დათო გორგილაძე: „ჩემს ყველაზე დიდ მიღწევად მივიჩნევ ჩემი საყვარელი ადამიანის გაცნობას“

დათო გორგილაძე: „ჩემს ყველაზე დიდ მიღწევად მივიჩნევ ჩემი საყვარელი ადამიანის გაცნობას“

ზეპირი ანკეტა

21 მაისი 20:00, 2018 წელი

გიორგი კეკელიძესთან პრუსტის კითხვარს პასუხობენ საქართველოს მოქალაქეები, მიუხედავად მათი წარსულისა, აწმყოსი და მომავლისა, მიუხედავად პოლიტიკური და სხვა, მსგავსი თუ არამსგავსი, შეხედულებებისა, პროფესიისა, ნიჭისა თუ... დღევანდელი სტუმარია PR-ის სპეციალისტი დათო გორგილაძე.

- რა არის თქვენთვის სრულყოფილი ბედნიერება?
- ჩემთვის სრულყოფილი ბედნიერება არ არსებობს. შეიძლება ეს უკვე განცდილი მაქვს, ან შეიძლება, წინ მელოდება. როგორც „უმანკოების მუზეუმშია“: „რა ვიცოდი, რომ ჩემთვის ყველაზე ბედნიერი წამი ყოფილაო“. ალბათ, უფრო მოგვიანებით შევხედავ, გამოვიხედები უკან და მერე შევაფასებ.


- ბოლოს როდის გაიცინეთ?
- აი, წეღან, შენ რომ შეგხვდი, მაშინ. საერთოდ, ძალიან ხშირად ვიცინი.


- ბოლოს როდის იტირეთ?
- ვიტირე რამდენიმე დღის წინ, როდესაც კიდევ ერთხელ ვუყურე „სათამაშოების ისტორიის“ მესამე სერიას.


- თქვენი ხასიათის მთავარი შტრიხი?
- ზედმეტად ცნობისმოყვარე ვარ.


- ყველაზე დიდი ნაკლი?
- ნაკლი კი ნამდვილად სიზარმაცეა.


- ყველაზე მეტად რომელ ისტორიულ ფიგურასთან აიგივებთ თავს?
- ისტორიულ ფიგურებთან თავს ვერ გავაიგივებ, არ ვარ ასეთი ამბიციური. ისე, ტიპაჟით ნიკოლოზ ბარათაშვილი ვიქნებოდი.


- ვინ არიან თქვენი გმირები დღეს?
- ადამიანები, რომლებიც ძალიან პატიოსნად აკეთებენ და საკუთარ თავს უძღვნიან თავიანთ საქმეს, ისე, რომ არ ჩანან, არ გამოდიან სააშკარაოზე. მაგალითისთვის შეგვიძლია, პირობითად ავიღოთ სტუდია „პიქსარის“ თანამშრომლები, რომლებსაც ვერ ვხედავთ ეკრანზე, მაინცდამაინც არ ჩანან, მაგრამ გენიალურ რაღაცებს ქმნიან.


- თქვენი მხატვრული გმირები.
- ბავშვობიდან ძალიან მიყვარს საიდუმლო კუნძულის გმირები, ძალიან მიყვარს რენდელ პატრიკ მაკმერფი, რომელიც წიგნის „ვიღაცამ გუგულის ბუდეს გადაუფრინა“ ერთ-ერთი მთავარი პერსონაჟია და ძალიან მიყვარს, ასევე, გაბრიელ გარსია მარკესის პერსონაჟი - პოლკოვნიკი.


- ყველაზე შთამბეჭდავი მოგზაურობა?
- რაც მახსენდება, ეს იყო ირანში მოგზაურობა. შთამბეჭდავი იყო არა მხოლოდ იმ სილამაზით, რაც ვნახე, მეჩეთებით, ძალიან საინტერესო ადამიანებით, რომლებიც გავიცანი, ხალიჩებით და ა.შ., არამედ ასევე, საინტერესო იყო იმ რეჟიმის ძალიან მძაფრი განცდით, რომელიც ვიგრძენი თეირანის აეროპორტში ფეხის დადგმისთანავე.


