1. თქვენთვის დრო ძალიან ძვირფასია და სისულელეებზე არასდროს ხარჯავთ. ლაპარაკს საქმის კეთება გირჩევნიათ. პირდაპირი და უეშმაკო ხართ, წვრილმანებზე არ ხურდავდებით, საკუთარი შინაგანი ხმით მოქმედებთ.
ადამიანთა ემოციებზე არ თამაშობთ და ურთიერთობის თანამედროვე წესები ხელოვნურად მიგაჩნიათ, ამიტომ გიკვირთ, რატომ არ შეუძლიათ ადამიანებს პატიოსნად ურთიერთობა.
2. მუდამ ადამიანებზე ზრუნავთ, მათ შორის მათზე, ვინც საზოგადოების ფსკერზე იმყოფება. როცა ვიღაცას ცხოვრებაში ბნელი პერიოდი აქვს, თქვენ მის ნათელ მხარეს მაინც ხედავთ.
ძალიან ერთგული ხართ და ეს ბრძენი სულის ნიშანია. პრობლემების მოგვარება ოსტატურად გეხერხებათ, მათ შორის - ყველაზე უიმედო შემთხვევაშიც. თქვენ ყოველთვის შეგიძლიათ სწორი გამოსავლის მოძებნა. ამისთვის უამრავი საშუალება და მეთოდი გაქვთ, რომლებიც ჯადოსნური გასაღებივით ყველაზე მძიმე კარსაც აღებს.
3. ყოველთვის იცით, ადამიანს როდის რა რჩევა უნდა მისცეთ. გაქვთ უნარი, საუკეთესო გადაწყვეტილება შესთავაზოთ, განსაკუთრებით პირად საკითხებზე. წინასწარმეტყველივით შეუცდომლად საზღვრავთ, რა მოხდება შემდგომ. კარგად ხვდებით, რომ ამქვეყნად ჩვენი დრო განსაზღვრულია და ამიტომაც ცდილობთ, მეტი დაინახოთ და გააკეთოთ. ეს თქვენი გონებისთვის მუშაობის ჩვეული გზაა. თქვენ დარწმუნებული ხართ თქვენი გადაწყვეტილებების სიმართლეში.
4. ასაკი თქვენთვის არაფრისმთქმელი რიცხვია, ერთნაირად გსიამოვნებთ როგორც ხანდაზმულებთან, ისე თანატოლებთან და ბავშვებთან ურთიერთობა. გიყვართ სწავლა და სხვა ადამიანების შეცნობა. ამით კმაყოფილებას იღებთ და პიროვნულად იზრდებით. თქვენ უხვად გასცემთ, ვინაიდან მატერიალური ქონება ნაკლებად გაინტერესებთ. თქვენთვის საკუთარი სინდისის ხმაა მთავარი. მზად ხართ, უკანასკნელიც კი გაიღოთ მისთვის, ვისაც უჭირს.