაკუთრებით გევალებათ საყვარელი ადამიანების მიმართ მზრუნველობის გამოხატვა.
მორიელი: ამ დღეს ძალების ნაკლებობას იგრძნობთ. ამიტომ, მიირთვით კალორიული საკვები. შეეცადეთ, სამსახურში თქვენი პოზიციები გაამყაროთ. თუკი საყვარელ ადამიანს გულგრილობაში ადანაშაულებთ, იქნებ მას ამის რეალური მიზეზი აქვს. ესაუბრეთ მას გულწრფელად.
მშვილდოსანი: ხვალ ცრურწმენების წინააღმდეგ ბრძოლა მოგიწევთ. შეეცადეთ, ყველაზე უსიამოვნო სიტუაციაშიც კი პოზიტიური მომენტები დაინახოთ. თუკი გამოგივათ, თქვენი პირადი ცხოვრება მაისის ვარდივით აყვავდება.
თხის რქა: დააკვირდით, რა დონეზე დატვირთავთ ხვალ ფეხებს. თუკი შენიშნავთ, რომ უმოქმედოდ ხართ, აუცილებლად გააქტიურდით. თქვენი ნერვიულობა თქვენს გარშემომყოფებზე და საყვარელ ადამიანზეც აისახება. თქვენს პრობლემებში, სამწუხაროდ, ის ვერაფერს შეცვლის.
მერწყული: ხვალ შესაძლოა, წნევის ცვალებადობამ შეგაწუხოთ. შეეცადეთ, ის ოპერატიულად დაირეგულიროთ. თუ გსურთ, სამუშაო დღემ მსუბუქად ჩაიაროს, ნუ გამოთქვამთ პრეტენზიებს კოლეგების მიმართ. ხვალ საღამოს საყვარელ ადამიანთან ერთად კორპორაციულ წვეულებაზე დაგპატიჟებენ. ვარსკვლავები გირჩევენ, ალკოჰოლი ზომიერად მიიღოთ.
თევზები: შესაძლოა, ხვალ ბევრმა ფაქტორმა გამოიწვიოს თქვენი გაღიზიანება. შეეცადეთ რელაქსაციას. ნუ იტყვით უარს სამომავლო გეგმებზე, მთავარია, სწორი ტაქტიკის შერჩევა შეძლოთ. საქმეების პარალელურად, ნოსტალგიაც გეწვევათ და სკოლის სიყვარულს გაიხსენებთ. დაურეკეთ მას და დაუნიშნეთ პაემანი. ვარსკვლავები გპირდებიან, რომ ორივე სასიამოვნო დღეს გაატარებთ.
