ვერძი
ვერძებისთვის წლის ბოლო ერთ-ერთი ყველაზე საინტერესო პერიოდია. თქვენს წინაშე გაიხსნება მთელი სამყარო და ადვილად შეძლებთ ყურადღების მიქცევას. ჯანმრთელობა სრულ წესრიგშია - თავს მხნედ და ენერგიულად გრძნობთ, ოპტიმიზმითა და მომხიბვლელობით სავსე ხართ. კარგი იქნება, თუ ახალ წელს, ძველ მეგობრებთან ერთად, სახლთან ახლოს შეხვდებით.
კურო
ამ დღეს ახლობელ ადამიანებთან ურთიერთობისა და მხიარულ კამპანიაში ყოფნის ბედნიერება გექნებათ. მნიშვნელობა არ აქვს, ყველას იცნობთ თუ არა, რადგან საერთო ენას ყველასთან ადვილად გამონახავთ. გასული წლის მოვლენების შეფასებისას, აბსოლუტურ ბედნიერებას გრძნობთ. ამ დღეს მხოლოდ ყველაზე აუცილებელი და სასიამოვნო საქმეები უნდა დაგეგმოთ. კარგად გამოიძინოთ, თავი მოიწესრიგოთ და მთლიანად სადღესასწაულო ატმოსფეროში ჩაიძიროთ.
ტყუპები
დეკემბრის ბოლოს თქვენი ცხოვრების მნიშვნელოვანი პერიოდი მთავრდება და ბევრი ადამიანი შეძლებს წარსულის ვალებისა და ნეგატიური კარმისგან გათავისუფლებას. გარშემომყოფებზე წარუშლელ შთაბეჭდილებას მოახდენთ, რადგან მომხიბვლელი, მიმზიდველი და ჭკვიანი ხართ. დატკბით ცხოვრებით და თავი შეიკავეთ ექსტრავაგანტური საქციელისგან.
კირჩხიბი
გამორიცხული არაა, რომ ახალი წლიდან თავი შეიკავოთ ელიტარულ შეკრებებსა და საზოგადოებრივ ღონისძიებებზე დასწრებისგან. უფრო მეტიც, კორპორაციულ წვეულებებსა და თანამშრომელთა დაბადების დღეებზეც კი უარს იტყვით. ნუ მიეცემით მელანქოლიას. გახსოვდეთ, თუ საკუთარ „ნაჭუჭში“ ჩაიკეტებით, გამოსვლა აღარასოდეს მოგინდებათ და ყველა მნიშვნელოვანი მოვლენა თქვენ გარეშე ჩაივლის.
ლომი
პირად და ოჯახურ ცხოვრებაში სასიამოვნო სიურპრიზებს უნდა ელოდოთ. მეგობრებთან, კოლეგებთან და ნათესავებთან ურთიერთობა მხოლოდ პატივისცემაზე უნდა დაამყაროთ. ძველი წლის ბოლო დღე ოჯახსა და საოჯახო საქმეებს მიუძღვენით. მონაწილეობა მიიღეთ ნაძვის ხის მორთვასა და ინტერიერის გალამაზებაში. შექმენით თბილი, სადღესასწაულო ატმოსფერო. სიახლე - მხოლოდ დადებითი, საჩუქრები - მხოლოდ ის, რაც გსურთ. შეგიძლიათ, მშვიდად გაემგზავროთ სტუმრად ან სტუმრები სახლში მოიწვიოთ.
ქალწული
კარგი ცხოვრებისთვის ხართ შექმნილი. ბედნიერებისთვის ფული, მყუდრო სახლი და კარგი ოჯახი გჭირდებათ. თქვენ ყველაფერი გაქვთ იმისთვის, რომ მიზანს მიაღწიოთ და ახალ წელს ბედნიერი და უზრუნველყოფილი გახდეთ. ბევრი რამ თქვენზე და თქვენს თვითშეფასებაზეა დამოკიდებული. დატკბით ცხოვრებით და იმით, რაც ამ ხნის მანძილზე შექმენით. ნუ გეშინიათ რაღაც შეცვალოთ. თქვენი ამოცანაა, ცხოვრება მრავალფეროვანი გახადოთ.
