ვერძი
ჯანმრთელობა: ეცადეთ, ცხარე კერძებისგან თავი შეიკავოთ. ასევე, უარი თქვათ ეგზოტიკური სანელებლებითა და სოუსებით შეკმაზულ კერძებზე.
კარიერა: ორიგინალური იდეა გაქვთ, თუმცა ზედმეტად ხმამაღალ განაცხადად გეჩვენებათ იმისთვის, რომ გაამჟღავნოთ? სისულელეა! აუცილებლად გარისკეთ!
სიყვარული: ხვალ ძველ ურთიერთობებს გაიხსენებთ და სევდა მოგეძალებათ. რატომ შეგახსენებენ ძველი რომანები თავს მაინცდამაინც ხვალ, ვერავინ გეტყვით, თუმცა მთავარია, არ აჰყვეთ ემოციებს - წარსული წარსულში რჩება!
კურო
ჯანმრთელობა: მოდუნდით და დატკბით ცხოვრებით. პოზიტიური ემოციები თქვენს ჯანმრთელობაზე დადებითად აისახება.
კარიერა: ხვალინდელი დღე თქვენი პირადი კეთილდღეობის უკეთ მოწყობის ისეთ შანსს მოგცემთ, რომელსაც კიდევ დიდხანს ვეღარც კი ინატრებთ. ასე რომ, შანსის ხელიდან გაშვება დაუშვებელია!
სიყვარული: ნუ მოიწყენთ ნურც ერთი მიზეზით, მაშინაც კი, თუ საყვარელ ადამიანთან უთანხმოება გაქვთ. ცხოვრება ხომ ამით არ მთავრდება?!
ტყუპები
ჯანმრთელობა: ეცადეთ, ფიზიკურად და ემოციურად არ გადაიტვირთოთ, განსაკუთრებით საღამოს საათებში, რადგან წინააღმდეგ შემთხვევაში, უბრალოდ, ვერ დაიძინებთ.
კარიერა: სამუშაო პროცესი იმდენად შთამაგონებელი აღმოჩნდება ხვალ თქვენთვის, რომ მუშაობა საუკეთესო დასვენება იქნება.
სიყვარული: ხვალ ახლობლებთან ერთად ქალაქგარეთ გასვლას ნუ დაგეგმავთ. უამრავი დამაბრკოლებელი გარემოება გამოჩნდება, რომლებიც გამგზავრებაში ხელს შეგიშლით.
კირჩხიბი
ჯანმრთელობა: საჭმლის გადამამუშავებელ სისტემაზე ხვალ უარყოფითად აისახება ნახევარფაბრიკატებისა და კონსერვანტების მიღება. ამიტომ ვარსკვლავები გირჩევენ, ჯანსაღ საკვებს მიეტანოთ.
კარიერა: სამსახურში ყველაფერი თავდაყირა დაგხვდებათ. სიმშვიდეზე მხოლოდ ოცნებას თუ შეძლებთ. მთავარია, ძალები მოიკრიბოთ და სირთულეებს არ შეუშინდეთ. დანარჩენი კი თავად მოგვარდება.
სიყვარული: მზად იყავით დაკითხვისთვის. თქვენს საყვარელ ადამიანს თქვენთან ბევრი კითხვა ექნება.
ლომი
ჯანმრთელობა: მუშაობის დროს ხშირად შეისვენეთ და გაავარჯიშეთ კისრისა და წელის კუნთები. ადექით კომპიუტერის მაგიდიდან და რამდენიმე წუთით სუფთა ჰაერზე გაისეირნეთ.
კარიერა: ხვალინდელი დღე ფინანსურ სფეროში დიდ წარმატებას მოგიტანთ. ღირს, რომ ახლა ცოტა მეტად დაიტვირთოთ თავი, რათა უახლოეს მომავალში პრემია დაიმსახუროთ.
სიყვარული: ხვალ მიხვდებით, რამდენად კარგად იცნობთ თქვენს მეორე ნახევარს, გაიგებთ, რა სურს და შეიტყობთ, რას ანიჭებს უპირატესობას. თქვენი მოვალეობაა, ეს ცოდნა მხოლოდ თქვენი ურთიერთობის სასიკეთოდ გამოიყენოთ.
ქალწული
ჯანმრთელობა: სხეულის მოდუნების საუკეთესო საშუალება მასაჟია. იპოვეთ შესაფერისი ხელები და „იფრინეთ“.
კარიერა: ნუ იჩქარებთ თქვენი სამსახურებრივი მოვალეობების მალე დასრულებას. სავარაუდოდ, ხელმძღვანელი იფიქრებს, რომ იჩქარეთ, რათა სახლში მალე წასულიყავით.
სიყვარული: თუ მართლა გსურთ, თქვენი საყვარელი ადამიანის ყურადღება დაიმსახუროთ, მაქსიმალურად უნდა დაიხარჯოთ როგორც ფიზიკურად, ისე მორალურად და მატერიალურად. ვინ თქვა, რომ მარტივი იქნება?!
