ვერძი
ხელსაყრელი დღეა კომერციული საქმიანობისთვის, კონტრაქტებისა და საქმიანი ქაღალდების გაფორმებისთვის. ქალებს ვურჩევთ, ურთიერთობაში მეტი თავშეკავება და წინდახედულება გამოიჩინონ. მოსალოდნელია არაკეთილმოსურნეთა მაქინაციები. მამაკაცები შეიძლება მივლინებაში გაემგზავრონ.
კურო
ხელსაყრელი დღეა შემოქმედებითი საქმიანობისთვის, მშენებლობისა და სუფთა ჰაერზე დასვენებისთვის. მშვენიერი დღეა სიყვარულისა და ბავშვის ჩასახვისთვის. მამაკაცებს ვურჩევთ, ქალებთან ურთიერთობის დროს ნეგატიური ემოციებისგან გათავისუფლდნენ. ქალ კუროებს ვარსკვლავები ჩანაფიქრის ასრულებასა და მიზნის მიღწევას უწინასწარმეტყველებენ. მალე სასიხარულო სიახლეს შეიტყობთ.
ტყუპები
ხელსაყრელი დღეა შემოქმედებითი იდეების განხორციელებისა და ძველი პრობლემების ახლებურად მოგვარებისთვის. წარმატებისკენ სწრაფვა შედეგებს მოიტანს. გაუფრთხილდით იმ ადამიანებს, რომლებსაც თქვენი წარმატება ახარებთ. ინტუიციის წყალობით, ადვილად მიხვდებით, ვინაა თქვენი მტერი და ვინ - მეგობარი. შესანიშნავი დროა საპირისპირო სქესის წარმომადგენლებთან ურთიერთობისთვის.
კირჩხიბი
მშვიდი დღეა, თუმცა არახელსაყრელია მგზავრობისა და მივლინებებისთვის. უამრავ კომპლიმენტს მოისმენთ, თუმცა დღის მეორე ნახევარში განწყობა გაგიფუჭდებათ. საღამოს მსუბუქი დეპრესია დაგეუფლებათ. ეცადეთ, დიდხანს არ განმარტოვდეთ, რადგან ახლობელ ადამიანებს თქვენი ყურადღება სჭირდებათ.
ლომი
ჯანმრთელობისთვის არახელსაყრელი დღეა. გამორიცხული არაა ტრავმა ან გულ-სისხლძარღვთა პრობლემები. ერიდეთ მანქანის სწრაფად ტარებას, ელექტროინსტრუმენტებს, მჭრელ და მჩხვლეტელ საგნებს. მოსალოდნელია უცხო ადამიანების ნეგატიური გავლენა და მცდარი რჩევა, რაც ფინანსურ დანაკარგებსა და პირადი ცხოვრების პრობლემებს მოგიტანთ. ერიდეთ ახალ ნაცნობობას, კომერციულ საქმიანობაში აქტიურობასა და საქმიან ქაღალდებთან ურთიერთობას.
ქალწული
ყურადღება მიაქციეთ საკუთარ ჯანმრთელობას. თუ თავს შეუძლოდ გრძნობთ, აუცილებლად ექიმს მიმართეთ, რადგან მოსალოდნელია ავადმყოფობის გამწვავება. გამორიცხული არაა ოჯახური უსიამოვნებები. ახლობელ ადამიანებთან ურთიერთობაში გაჩენილი პრობლემები თქვენს სასარგებლოდ არ გადაწყდება. ეცადეთ, დიდსულოვნება გამოიჩინოთ და დაუთმოთ. არასასურველია მგზავრობა და მოგზაურობა, ამიტომ ეს დღე მშვიდ, ოჯახურ დასვენებას მიუძღვენით.
სასწორი
ტყუილებისა და ილუზიების დღეა. ერიდეთ შურიან და ბოროტ ადამიანებს. ეცადეთ, ინტუიციით მიხვდეთ, ვინაა თქვენი მტერი და ვინ - მეგობარი. თუ სწორად განსაზღვრავთ, ახლობელ ადამიანებთან თქვენი ურთიერთობა საიმედო და ჰარმონიული გახდება. ამ დღეს ქალებს ოცნების ასრულების შანსი მიეცემათ.
მორიელი
ნეგატიური ენერგეტიკისგან და მავნე ჩვევებისგან გათავისუფლების დღეა. ახალგაზრდების საყურადღებოდ - ხელსაყრელი დღეა შეხვედრებისთვის, პაემნებისა და ქორწილებისთვის. შოპინგისგან თავის შეკავებას გირჩევთ. ერიდეთ ალკოჰოლურ სასმელებს.
მშვილდოსანი
ხელსაყრელი დღეა ახალი შემოქმედებითი იდეების რეალიზაციისა და ძველი პრობლემების ახლებურად გადაჭრისთვის. მოსალოდნელია არაკეთილმოსურნეთა მაქინაციები და გარემოებათა არასასურველი განვითარება. შესანიშნავი დროა საპირისპირო სქესის წარმომადგენლებთან ურთიერთობისთვის.
თხის რქა
მიუხედავად იმისა, რომ ბევრი ნერვიულობა გელით, თავს მხნედ და ენერგიულად გრძნობთ. წარმატებისკენ სწრაფვა შესანიშნავ შედეგებს მოგიტანთ, ერიდეთ ცეცხლს - მოსალოდნელი უსიამოვნება ხანძარს უკავშირდება.
მერწყული
ხელსაყრელი დღეა აქტიური დასვენებისთვის, სუფთა ჰაერზე ვარჯიშის ან მუშაობისთვის. ამ დღეს ვარსკვლავები მოგზაურებს მფარველობენ. გაითვალისწინეთ, რომ თქვენი არაკომუნიკაბელურობა გარშემომყოფებთან პრობლემებს შეგიქმნით.
თევზები
ეცადეთ, ვნებები და ემოციები დაიოკოთ. სამწუხაროდ, თქვენი არავის ესმის. შინაგანად დაძაბული და საკუთარი თავით უკმაყოფილო ხართ. ნაჩქარევი გადაწყვეტილებებისგან თავი შეიკავეთ. მშვიდად შეასრულეთ მიმდინარე საქმეები და სახლის კეთილმოწყობით დაკავდით.