- თვისება, რომელსაც უპირატესობას ანიჭებთ მამაკაცში?
- მამაკაცში უპირატესობას ვანიჭებ, ალბათ, ერთგულებასა და წესიერებას.


- ქალში?
- ვერ ვარჩევ ამ ორს, იმიტომ, რომ ჩემთვის ქალსა და კაცს შორის მხოლოდ ბიოლოგიური განსხვავებაა, დანარჩენი არ მაინტერესებს. შესაბამისად, ერთნაირია.


- საყვარელი მწერლები?
- გაბრიელ მარსია მარკესი, კამილო ხოსე სელა, კარლოს ფუენტესი. უმეტესად ლათინოამერიკელები. ასევე, დავით კლდიაშვილი.


- საყვარელი კომპოზიტორი?
- კლასიკურ მუსიკას ხშირად არ ვუსმენ. ძალიან მიყვარს კინომუსიკა და მოდი, ჯონ უილიამსს ვიტყვი.


- ფილმი?
- მილოშ ფორმანის „ვიღაცამ გუგულის ბუდეს გადაუფრინა“ - ცალსახად და ერთმნიშვნელოვნად.


- რას მიიჩნევთ თქვენს ყველაზე დიდ მიღწევად?
- ჩემს ყველაზე დიდ მიღწევად მივიჩნევ ჩემი საყვარელი ადამიანის გაცნობას და ჩემი ცხოვრების მასთან დაკავშირებას.


- რა არის თქვენთვის ყველაზე ძვირფასი?
- ჩემთვის ყველაზე ძვირფასია ის გარემოცვა, რომელშიც ვტრიალებ: ჩემი ოჯახი და ჩემი მეგობრები. როგორც წესი, მატერიალური რაღაცები ნაკლებად ძვირფასია ხოლმე ჩემთვის. სახლი ნაკლებად ძვირფასია, ვიდრე ის ადამიანები, ვინ იქ ცხოვრობენ. არა მგონია, რამე განსხვავებულს ვამბობდე, ალბათ, ყველასთვის ასეა.


- თარიღი, რომელსაც თქვენი ცხოვრებიდან გამოტოვებდით?
- მაგაზე მიფიქრია აქამდეც და მივხვდი, რომ, საბოლოო ჯამში, არცერთ თარიღს არ გამოვტოვებდი, რადგან გავაცნობიერე, რომ ჩემი ცხოვრება შედგება კარგი საქციელისგან და ბევრი ცუდი საქციელისგან. რაც ხდება, ხდება და რაღაცებისგან უნდა ვისწავლოთ, რომ რაღაც აღარ უნდა გავაკეთოთ ან სხვანაირად გავაკეთოთ.


- რა არის თქვენთვის სამშობლო?  
-  სამშობლო ჩემთვის არ არის სალი კლდეები, მდინარეები და მდელოები. სამშობლო ის ადამიანებიც არიან, რომლებიც მიყვარს. და ქართული ენაა ჩემთვის სამშობლო.


- რას აკეთებთ მაშინ, როდესაც არ წერთ?
- როდესაც არ ვწერ, ვფიქრობ იმაზე, რა დავწერო. ან ვკითხულობ იმ ადამიანების წიგნებს, ვინც ჩემზე ბევრად, ძალიან, ძალიან ბევრად უკეთ წერენ.


- რისი გეშინიათ ყველაზე მეტად?
- ბოლო დროს საკუთარ თავში აღმოვაჩინე ის შიში, რომ ერთ დილითაც გავიღვიძებ და ქართული ენა არ მეცოდინება და მივხვდი, რომ არაფერი ვიქნები ქართული ენის გარეშე. იდენტობას დავკარგავ.


- როგორ ისურვებდით სიკვდილს?
- ალბათ, საყვარელი ფილმის ყურების დროს.


- თუკი ოდესმე ღმერთს შეხვდებოდით, რას ისურვებდით, რომ თქვენთვის ეთქვა?
- ძალიან მომეწონა შენი მოთხრობაო.