სასწორი
ჯანმრთელობა: აკონტროლეთ თქვენი წონა. ზედმეტი კილოგრამების მომატების შანსი ხვალ დიდი იქნება ისე, როგორც არასდროს.
კარიერა: ხვალინდელი დღე მიმზიდველ კარიერულ შესაძლებლობებს გპირდებათ. თუ ასე მოხდა, ნუ გადადებთ გადაწყვეტილების მიღებას. ხვალინდელი შანსი ყველაზე მომგებიანი იქნება თქვენთვის.
სიყვარული: ხვალ თქვენი საყვარელი ადამიანისთვის სასწრაფო ფსიქოლოგიური დახმარება იქნებით. თქვენ უნდა აიღოთ პასუხისმგებლობა მისი ზნეობრივი, მორალური და ეთიკური პრობლემების დაბალანსებაზე.
მორიელი
ჯანმრთელობა: ყურადღება გულ-სისხლძარღვთა სისტემას უნდა მიაქციოთ, რათა მომავალში პრობლემების თავიდან აცილება შეძლოთ.
კარიერა: იჩქარეთ! ხვალ ბევრი იქნება დამოკიდებული თქვენი რეაქციების სისწრაფესა და კრიტიკულ სიტუაციაში ბალანსის შენარჩუნებაზე.
სიყვარული: ხვალ თქვენი საყვარელი ადამიანი ზედმეტად თავდაჯერებული და თვითკმაყოფილი იქნება, რაც ძალიან გაგაღიზიანებთ. მშვიდად აუხსენით, რომ ასეთი ვითარებები თქვენზე უარყოფითად მოქმედებს.
მშვილდოსანი
ჯანმრთელობა: თქვენთვის მოდუნება და რელაქსაცია უმნიშვნელოვანესია. ამაში კი ყველაზე უკეთ არომათერაპიები დაგეხმარებიან.
კარიერა: გარკვეულ გარემოებათა ზეგავლენით საკუთარ სამუშაოზე კონცენტრირებას ვერ შეძლებთ. რაღაც აუცილებლად უნდა მოიმოქმედოთ, რადგან ასე მნიშვნელოვანი დეტალები შესაძლოა, მხედველობიდან გამოგეპაროთ.
სიყვარული: თქვენი მეორე ნახევრისთვის ხვალ უმნიშვნელოვანესი იქნება, დაინახოს, რამდენად ღირებული ადამიანია ის თქვენთვის. თუ ამას ვერ შეძლებთ, შემდეგ დიდხანს მოგიწევთ მის დეპრესიასთან ბრძოლა.
თხის რქა
ჯანმრთელობა: ეცადეთ, მეტად თავშეკავებული იყოთ. თქვენი იმპულსურობითა და სიხისტით არა მხოლოდ საკუთარ თავს, გარშემომყოფებსაც ვნებთ.
კარიერა: დღე საკმაოდ მდორედ ჩაივლის. დილით მოდუნებული და გამოუძინებელი იქნებით. ასე რომ, მნიშვნელოვანი საქმეების საღამოსთვის გადადება მოგიწევთ.
სიყვარული: რაც არ უნდა ახლოს იყოთ თქვენ და თქვენი მეორე ნახევარი სულიერად, მაინც განსხვავებული ადამიანები ხართ. ამ ფაქტორის გათვალისწინება ხვალ გარკვეული გადაწყვეტილებების მიღებისას აუცილებლად მოგიწევთ.
მერწყული
ჯანმრთელობა: ხვალინდელი დღე შესაფერისია კომპლექსური გამოკვლევებისთვის. განსაკუთრებით იმ შემთხვევაში, თუ ბოლო დროს მცირე დარღვევებს ამჩნევთ თქვენი ჯანმრთელობის მდგომარეობაში.
კარიერა: მთელი დღის დოკუმენტებთან გატარება მოგიწევთ. მართალია, ძალიან მოსაწყენი საქმეა, მაგრამ ხშირად ძალიან მნიშვნელოვანიც.
სიყვარული: ბევრს ნუ იხუმრებთ. როგორც ჩანს, ხვალ თქვენს საყვარელ ადამიანს იუმორის გრძნობა საერთოდ დატოვებს და შესაძლოა, ძალიან გაგინაწყენდეთ.
თევზები
ჯანმრთელობა: მნათობები გირჩევენ, ექიმის რეკომენდაციებს მკაცრად მისდიოთ. წინააღმდეგ შემთხვევაში მდგომარეობის გართულებას თავიდან ვერ აიცილებთ.
კარიერა: ბოლო დროს ამოსუნთქვის საშუალებაც კი არ გაქვთ. მთავარია, სულით არ დაეცეთ! დანარჩენი ყველაფერი თავისთავად მოგვარდება.
სიყვარული: თავს თქვენი საყვარელი ადამიანის გარემოცვაშიც კი მარტოსულად იგრძნობთ, თუმცა ეს იმას არ ნიშნავს, რომ ბედნიერი ვერ იქნებით...