ნათია ჯავახიშვილი: „მჯერა მაშინაც, როცა რაღაც ნაკლებად დასაჯერებელია“

ზეპირი ანკეტა

23 აპრილი 20:00, 2018 წელი

გიორგი კეკელიძესთან პრუსტის კითხვარს პასუხობენ საქართველოს მოქალაქეები, მიუხედავად მათი წარსულისა, აწმყოსი და მომავლისა, მიუხედავად პოლიტიკური და სხვა, მსგავსი თუ არამსგავსი შეხედულებებისა, პროფესიისა, ნიჭისა თუ... დღევანდელი სტუმარია „რადიო იმედის“ გადაცემა „FეMინა“-ს იდეის ავტორი და წამყვანი ნათია ჯავახიშვილი.

- რა არის თქვენთვის სრულყოფილი ბედნიერება?
- ჩემი შვილია ჩემი ბედნიერება. და ეს ბედნიერება 16 წლის წინათ დაიწყო და ასე იქნება, სანამ ცოცხალი ვარ, ვერაფერი გამაბედნიერებს ისე, როგორც ლიზა მაბედნიერებს. მინდა, ბედნიერი და წარმატებული იყოს.


- ბოლოს როდის გაიცინეთ?
- ხშირად ვიცინი, უფრო სწორად, სულ ვიცინი, ალბათ, ამის გამო ხშირად პოზიტიურ ადამიანს მეძახიან. მაგრამ, მგონი, ზოგჯერ სიცილიც და პოზიტივიც ზედმეტი ვიცი.


- ბოლოს როდის იტირეთ?
- საერთოდ მტირალა ვარ - ჰოროსკოპით კირჩხიბი ვარ და, ალბათ, ამიტომ. კირჩხიბები ხომ ძალიან ემოციურები არიან. ემოციურ ფილმს თუ ვუყურებ, ხშირად ცრემლებით ვტირი. ზოგადად, ტირილი მეხმარება უარყოფითი ენერგიის განდევნაში და ძალიან მალე კარგ ხასიათზე ვდგები.


- თქვენი ხასიათის მთავარი შტრიხი?
- გადამეტებულად კომუნიკაბელური ვარ და, ასევე, გადამეტებულად ენერგიული, იმ დონეზე, რომ ზოგჯერ მეშინია, საკუთარმა ენერგიამ არ შთანმთქას. ეს ენერგია ზოგჯერ მღლის კიდეც, მაგრამ ხშირ შემთხვევაში კარგ განწყობას მიქმნის.


- ყველაზე დიდი ნაკლი?
- ისევ ემოციურობა და ალბათ ისიც, რომ ზედმეტად მიმნდომი ვარ, ადამიანებს ზედმეტად ვენდობი და მჯერა მაშინაც, როცა რაღაც ნაკლებად დასაჯერებელია.


- ყველაზე მეტად რომელ ისტორიულ ფიგურასთან აიგივებთ თავს?
- ისტორიულ ფიგურასთან ან ვინმე გმირთან საკუთარი თავის ასოცირება, ალბათ, გამიჭირდება. ვფიქრობ, ყველა ადამიანი ინდივიდუალურია.


- ვინ არიან თქვენი გმირები დღეს?
- ჩემი გმირები ძლიერი ქალები არიან, ქალები, რომლებიც, თუ საჭიროა, სახლში ჩაქუჩით ან სახრახნისით სიარულს არ თაკილობენ, რომლებსაც საკუთარი ოჯახის გატანა შეუძლიათ და რომლებიც მყარად დგანან ფეხზე. მოკლედ, დამოუკიდებელი ქალები მომწონს და მიმაჩნია, რომ ისინი გმირები არიან. 


- თქვენი მხატვრული გმირები?
- სათავგადასავლო და ისტორიული ჟანრის ლიტერატურა მიყვარს. გააჩნია, რას ვკითხულობ ან რას ვუყურებ, ამის მიხედვით ვიჩემებ გმირებს. ისე, შერლოკ ჰოლმსი მიყვარს, ამის გამო ერთი პერიოდი ბენედიქტ კემბერბეტჩზე ყურებამდე ვიყავი შეყვარებული - გამოდის, რომ დეტექტივითაც ვყოფილვარ გატაცებული.


- ყველაზე შთამბეჭდავი მოგზაურობა?
- ზოგადად, უცხოეთში ნაკლებად ვმოგზაურობ, მაგრამ ყოველთვის განსაკუთრებით მახსენდება საბერძნეთში მოგზაურობა, სადაც „ტასისის პროგრამით“ კვალიფიკაციის ასამაღლებლად ვიყავი წასული. თან იქაურ მედიასაშუალებებს ვეცნობოდი და თან ღირსშესანიშნაობებს ვათვალიერებდი. ზოგადად, მიყვარს სიძველეები - აკროპოლისმა ისე მომხიბლა, რომ დღემდე მახსოვს ის შეგრძნება, იქაური სურნელიც კი მახსოვს და ამ სურნელს მას შემდეგ ყოველი მარტის ბოლოს აქაც ვგრძნობ - სწორედ ამ პერიოდში ვიყავი ათენში.