სასწორი
ამ დღეს განსაკუთრებით გაუმართლებთ იმ ადამიანებს, რომლებიც შემოქმედებითი საქმიანობით არიან დაკავებული. ახალი წლის დღეები თქვენთვის დაუვიწყარი და მხიარული იქნება. ნებისმიერ გარემოში თავს კომფორტულად იგრძნობთ, მაგრამ ვარსკვლავები გირჩევენ, ახალ წელს მეგობრებთან ერთად შეხვდეთ ნეიტრალურ ტერიტორიაზე.
მორიელი
ამ დღეს თავს სამყაროს ცენტრად, ვარსკვლავად იგრძნობთ. გაგიჩნდებათ სურვილი იხელმძღვანელოთ, დააიმედოთ, აჩუქოთ წარმატება, საჩუქრები, დაიცვათ, გაართოთ და ეს წარმატებით გამოგივათ. არ დაგავიწყდეთ მოიმარაგოთ სანთლები, წითელი ჩინური სანათები, შუშხუნები - საახალწლო მხიარულების ყველა ატრიბუტი. ვარსკვლავები გირჩევენ ამ დღეს ოჯახის წევრებთან ერთად სახლში შეხვდეთ.
მშვილდოსანი
თქვენი ზოდიაქოს ნიშანი არის სასოწარკვეთილი ავანტიურისტი, თამამი და ამაყი საკუთარი მიღწევებით. ყველაფერი ისე წარიმართება, როგორც ისურვებთ. იყავით თამამი და შეეცადეთ, მარტივად მიიღოთ გადაწყვეტილებები. დღესასწაულის შესახვედრად დარეკეთ მეგობრებთან, შეკრიბეთ ისინი და მოაწყვეთ დაუვიწყარი ზეიმი.
თხის რქა
ახალი წლის დადგომამდე რამდენიმე საათი დარჩა. შესაძლოა, დღესასწაულის მზადების პროცესმა დაგღალათ და საკუთარ იმიჯზე ზრუნვაც დაგავიწყდეთ, მაგრამ დღესასწაული მაინც უნდა შედგეს ისე, როგორც საჭიროა. ამიტომ ახალი წლის შეხვედრამდე გალამაზდით და შეხვდით ამ დღეს მეზობლების ან ნათესავების გარემოში. გახსოვდეთ ძველი თქმულება, როგორც შეხვდებით ახალ წელს, ისე წარიმართება შემდეგ მთელი წელი. ასე რომ, შეხვდით მას ლამაზად, რათა მომავალ წელს გეგმების რეალიზება წარმატებით შეძლოთ.
მერწყული
მიმავალი წლის ბოლო დღეს დღესასწაულის ატმოსფერო განსაკუთრებით იგრძნობა. ახალ წელს მსუბუქი და თავისუფალი განწყობით შეხვდებით. არ თქვათ უარი მცირედ თავგადასავლებზე, ახალ ნაცნობობასა და უჩვეულო გართობაზე, რომელსაც ბედისწერა გამოგიგზავნით. თუკი თქვენი შვილები ახალი წლის შეხვედრას მეგობრების გარემოში ისურვებენ, ნუ შეეწინააღმდეგებით მათ, მაგრამ აუცილებლად გაიგეთ მათი მეგობრების სახლის მისამართი და მშობლის ტელეფონის ნომერი. ნუ დაივიწყებთ შორეულ ნათესავებს, განსაკუთრებით მოხუცებსა და მარტოხელებს.
თევზები
დღესასწაულის დადგომამდე საკუთარ სტიქიაში იქნებით, აღაფრთოვანებთ მეგობრებს და ახლობელ ადამიანებს. ვარსკვლავები ცვლილებებს, საინტერესო მოვლენებს, ახალ გეგმებსა და ნაცნობობას გპირდებიან. ასევე, გირჩევენ, შეიქმნათ საახალწლო განწყობა, არ დაგავიწყდეთ დაპირებები და თქვენი სამშვიდობო მისია. შესაძლოა, თქვენი ქმედებით ვიღაცას გადაუდებელი დახმარება აღმოუჩინოთ.
