- რა არის თქვენთვის სრულყოფილი ბედნიერება?
- მიმაჩნია, რომ ბედნიერების სრულყოფილებაში დევს ის, რომ სრულყოფილი ბედნიერება არ არსებობს.
- ბოლოს როდის გაიცინეთ?
- ყოველთვის ვიცინი... აი, ახლაც, როცა თქვენ დაგინახეთ, გამეღიმა, ძალიან გამიხარდა.
- ბოლოს როდის იტირეთ?
- ცრემლი არ მომდის, მე მაინც ვტირი.
- თქვენი ხასიათის მთავარი შტრიხი?
- უცნაურობა.
- ყველაზე დიდი ნაკლი?
- სიფიცხე.
- ყველაზე მეტად რომელ ისტორიულ ფიგურასთან აიგივებთ თავს?
- ალბათ, არავისთან. იმდენად მომწონს საკუთარი თავი, რომ ყველა დროში ვიმოგზაურებდი.
- ვინ არიან თქვენი გმირები დღეს?
- ზოგადად, ადამიანების გაგმირება არ მიყვარს.
- თქვენი მხატვრული გმირები...
- თოლია ჯონათანი და პატარა უფლისწული.
- ყველაზე შთამბეჭდავი მოგზაურობა?
- საკუთარ თავთან მოგზაურობა, რომელიც არასდროს დამთავრდება.
- თვისება, რომელსაც უპირატესობას ანიჭებთ მამაკაცში...
- რაინდობა.
- ქალში?
- სინაზე.
- საყვარელი მწერლები....
- უილიამ ფოლკნერი, თომას მანი, ჰომეროსი და ტერენტი გრანელი.
- საყვარელი კომპოზიტორი...
- არქანჯელო კორელი.
- ფილმი?
- „პიანისტი“.
- რას მიიჩნევთ თქვენს ყველაზე დიდ მიღწევად?
- იმას, რომ სიყვარული და პატიება შემიძლია.
- რა არის სამშობლო?
- ჩემთვის სამშობლო... ნოსტალგიის ცრემლზე მეტი.
- რას აკეთებთ მაშინ, როცა არ წერთ?
- ვფიქრობ, როდის დამეწერება.
- რა არის თქვენთვის ყველაზე ძვირფასი?
- ადამიანი.
- რისი გეშინიათ ყველაზე მეტად?
- იმას, რომ შიშის განცდა საერთოდ არ მაქვს.
- თარიღი, რომელსაც თქვენი ცხოვრებიდან გამოტოვებდით...
- დაბადების თარიღი.
- როგორ ისურვებდით სიკვდილს?
- ღმერთთან გულწრფელი საუბრის პროცესში.
- თუკი ოდესმე შეხვდებოდით ღმერთს, რას ისურვებდით, რომ თქვენთვის ეთქვა?
- მე არ შევცდი, რომ პეტრე გიწოდე.
ფოტოგრაფი: ალექსანდრე სხულუხია