- თვისება, რომელსაც უპირატესობას ანიჭებთ მამაკაცში?
- ძალიან მომწონს და პატივს ვცემ განათლებულ მამაკაცებს, განათლებას თუ ცოტა იუმორიც ახლავს - უფრო ვიხიბლები. ასეთი მამაკაცი ჩემთვის სრულყოფილია.


- ქალში?
- ერუდირებული ქალები მომწონს, ასევე, ძლიერ, დამოუკიდებელ ქალებზე მაფანატებს, როგორც ზემოთ აღვნიშნე, თუმცა ეს არ ნიშნავს, რომ ძლიერი ქალი ნაზი და ჰაეროვანი არ უნდა იყოს. ქალმა ქალურობა ნებისმიერ სიტუაციაში უნდა შეინარჩუნოს.


- საყვარელი მწერლები?
- ერიხ მარია რემარკი მიყვარს ბავშვობიდან და ვგიჟდები ნოდარ დუმბაძეზე, რომელიც თითქოს ჩემია,  უბრალო და სადაა, რაც ძალიან მხიბლავს.


- საყვარელი კომპოზიტორი?
- მიყვარს გია ყანჩელი, ანტონიო ვივალდი. მუსიკალური ათწლედი მაქვს დამთავრებული და კლასიკური მუსიკისკენ ვარ მიდრეკილი. ჯორჯ გერშვინი მიყვარს კიდევ ძალიან.


- ფილმი?
- სერჯიო ლეონეს „ერთხელ ამერიკაში“, მახსოვს ფილმის საყურებლად სკოლიდან შატალოზე „ოფიცერთა სახლში“ გავიპარეთ. 4 საათის განმავლობაში სუნთქვაშეკრულები გაფაციცებით ვუყურებდით ფილმს და ეს შეგრძნება დღემდე მომყვება.


- რას მიიჩნევთ თქვენს ყველაზე დიდ მიღწევად?
- ჩემი შვილი ჩემი ყველაზე დიდი მიღწევაა.


- რა არის თქვენთვის ყველაზე ძვირფასი?
- ლიზა - ჩემი შვილი. ამას გარდა, ადამიანებთან ურთიერთობებია ჩემთვის ძალიან პრიორიტეტული.


- თარიღი, რომელსაც თქვენი ცხოვრებიდან გამოტოვებდით?
- 1999 წლის 19 აპრილს - დღეს, როდესაც დედა გარდაიცვალა.


- რა არის თქვენთვის სამშობლო? 
- სახლისა და სიმყუდროვის შეგრძნებაა ჩემთვის სამშობლო; როდესაც სიტყვა „სამშობლო“ მესმის, ავტომატურად 1989 წლის 9 აპრილი და 1991-92 წლების თბილისის ომი მახსენდება. პირველი საშუალო სკოლა დავამთავრე, ახლანდელი კლასიკური გიმნაზია, ვცხოვრობდი აქვე - ფურცელაძის ქუჩაზე და მაშინდელმა ტრაგედიამ, მართლაც რომ ჩემს თავზე გადაიარა - ამ სიტყვის პირდაპირი მნიშვნელობით. 9 აპრილს მე-9 კლასში ვსწავლობდი - ბავშვები აქტიურად ვიყავით ჩართულები მაშინდელ პოლიტიკურ პროცესებში. სკოლიდან გავდიოდით მოშიმშილეებთან, სახლიდან მათთვის პლედები და თბილი ტანსაცმელი მიგვქონდა. ვისხედით მათთან ერთად სანთლებით ხელში და საქართველოს უკეთესი მომავლის  გვჯეროდა. სამშობლოს ხსენებაზე ეს ამბები მახსენდება, რა თქმა უნდა, ცუდი მოგონებაა, მაგრამ სწორედ ეს ემოციებია ჩემთვის სამშობლო.


- რისი გეშინიათ ყველაზე მეტად?
- მარტოობის, სიბერისა და სიკვდილის.


- როგორ ისურვებდით სიკვდილს?
- სიკვდილს ვისურვებდი ჭარმაგ ასაკში. ბავშვობიდან სულ მეგონა, რომ ძალიან გვიან უნდა მოვმკვდარიყავი. ისიც არ მინდა, რომ ჩემი სიბერით ვინმეს თავი მოვაბეზრო და საყვარელი ადამიანები შევაწუხო; მინდა უცებ, უჩუმრად და წყნარად წავიდე ამ ქვეყნიდან.


- თუკი ოდესმე ღმერთს შეხვდებოდით, რას ისურვებდით, რომ თქვენთვის ეთქვა?
- ნათია! შენ ტყუილად არ გიცხოვრია!