ფოტოგრაფი: ალექსანდრე სხულუხია
დღის ჰოროსკოპი

9 ივლისის ასტროლოგიური პროგნოზი

რას გვირჩევენ ვარსკვლავები 9 ივლისისთვის ჯანმრთელობის, ბიზნესის და სიყვარულის მიმართულებით?
ამბები

მენტალური ჯანმრთელობის ახალი ცენტრი და უფასო პროგრამები - „ევროპაბეთის“ მხარდაჭერით Mental Hub გაიხსნა

ბოლო რამდენიმე წელია სოციალური პასუხისმგებლობა ბიზნესის სფეროს სტრატეგიის ნაწილი გახდა, - ამის შესახებ ინფორმაციას „ევროპაბეთი“ ავრცელებს.
დღის ჰოროსკოპი

8 ივლისის ასტროლოგიური პროგნოზი

რას გვირჩევენ ვარსკვლავები 8 ივლისისთვის ჯანმრთელობის, ბიზნესის და სიყვარულის მიმართულებით?
ამბები

Covid-19-თან მებრძოლ სამედიცინო პერსონალს Responsible.ge ფსიქოთერაპიის კურსებს დაუფინანსებს

 „ევროპაბეთის“ მხარდაჭერით ახალი ფსიქორეაბილიტაციის ცენტრი „მენტალ ჰაბი“ გაიხსნა  Responsible.ge-ს დაფინანსებით ფსიქორეაბილიტაციის კურსის გავლას თამაშზე დამოკიდებული ადამიანები „მენტალ ჰაბშიც“ შეძლებენ
ამბები

„ჯიპიაი ჰოლდინგის“ ტრანსფორმაციის სტრატეგია: წინ, ახალი რეალობისკენ!

„ჯიპიაი ჰოლდინგი“ ბაზარზე განვითარების ახალ სტრატეგიას აანონსებს, რაც საქართველოში და მსოფლიოში მიმდინარე ტენდენციებს ეხმიანება და გრძელ ვადაში კომპანიის სწრაფ ზრდას უზრუნველყოფს, - ამის შესახებ „ჯიპიაი ჰოლდინგში“ აცხადებენ.
დღის ჰოროსკოპი

7 ივლისის ასტროლოგიური პროგნოზი

რას გვირჩევენ ვარსკვლავები 7 ივლისისთვის ჯანმრთელობის, ბიზნესის და სიყვარულის მიმართულებით?
ამბები

9 რამ, რაც ყველას გამოგვივლია გამოცდების წინ

ტექნიკის ბრენდმა „ზუმერმა“ წინასაგამოცდოდ აბიტურიენტების წახალისება გადაწყვიტა და ვიდეორგოლში ის მომენტები შეკრიბა, რომელიც ყველას გამოგვივლია გამოცდების წინ.
ამბები

რეგიონის მთავარი ტურნირი ნარდში - 50 000 ლარისთვის 5 ქვეყანა იბრძოლებს

სამაგიდო თამაშების ყველაზე დიდი პლატფორმა რეგიონში ევროპაბეთი და საქართველოს სპორტული ნარდის ფედერაცია, პროფესიონალურ ნარდში პირველ რეგიონალურ ონლაინ-ჩემპიონატს ატარებენ. 5 ივლისიდან სტარტი აიღო საკალიფიკაციო პირველობებმა, უშუალოდ ჩემპიონატი კი 26 ივლისს, europebet.com-ზე დაიწყება, - ამის შესახებ ინფორმაციას „ევროპაბეთი“ ავრცელებს.
დღის ჰოროსკოპი

6 ივლისის ასტროლოგიური პროგნოზი

რას გვირჩევენ ვარსკვლავები 6 ივლისისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

5 ივლისის ასტროლოგიური პროგნოზი

რას გვირჩევენ ვარსკვლავები 5 ივლისისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

4 ივლისის ასტროლოგიური პროგნოზი

რას გვირჩევენ ვარსკვლავები 4 ივლისისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

3 ივლისის ასტროლოგიური პროგნოზი

რას გვირჩევენ ვარსკვლავები 3 ივლისისთვის ჯანმრთელობის, ბიზნესის და სიყვარულის მიმართულებით?