ბოლნისის მუნიციპალიტეტში ეპიდ-კვლევები გრძელდება. ხვალ, პირველ რიგში, კვლევა სოფელ გეტაში განხორცილედება, სადაც ცნობილია, რომ შემთხვევების რაოდენობა არ გასცდენია ოჯახის წევრებს. გამომდინარე აქედან დამატებით ნიმუშებს მიზნობრივი ჯგუფებიდან აიღებენ. ესენი იქნებიან მეზობლები, მაღაზიის გამყიდველები და იმ ობიექტების წარმომადგენლები, ასევე ის მოხალისეები, რომელთაც ხშირი კონტაქტი აქვთ აღნიშნული სოფლის მოსახლეობასთან. კვლევა გაძლიერდება სოფელ მუშევანშიც, სადაც დადასტურებული ცხრა ახალი პაციენტის კონტაქტებს გამოიკვლევენ.
ქუთაისის ინფექციური საავადმყოფოდან კიდევ ერთი პაციენტი გაეწერა. ის ე.წ. წყალტუბოს კლასტერიდან იყო. კლინიკაში COVID-19-ის დიაგნოზით 4 პაციენტი დარჩა. მათი ჯანმრთელობის მდგომარეობა სტაბილურია. სამედიცინო დაწესებულებაში მძიმე და კრიტიკული პაციენტები არ ჰყავთ.