 

ფოტოგრაფი: ალექსანდრე სხულუხია
ურთიერთობა

პრეზერვატივების უკმარისობა და კორონავირუსული ეროტიკა: როგორ იმოქმედა ეპიდემიამ სექსზე

სამყარო თავდაყირა დადგა, ეპიდემია ყველა სფეროს შეეხო, მათ შორის, სექსსაც. რა შეიცვალა და სადამდე შეიძლება მიგვიყვანოს კოვიდინფექციის შედეგებმა?
დღის ჰოროსკოპი

9 აპრილის ასტროლოგიური პროგნოზი

რას გვირჩევენ ვარსკვლავები 9 აპრილისთვის ჯანმრთელობის, ბიზნესის და სიყვარულის მიმართულებით?
ამბები

შერატონ გრანდ თბილისი მეტეხი პალასის სიურპრიზი კარანტინში განთავსებულ სტუმრებს

COVID-19 -ის წინააღმდეგ ბრძოლის ფარგლებში, საქართველოს მასშტაბით რამდენიმე სასტუმრო საზღვარგარეთიდან ჩამოსულ ქართველ მოქალაქეებს კარანტინისთვის 14 დღის განმავლობაში მასპინძლობს.  
საკნატუნო ამბები

ცნობილები თვითიზოლაციაში

რა საერთო გვაქვს დღეს ჩვენ და სელებრითებს?
ჩვენ გვერდით

„გთხოვთ, ისწავლეთ უჰანის შეცდომებზე!“ (ვიდეო)

ჩინეთის ქალაქი უჰანი, საიდანაც კორონავირუსის ეპიდემიამ გავრცელება დაიწყო, 11-კვირიანი კარანტინის შემდეგ ცხოვრების ჩვეულ რიტმს ნელ-ნელა უბრუნდება.
საკნატუნო ამბები

როგორ გავერთოთ სახლში იზოლაციის დროს

ყველას გვენატრება გარეთ გასვლა, ისეთი უმნიშვნელო და სასიამოვნო აქტივობები, როგორიცაა, მაგალითად, სეირნობა, პიკნიკი, პარასკევს მეგობრებთან ერთად გართობა და ა.შ.  
დღის ჰოროსკოპი

8 აპრილის ასტროლოგიური პროგნოზი

რას გვირჩევენ ვარსკვლავები 8 აპრილისთვის ჯანმრთელობის, ბიზნესის და სიყვარულის მიმართულებით?
იცით თუ არა...

როგორ ხმას გამოსცემს კორონავირუსი - ამერიკელმა ბიოლოგებმა SARS-CoV-2-ის მოძრაობა გაახმოვანეს (აუდიო)

მკვლევართა ჯგუფმა, მასაჩუსეტის ტექნოლოგიური ინსტიტუტიდან მარკუს ბიულერის ხელმძღვანელობით, ექსპერიმენტის შედეგად მიიღო კომპოზიცია, რომელიც ძალიან სასიამოვნო მოსასმენია...
საკნატუნო ამბები

ინტერნეტხუმრობები კორონავირუსზე - იუმორი კარანტინიდან

კორონავირუსზე ხუმრობების გამოქვეყნება სოციალურ ქსელებში გრძელდება და, როგორც ჩანს, კარანტინის დასრულებამდე არც ინტერნეტმომხმარებლები აპირებენ ამის დასრულებას.
ამბები

 „დანკინმა“ ინფექციურისა და პირველი საუნივერსიტეტო კლინიკის მედიკოსებს საუზმე მიართვა

„ამერიკული რესტორნების ქსელმა „დანკინმა“ ინფექციურისა და პირველი საუნივერსიტეტო კლინიკების ბოქსირებული განყოფილების მედიკოსებს, დაუღალავი შრომისთვის მადლობის ნიშნად, საუზმე მიართვა და საშუალება მისცა, „დანკინის“ ყავითა და დესერტებით ენერგიულად დაეწყოთ დილა“, - ამის შესახებ „ვისოლ ჯგუფის“ მიერ გავრცელებულ ინფორმაციაშია ნათქვამი.
დღის ჰოროსკოპი

7 აპრილის ასტროლოგიური პროგნოზი

რას გვირჩევენ ვარსკვლავები 7 აპრილისთვის ჯანმრთელობის, ბიზნესის და სიყვარულის მიმართულებით?
ამბები

სად თამაშობს ყველაზე მეტი მომხმარებელი ნარდს, ბურას, და დომინოს ონლაინ

ბოლო დღეების სტატისტიკით, ევროპაბეთი სამაგიდო თამაშების ყველაზე მსხვილი პლატფორმაა რეგიონში. ნარდი, ბურა, დომინო, პოკერი - პოპულარულ სამაგიდო თამაშებს ევროპაბეთზე ერთდროულად 10 000-ზე მეტი ადამიანი თამაშობს.