- რა არის თქვენთვის სრულყოფილი ბედნიერება?
- გამუდმებით რამე ღირებულის შექმნის პროცესი. ალბათ, გარშემომყოფი ადამიანების მინიმუმამდე დაყვანილი დანაკლისის პირობებში.
- ბოლოს როდის გაიცინეთ?
- ახლახან, სახლში. „ჰარი პოტერის“ ხელახლა ყურებისას.
- ბოლოს როდის იტირეთ?
- ხელახლა წავითხე რეზო ინანიშვილის მოთხრობა „დედა“ და გულამოსკვნთ ვიტირე. ეგეც, ერთი-ორი დღის წინ.
- თქვენი ხასიათის მთავარი შტრიხი?
- ნების სიმტკიცე.
- ყველაზე დიდი ნაკლი?
- ფიქრის პროცესით კაიფის მიღება, იმიტომ, რომ ბევრ დროს მაკარგვინებს.
- ყველაზე მეტად რომელ ისტორიულ ფიგურასთან აიგივებთ თავს?
- არ ვაიგივებ, უბრალოდ, კოკო შანელს კარგად ვითამაშებდი. კოკო შანელთან ბევრი პარალელი გამივლია.
- ვინ არიან თქვენი გმირები დღეს?
- ადამიანები, ვინც ახერხებენ, შეცვალონ თავიანთ გარშემო არსებული დრო, სივრცე და ადამიანები უკეთესობისკენ.
- თქვენი მხატვრული გმირები?
- ჩორვენი.
- ყველაზე შთამბეჭდავი მოგზაურობა?
- ახლახან, სრულიად მარტო, ნიო-იორკში საკუთარი თავისა და ზრახვების ამარა და ბარსელონაში ჩემს მეგობარ ბიჭთან ერთად.
- თვისება, რომელსაც უპირატესობას ანიჭებთ მამაკაცში?
- სიმშვიდე და მგრძნობელობა.
- ქალში?
- კარგი იქნება, თუ მე მემსგავსება, მაგრამ არც მთლად.
- საყვარელი მწერლები?
- დღემდე ვერავინ შემიცვალა ასტრიდ ლინგრენი, სავარაუდოდ, იმიტომ, რომ მისით განვიცადე პირველად კითხვის ექსტაზი. ეს იყო პირველი მწერალი, რომელიც წავიკითხე.
- საყვარელი კომპოზიტორი?
- ერიკ სატი და ტომ იორკი.
- ფილმი?
- „მე კუბა“, „საშინელი სიყვარული“, „უკანასკნელ ამოსუნთქვამდე“, „ადელის ცხოვრება“.
- რას მიიჩნევთ თქვენს ყველაზე დიდ მიღწევად?
- უდავოდ, იმას, რომ გავაცნობიერე: არავისთან არაფრით ვარ ვალში, გარდა კაცობრიობისა.
- რა არის თქვენთვის ყველაზე ძვირფასი?
- ჩემი და სხვისი პირადი სივრცე.
- რა არის თქვენთვის სამშობლო?
- იაპონელ პოეტ ტაკუბოკუ ისიკავას აქვს ასეთი ტანკა: „როცა ერთბაშად, ვაგონიდან შორს, ცისკიდურზე ჩემი სამშობლოს მთები გამოჩნდნენ - ჰოი, რარიგად მევიწროვა მაშინ საყელო“. აი, ეგ არის სამშობლო. გაცნობიერებული სუნთქვის შეკვრა გაუცნობიერებელი მოტივებით.
- თარიღი, რომელსაც თქვენი ცხოვრებიდან გამოტოვებდით.
- თუ რამეს გამოვტოვებდი, ეს მხოლოდ იმპულსური გადაწყვეტილება იქნებოდა და საბოლოო ჯამში, ალბათ, არაფერს გამოვტოვებდი.
- რისი გეშინიათ ყველაზე მეტად?
- თესვის მომკის გარეშე.
- როგორ ისურვებდით სიკვდილს?
- მაშინ, როცა ვისურვებდი.
- თუკი ოდესმე შეხვდებოდით ღმერთს, რას ისურვებდით, რომ თქვენთვის ეთქვა?
- ჩაარტი - ანუ Hi 5...
ფოტოგრაფი: ნათია სიჭინავა