თუ ქმარი სახლში გვიან დაბრუნდა, როგორ მოიქცეოდით:
პირდაპირ ხელში ტაფით დახვდებოდით;
გაბრაზდებოდით;
გეწყინებოდათ;
ცხელ საჭმელს დაახვედრებდით?
აირჩიეთ ერთ-ერთი პასუხი და წაიკითხეთ შედეგი
თუ თქვენ N1 აირჩიეთ, თქვენი ქმარი გარჩევებს ნამდვილად ვერ გაექცევა. ასეთ საქციელს თქვენ მას ნამდვილად არ აპატიებთ. სკანდალს მოუწყობთ, ყველა პრეტენზიას პირში მიახლით - ისეთ შემთხვევებსაც გაუხსენებთ, რომელიც მოცემულ სიტუაციაში არაფერ შუაშია, და შესაძლოა, თქვენს მეორე ნახევარს მუშტებით ან მძიმე ნივთებითაც კი დაესხათ თავს. თქვენთვის ძალიან მნიშვნელოვანია, ყველაფერს აკონტროლებდეთ და თქვენი ქმრის ყველა ნაბიჯის საქმის კურსში იყოთ.
თუ თქვენ N2 აირჩიეთ, მეუღლის საქციელს უყურადღებოდ ნამდვილად არ დატოვებთ, მაგრამ არც შფოთვას დაიწყებთ. შესაძლოა, ყველაფერი უთხრათ, რითიც უკმაყოფილო ხართ, დარჩენილი საღამო იბუზღუნებთ, მაგრამ თქვენი პარტნიორის ყველა მომაკვდინებელ ცოდვაში დადანაშაულებას არ დაიწყებთ. თქვენ გწყინთ ის, რომ თქვენი მეუღლე პირობას არ ასრულებს და გინდათ, რომ მან ეს გაიგოს. თუმცა, ამასთანავე, არასდროს დაემსგავსებით ისეთ ცოლებს, რომლებიც თავიანთ მეუღლეებს ნებისმიერ მიზეზზე „ბურღავენ“.
თუ თქვენ N3 აირჩიეთ, მაშინ თქვენს მეუღლეს ცივი და საყვედურით სავსე გამოხედვით დახვდებით - თუ საერთოდ დახვდებით. დიდი ალბათობით, საძინებელში მდუმარედ ჩაიკეტებით, დამნაშავე მეორე ნახევარს კი სასტუმრო ოთახში დაძინებას აიძულებთ. არა, რა თქმა უნდა, თქვენ არ ხართ გულღვარძლიანი, მაგრამ მეხსიერება კარგი გაქვთ და ამ საქციელს კიდევ ბევრჯერ გაუხსენებთ.
თუ თქვენ N4 აირჩიეთ, ვერ ხედავთ პრობლემას. მერე რა, რომ თქვენი მეორე ნახევარი სახლში რამდენიმე საათით გვიან დაბრუნდა. რაც მთავარია - ის დაბრუნდა! ალბათ, ყველაფრის მიზეზი ნამდვილად გადაუდებელი საქმეები იყო. ვის არ მოსვლია. მსგავს სიტუაციებს დიდ მნიშვნელობას არ ანიჭებთ, რადგან თქვენს მეუღლეს ენდობით და ამგვარ სიტუაციებს ურთიერთობაში იდილიის დარღვევის უფლებას არ მისცემთ.